Joshua 6:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ọtiọye na ihwo na de kuvwie, e de hworo ewanre na. Rẹ ihwo na ghwe vwo nyo umri rẹ ewanre na, ihwo na ejobi de ghwe kuvwie ghwrọrọrọ, igbẹhẹ na de ghwe ghwie she re kpae, ihwo na da ghwa họrhọ ro evun rẹ orere na, ohwohwo vwọ kpahe ohwo, ayen da reyọ orere na.

Joshua 6:20 ပူးပေါင်းရင်းမြစ်များ

2 Ikun rẹ Ivie 13:15

Etiyin eshare ri Juda de kudje rẹ ofovwi. Ọke rẹ eshare ri Juda vwo kperi, Ọghẹnẹ de phi Jeroboam kua kugbe Izrẹl ejobi vwọ kẹ Abijah vi Juda.

Zẹfanaya 1:16

Ẹdẹ rẹ owanre ehworo vẹ unuebo rẹ ofovwi vwọ so irere ra gba ogba riariẹ ogba ri kpenu ra gba hẹrhẹ ofovwi.

Hibru 11:30

Vwẹ esegbuyota ọye igbẹhẹ ri Jeriko vwo ghwie she, ọke rẹ ayen vwọ yan riariẹ ẹdẹ ighwrẹ nu.

Joshua 6:5

Ọke re ayen de hworo ighoro rẹ egbo na re ayen de dje ofu krekri, re ovwan de ghwe nyo edo rẹ owanre na, etiyin ihwo na ejobi ki mu kuvwie; igbẹhẹ ri Jeriko na ko che ghwie she totọ, ihwo na ọvuọvo ke cha vẹn ruọ.

1 Samuẹl 4:5

Ọke rẹ ekpeti rẹ ọphọ rẹ Ọrovwohwo na rhi vwo te evun rẹ erhọn na, Izrẹl ejobi de mu kperi gangan, ọtiọye na otọ na de kpogho.