Joshua 5:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọ da ta, Ẹjo, ẹkẹvuọvo kerẹ onotu rẹ ofovwi rẹ Ọrovwohwo me vwo rhe na. Joshua de she bọvwọ opharo rọye rhuotọ, ọ da ga, ọ da ta kẹ, Kidie Ọrovwohwo guọnọre nẹ odibo rọye ru?

Joshua 5:14 ပူးပေါင်းရင်းမြစ်များ

Jẹnẹsis 17:17

Etiyin Ebraham de gbe opharo otọ ọ da hwẹ, ọ da ta kẹ oma rọye, Kẹ ohwo rọ ghwo te ikpe ujori nure na se vwiẹ ọmọ? Ki Sera rẹ ikpe ujọne gbe ihwe na ji se vwiẹ ọmọ rhe?

Jẹnẹsis 17:3

Ebram de she bọvwọ opharo rhuotọ, Ọghẹnẹ da ta kẹ,

2 Samuẹl 7:19

Ọnana jẹn nẹ emu otete vwẹ obaro wẹn Ọrovwohwo Ọghẹnẹ, Wọ je ta ota kpahe oma rẹ uwevwi rẹ odibo wẹn, vwẹ ọke grogro rọ cha, wọ da rha vwẹ uvwiẹ rọ cha dia vwẹ ẹdẹfa vwọ nẹ vwẹ E Ọrovwohwo Ọghẹnẹl

2 Samuẹl 7:20

Die ọfa Devid je sa ta kẹ wẹ? Kidie wọ riẹn odibo wẹn E Ọrovwohwo Ọghẹnẹ.

Une rẹ Ejiro 110:1

Ọrovwohwo ta kẹ ọrovwovwe nẹ; Tidia vwẹ obọrhe mẹ, bẹsiẹ me vwọ vwẹ ivwighrẹ wẹn hwa otọ kẹ wẹ chiyi.

Une rẹ Ejiro 24:10

Kono Ovie rẹ urinrin na vwo? Ọrovwohwo rẹ otuofovwi na, ọye Ovie rẹ urinrin na.

Ẹyano 4:10

Etiyin Mosis da ta kẹ Ọrovwohwo, “E Ọrovwovwe!, Me riẹn ota taa, rhiri rhi te ọke re wọ vwọ ta ota kẹ vwẹ odibo wẹn na: ota me pha bọrọbọrọ, erẹvwe mẹ sasaree.

Ẹyano 4:13

Ẹkẹvuọvo ọ da ta, “E Ọrovwohwo, me rẹ wẹ, ji ohwo ọfa.”

Aizaya 55:4

Nighere, Mi vwi ro se oseri kẹ ihwo na, Osun kugbe onotu vwọ kẹ ihwo ejobi.

Aizaya 6:8

Mi de nyo urhuru rẹ Ọrovwohwo rọ tanẹ, Ono mi ji, kono re ra kẹ avwanre? Etiyin me da ta, Mẹvwẹ na! Ji vwe

Izikiẹl 3:23

Etiyin mi de vrẹn me da yanran kpo obo uphephe na, mi vwo ni, urinrin rẹ Ọrovwohwo de mudia vwẹ etiyin, kerẹ urinrin re me ka mrẹ vwẹ oma rẹ urhie ri Kiba na, mi de she bọvwọn opharo mẹ rhuotọ.

Daniẹl 10:13

Osun rẹ uvie ri Pẹsha de mukpahe ovwẹ ẹdẹ uje gbẹ ọvo, ẹkẹvuọvo Maikẹl, ọvo vwẹ usun rẹ isun na, da rhe cha vwẹ uko, ọtiọye re me da yan jovwo vẹ osun ri Pẹsha na.

Daniẹl 10:21

Ẹkẹvuọvo me cha vuẹ wẹ obo re si phihọ ẹbe rẹ uyota o vwo ohwo ọvuọvo ro che none uvwe họnre jokpa ri Maikẹl osun wẹn.

