Joshua 24:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Joshua da ta kẹ ihwo na, Nighe, oragha nana ko che se iseri hwe avwanre; kidie o nyo eta rẹ Ọrovwohwo nana ejobi rọ ta kẹ avwanre na; fiki rẹ ọtiọye na ko che se iseri hwe we, wo de rhi ru ogbigbiru rhurhu Ọghẹnẹ wẹn.

Joshua 24:27 ပူးပေါင်းရင်းမြစ်များ

ỌBE RẸ JOB 31:23

Kidie me hẹ uguegue rẹ okpetu ro che nẹ obọ rẹ Ọghẹnẹ cha, mi gbi se yivwi hirhe aro ku ọrho rọye na-a.

ỌBE RẸ JOB 31:28

ọnana je hẹ orukuruku rẹ ibrorhiẹ na che bru hwe, kidie ye me vwọrọ ofian kẹ Ọghẹnẹ ro hẹ obenu nure.

Isẹ 30:9

Ọ rha dia ọtiọye-e evun da vọn vwẹ nọ, ke me sen wẹn, ke me ta nẹ, Ono Ọrovwohwo na vwo? eyẹ me da rha dia ogbere koko, ki mi che chuji, ye me phọphọ odẹ rẹ Ọghẹnẹ mẹ.

Aizaya 1:2

Nyo, E Idjuvwu, kerhọn, E akpọ, fikiridie Ọrovwohwo tanure, Mi vwiẹ emọ me da yọnrọn ayen ghwẹro, ẹkẹvuọvo ayen de rhi mu kpahe ovwẹ.

Aizaya 59:13

ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Habakọk 2:11

Kidie ubioragha na che kperi nẹ igbẹhẹ rhe, ugbere re bru ona phihọ kọ cha kpahe kẹ.

Ukeri 11:20

ẹkẹvuọvo ọsoso rẹ emeranvwe, bẹsiẹ rẹ ọ cha vwọ wan inwe wẹn phia, ke kpare owẹ ohọre, fikiridie wọ sien Ọrovwohwo rọ ohri rẹ ovwan, wa da viẹ vwẹ obaro rọye, tanẹ, Die avwanre vwọ tobọ nẹ otọ rẹ Ijipt rhe vwọ?

Matiu 10:33

Ẹkẹvuọvo ohwo kohwo rọ sen vwẹ vwẹ irharo rẹ ihwo, ọye me je sen vwẹ obaro rẹ ọsẹ mẹ rọ hẹ obo odjuvwu.

Iyẹnrẹ Esiri ri Luk 19:40

Ọ da kpahe, Me ta kẹ wẹ, enana de rhurhu unu, ibiekpẹn na dẹn che jiri uvwe.

Urhi Rivẹ 30:19

Mi se odjuvwu vẹ akpọ vwo se oseri hwe ovwan nonẹ na, nẹ mi phi arhọ vẹ ughwu, ebruba vẹ ekan phihọ obaro rẹ ovwan, vwẹ ọtiọye na jẹn arhọ, rere ovwan vẹ uvwiẹ rẹ ovwan mrasan rhọ,

Urhi Rivẹ 31:19

Fiki rẹ ọtiọye na gbe si une nana wo vwo yono ihwo rẹ Izrẹl, phio phihọ unu rayen, rere une nana vwo dia oseri mẹ kpahe ihwo rẹ Izrẹl.

Urhi Rivẹ 31:21

Ọke rẹ ukpokpogho vẹ emiovwo buebu de bru ayen rhe re, une nana kọ dia kẹ ayen kerẹ oseri (kidie ọ cha dia ẹbẹrunu rẹ uvwiẹ rayen ro de jẹ ayen ẹchọrọ); kidie Me riẹn oghẹre rẹ iroro rẹ ayen roro nure, tavwe Me ke reyọ ayen rhe otọ ri mi veri nẹ Me vwọ kẹ na.

Urhi Rivẹ 31:26

Reyọ ọbe nana rẹ urhi na, wa vwọ kẹre ekpeti rẹ ọphọ rẹ Ọrovwohwo Ọghẹnẹ rẹ ovwan, rere ọ dia oseri kpahe ovwan vwẹ Etiyin.

Urhi Rivẹ 32:1

Wa kerhọ, E idjuvwu, re Me ta; jẹn akpọ na nyo eta rẹ ugbunu mẹ.

Urhi Rivẹ 4:26

Mẹ vwẹ odjuvwu vẹ akpọ se iseri hwe ovwan nonẹ na nẹ, wa cha ghwọrọ tototo nẹ otọ na re wa wan Jọdan vrẹn re yere na; ẹdẹ rẹ ovwan gbi gro vwẹ otọ na-a, ẹkẹvuọvo kẹ wa cha ghwọrọ roro.

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.

Joshua 22:34

Ihwo ri Rubẹn kugbe ihwo ri Gad de se agbada na iseri, Kidie, ayen tare nẹ, iseri ọ epha vwẹ uvwre rẹ avwanre nẹ Ọrovwohwo ọye Ọghẹnẹ.

Joshua 24:28

Etiyin Joshua de siobọ nẹ ihwo na kpo, dohwo dughwe rọye da ra.

Ẹvwọphia 3:8

Me riẹn iruo wẹn. Nighe, mi rhie ẹchẹ phihọ ghwroro, rẹ ohwo se huhẹ-ẹ; me riẹnre nẹ ogangan wẹn pha hahavwe, dede na yu wọ yọnre ota mẹ wọ sa sen odẹ mẹ-ẹ.

1 Samuẹl 7:12

Etiyin Samuẹl da reyọ oragha o de vwo vi uvwre ri Mizpah vi Jẹshanah, o de se odẹ rọye Ẹbẹnizar, kidie ọ tare nẹ, Etinẹ na Ọrovwohwo da cha avwanre uko.