Joshua 24:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin me da reyọ esẹ rẹ ovwan nẹ Ijipt rhe, we de rhi te abadi; ihwo rẹ Ijipt da vwẹ idjighere vẹ ihwo re gua iyesi vwọ tua esẹ rẹ ovwan re te Abadi Ọvwavware na.

Joshua 24:6 ပူးပေါင်းရင်းမြစ်များ

Nehemaya 9:11

Wọ da ghine ghare abadi na vwe obaro re ayen, ọtiọye na ayen da wan evun re abadi na vrẹn vwẹ otọ ọyaya; otu re vwọ tua ayen na wọ da kpare ayen phihọ evun rẹ odo, kerẹ ubio-ragha ro she phihọ ọgudu re ame.

Une rẹ Ejiro 78:13

O da ghare abadi na ọ da vwẹ ayen wan vrẹn, ọ da nẹrhẹ ukori rẹ ame na mudia kpehre.

Ẹyano 12:37

Ihwo rẹ Izrẹl de mu oyan phihọ nẹ Ramesis kpo Sukọt, ayen kerẹ ihwo odu-esan re vwẹ owọ yan, e kerẹ eya vẹ imitete-e.

Ẹyano 12:51

Vwẹ ẹdẹ yena kpekpekpe na Ọrovwohwo da reyọ ihwo rẹ Izrẹl ejobi nẹ otọ rẹ Ijipt.

Maika 6:4

Kidie Me reyọ ovwan nẹ otọ rẹ Ijipt rhe, Me da tan ovwan nẹ uwevwi rẹ eviẹn rhe; Me da vwẹ ovwan kẹ Mosis, Erọn, kugbe Miriam.

Iruo rẹ Iyinkọn na 7:36

O de sun ayen yanran, vwẹ ọke ro vwo ru iruo rẹ igbunu kugbe eka buebu vwẹ Ijipt kugbe obo Abadi Ọvwavware na, kugbe evun rẹ aghwa vwẹ ikpe ujuvẹ soso.

Hibru 11:29

Vwẹ esegbuyota ọye ihwo na vwọ wan Abadi Ọvwavware na vrẹn vwẹ otọ ọyaya; ẹkẹvuọvo otu rẹ Ijipt na, re vwẹ ẹro kere ayen ruọ, de divwi ghwu.