Daniẹl 12:1

Ọke yena Maikẹl ko che vrẹn rhe, osun rode na re vwo mu vwẹ enu rẹ ihwo wẹn. Ọke rẹ ukpokpogho ko che te, oghẹre ra je mrẹ dẹvo-o nẹ ọke rẹ ẹgborho na vwọ mama rhiri rhi te ọke na, ẹkẹvuọvo vwẹ ọke yena ihwo wẹn ke che sivwi ayen, kohwo kohwo ra mrẹ odẹ rọye vwẹ ọbe na.

Daniẹl 8:11

O de mu oma rọye kpenu, tobọ re te asan rẹ Osun rẹ otu rẹ obenu na epha na; izobo ra torhẹ kẹ kọke kọke na ọ da reyọ mie, asan eshẹ rọye na e de kporo te otọ.

Livitikọs 9:24

Kọye erhanre da la phia e da torhẹ izobo rẹ ẹtorhẹ na kugbe ivwri re hẹ enu rẹ agbada na, rẹ ihwo na ejobi vwọ mrẹ Ọnana re ayen de kperi gangan ayen de she bọvwọ opharo rhuotọ.

Ukeri 16:22

Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

Ukeri 16:45

Vrẹn nẹ uherevie rẹ ihwo rẹ ukoko nana, rere me ghwọrọ ayen phẹrẹkpẹ. Etiyin ayen de she bọvwọn epharo rayen rhuotọ.

Ukeri 22:31

Etiyin Ọrovwohwo de rhie ẹro ri Balaam phihọ, ọ da mrẹ amakashe rẹ Ọrovwohwo ro mudia vwẹ idjerhe, vẹ ọlọkọ vwẹ obọ rọ kpare, etiyin o de gbe uyovwi kpotọ o de shiguẹ.

Matiu 22:44

Ọrovwohwo ta kẹ Ọrovwovwe nẹ, Tidia vwẹ obọrhe mẹ, Bẹsiẹ me vwọ vwẹ ivwighrẹ wẹn hwa otọ kẹ wẹ chiyi.

Matiu 8:2

Nighe, ọhonvwoti ọvo de bro rhe, ọ da ga, ọ da ta kẹ nẹ, Ọrovwohwo, wọ da rhọvwe, wo se ru vwe fon.

Iyẹnrẹ Esiri ri Luk 1:43

Mavọ o ru wan, rẹ oni rẹ Ọrovwovwe rhi vwo wo vwe?

Iyẹnrẹ Esiri ri Luk 20:42

Kidie Devid vẹ ekpuyovwi rọye tare vwẹ Ọbe rẹ Une rẹ Ejiro, Ọrovwohwo ta kẹ Ọrovwovwe, Tidia vwẹ obọrhe mẹ,

Iyẹnrẹ Esiri ri Luk 5:12

Ọke ro rhi vwo te orere ọvo, ọhonvwoti ọvo da rhe vwa; ọke rọ vwọ mrẹ Jesu, o de shiguẹ kẹ ọ da rẹ, Ọrovwohwo, wọ da rhọvwe gbe ru vwe fon.

Iyẹnrẹ Esiri ri Jọn 20:28

Tọmọs da kpahe kẹ, Ọrovwovwe kugbe Ọghẹnẹ mẹ!

Iruo rẹ Iyinkọn na 9:6

Ẹkẹvuọvo vrẹn re wọ ro orere na, ka ta kẹ owẹ obo ru wo che ru.

Filipae 3:8

Mrẹmrẹ mi kere ayen kirobo ri ghwruru fiki rẹ obo rọ rhonọ emu re me vwọ riẹn Kristi Jesu nẹ ọye hẹ Ọrovwovwe. Fiki rọye mi vwo ku emu na ejobi kufia, mi de ni ayen kerẹ isọn, rere mi se vwo Kristi

Hibru 2:10

Kidie o fori nẹ ọye, ra ma emu na ejobi kẹ na, rẹ emu na ejobi vwọ herọ na, sa vwọ reyọ emọ na vwo kpo urinrin, rere e sa dia ekobaro rẹ esivwo rayen na vwẹ oma rẹ oja rọ rere.

Joshua 20:1

Etiyin Ọrovwohwo da ta kẹ Joshua nẹ,

Ẹvwọphia 12:7

Asakiephana ofovwi de rhi she vwẹ obo odjuvwu, Maikẹl vẹ emakashe rọye ki nene Okpodje na họnra; Okpodje na vẹ emakashe rọye je ghwa họnra,