Joshua 6:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Te orere na kugbe obo re herọ ejobi kẹ a vwẹ ayen ze kẹ Ọrovwohwo rere a ghwọrọ ayen kufia; jokpa ri Rehab rẹ igberadja na ọvo vẹ ihwo rẹ uwevwi rọye ọvo re cha rhọ, kidie o si ikọn re ji rhe na nu.

Joshua 6:17 ပူးပေါင်းရင်းမြစ်များ

Jẹnẹsis 12:3

Ki mi bruba kẹ ihwo ri bruba kẹ wẹ, oro harhe owẹ ke Me harhọ; vwẹ oma wẹn irere rẹ akpọ na ejobi de vwo ebruphihọ kẹ oma rayen.

Ezra 10:8

nẹ ohwo kohwo rọ rha phia vwẹ ẹdẹ erha-a, vwẹ urhi rẹ iruiruo na vẹ ekpakọ na-a eyere rọye ejobi ke gborho, ekpuyovwi rọye ke muo imu vwẹ ukoko rẹ ihwo ri nẹ imu rhe na.

Aizaya 34:6

Ọrovwohwo na vwo ọlọko ọvo, ọbara ghwoiri yanka, ivwri ranmuo koi, ve ọbara rẹ imigodẹ kugbe ẹvwe, vẹ ivwri re ibiehun re egbo. Kidie Ọrovwohwo vwo izobo vwi Bozra, ihwehwe rode vwe otọ re Idọm

Jerimaya 46:10

Ẹdẹ yena ẹdẹ rẹ Ọrovwohwo Ọghẹnẹ rẹ otuofovwi, ẹdẹ rẹ ihriẹriọ rọ vwọ reihri rẹ ivwighrẹ rọye. Ọlọkọ cha ghwọrọ rọ da bẹn tunu, rọ da da ọbara rayen vọn evun. Kidie Ọrovwohwo Ọghẹnẹ rẹ otuofovwi ze izobo vwẹ orere rẹ obọrhe ọnre rọ kẹrẹ urhie ri Yufretis.

Izikiẹl 39:17

Vwọ kẹ wẹ, ọmọ rẹ ohwo, e nẹ Ọrovwohwo Ọghẹnẹ tare: Ta ota kẹ oghẹre koghẹre rẹ ọphran kugbe eranvwe rẹ aghwa na ejobi, Ghwẹ oma koko re wa rhe, si koko nẹ asan kasan rhe orẹ rẹ izobo ri mi che ze kẹ wẹ, izobo rode gangan vwẹ enu rẹ igbenu rẹ Izrẹl, ku wọ re uvwo wọ me rha da ọbara.

Livitikọs 27:21

ẹkẹvuọvo otọ na siẹ re de siobọ no vwẹ orẹ re aghọghọ na, kọ dia ọfuanfon kẹ Ọrovwohwo kerẹ otọ re siobọ nẹ kẹ Ọrovwohwo tototo, Orherẹn na kọye ri vwo otọ na.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Matiu 25:40

Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ.

1 Kọrẹnt 16:22

Ọ da dianẹ ohwo ọvuọvo rhe vwo ẹguọnọ kẹ Ọrovwohwo-o, yẹ a harherọ ekan. Ọrovwavwanre, cha!

1 Kọrẹnt 2:7

Ẹkẹvuọvo avwanre yono obo re sinu, aghwanre rẹ Ọghẹnẹ rọ djahere, rẹ Ọghẹnẹ ji iji kpahe rhabae vwọ kẹ urinrin rẹ avwanre.

Galesha 3:10

Kidie ayen ejobi re vwẹ oma da urhi na ayen hẹ otọ rẹ ekan kidie e siro, Ekan kẹ ohwo kohwo rọ yọnrọn emu ejobi re siri phihọ ọbe rẹ urhi na, ro ru ayen gba-a.

Galesha 3:12

Kidie ẹkẹvuọvo urhi na rha vwẹ oma rẹrẹ esegbuyota-a kidie ohwo ro ru ayen kọ rhọ fiki rẹ ayen.

Urhi Rivẹ 20:17

ẹkẹvuọvo wọ Me ghwọrọ ayen ejobi tototo. ihwo ri Hẹt vẹ ihwo rẹ Amọr, ihwo ri Kenan vẹ e re Pẹrẹz, ihwo ri Hiv vẹ e rẹ Jebus, ọtiobo rẹ Ọrovwohwo rẹ Ọghẹnẹ wẹn tare na,

Hibru 11:31

Vwẹ esegbuyota ọye Rihab rẹ igberadja na vwo je ghwo kugbe ayen otu ri jẹ ọghọ emuo na, fikiridie ọ nabọ dede otu ri rhi dọrhẹ na.

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

Jems 2:25

Ọ rha je dia fiki rẹ iruo na e vwo se Rehab rẹ igberadja na ohwo esiri, ọ ro se erhorha na phihọ uwevwi, ro de djẹ idjerhe kẹ ayen?

Joshua 2:1

Etiyin Joshua rẹ ọmọ ri Nọn da bẹbẹ ji ihwo nẹ otọ ri Shitim nẹ i re dọrhẹ, tanẹ, Yanran, re ni otọ na, marho ki Jeriko. Ayen da yanran, ayen de rhi te uwevwi rẹ igberadja ọvo re se odẹ rọye Rehab, ayen de won phihọ etiyin

Joshua 2:22

Ayen da yanran, kpo obo igbenu na, ayen da dia etiyin ẹdẹ erha, bẹsiẹ rẹ ihwo re vwọ tua ayen na vwo rhivwi, kidie ayen guọnọ ayen nene idjerhe na ejobi yẹ a mrẹ aye-en.

Joshua 7:1

Ẹkẹvuọvo ihwo rẹ Izrẹl de gbe oma rayen ẹgua vwẹ oma rẹ ẹravwo re vwo ze na; kidie Ekan rẹ ọmọ ri Karmi, ọmọ ri Zabdi, ọmọ ri Zerah, ohwo rẹ orua ri Juda, da reyọ evo vwẹ eravwọ re vwo ze na; ophu rẹ Ọrovwohwo da tua kpahe ihwo rẹ Izrẹl.

1 Samuẹl 15:3

Asakiephana gba ra ghwọrọ Amalẹk, re wọ guọghọ obo rẹ ayen vwori ejobi; wo jẹ ayen vwo-o, ẹkẹvuọvo hwe ọshare te aye, emeboba ri vievie kugbe imitete, erhuẹn ọshare vẹ igodẹ, kamẹl kugbe ekẹtẹkẹtẹ.

1 Samuẹl 15:6

Sọl da ta kẹ ihwo ri Ken, Yanran, we bioma, nẹ ohri rẹ ihwo rẹ Amalẹk, eyẹ me da rha guọghọ ovwan kugbe ayen; kidie we nẹ arodọvwẹ kẹ ihwo rẹ Izrẹl ejobi rẹ ayen vwo nẹ otọ rẹ Ijipt cha. Etiyin ihwo ri Ken de bioma nẹ ihwo rẹ Amalẹk na.