Joshua 24:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ọ da dianẹ ovwan siẹn Ọrovwohwo na ra gọ edjọ erhorha ko kuoma rhẹriẹ re wan ovwan oma, kọ ghwọrọ ovwan, yo ru emu esiri kẹ ovwan nure.

Joshua 24:20 ပူးပေါင်းရင်းမြစ်များ

1 Ikun rẹ Ivie 28:8

Fiki rẹ ọtiọye vwẹ asakiephana vwẹ irharo rẹ Izrẹl ejobi; ọghwẹgbe rẹ ihwo rẹ Ọrovwohwo na, vwẹ enyo rẹ Ọghẹnẹ rẹ avwanre vwẹ ẹro te, ru wọ je guọnọ irhi rẹ Ọrovwohwo rẹ Ọghẹnẹ wẹn; rere wo vwo vwo otọ esiri nana; rere wọ rha yan jovwo kẹ emọ wẹn vwọ reuku bẹdẹ.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

Ezra 8:22

Fikiridie oma vo vwẹ re me vwọ ta kẹ ovie nẹ ọ vwẹ otuofovwi vẹ otu re gua iyesi ri nene avwanre je chọ avwanre nẹ obọ rẹ ivwighrẹn rẹ avwanre vwẹ idjerhe, kirobo rẹ avwanre ta kẹ ovie jovwo nẹ, Obọ rẹ Ọghẹnẹ rẹ avwanre yovwi kẹ ihwo ejobi re guọnerọ, ogangan rẹ ophu rọye herọ kpahe ihwo ejobi re senrọ.

Une rẹ Ejiro 89:31

re ayen de gbe iji mẹ ku rẹ ayen gbe sa sẹro re irhi mẹ na-a,

Aizaya 1:28

Ẹkẹvuọvo jihwo okpetu kugbe iruimwemwu ka guọghọ ayen kugbe, ihwo re sen Ọrovwohwo ka gbọrọ ayen.

Aizaya 63:10

Ẹkẹvuọvo ayen gbe ozighi ayen da nẹrhẹ ophu mu Erhi ọfuanfon na, fiki rẹ ọtiọye na ọ da rhoma rhe dia ọvweghre rayen, ekpuyovwi rọye da họnre ayen.

Jerimaya 17:13

E Ọrovwohwo, iphiẹrohọ rẹ Izrẹl, otu re sen wẹ ejobi oma cha vo ayen, otu ri kurhẹriẹ ju we vwo ke si ayen phihọ akpo na, kidie ayen siẹn Ọrovwohwo na, ẹtẹrhe rẹ ame rẹ urhuarhọ.

Izikiẹl 18:24

Ẹkẹvuọvo ọke rẹ ọvwata de kurhẹriẹ nẹ ọvwata rọye ro de ru orukuruku ro de ru emu ẹgua rẹ ohwo umwemwu ruẹ, kọ rhọ vwọ? A gbe karophihọ ọvuọvo rẹ iruo rẹ ọvwata ruru jovwo na-a; fiki rẹ ogbigbiru rọ re abe rọye na kugbe umwemwu ro ruru na, ko ghwu.

Iruo rẹ Iyinkọn na 7:42

Ẹkẹvuọvo Ọghẹnẹ da yan jẹ ayen vwo o de fovwo ayen phihọ egagọ rẹ ekuakua re hẹ obo odjuvwu, kirobo re siro phihọ ọbe rẹ emraro na; ovwan hwe eranvwe vwọ gọ vwẹ kugbe izobo, ikpe ujuvẹ soso vwẹ evun rẹ aghwa, E uwevwi rẹ Izrẹl?

Urhi Rivẹ 4:25

Ọke wo de rhi vwiẹ emọ kugbe emọ rẹ emọ wẹn re wa da rhe dia otọ na krekri re, we de rhi miovwi omobọ rẹ ovwan re, rhe kanre oma re emu kemu re, we de rhi ru umwemwu vwẹ obaro rẹ Ọrovwohwo Ọghẹnẹ wẹn na, wọ da nẹrhẹ ophu muo.

Urhi Rivẹ 4:26

Mẹ vwẹ odjuvwu vẹ akpọ se iseri hwe ovwan nonẹ na nẹ, wa cha ghwọrọ tototo nẹ otọ na re wa wan Jọdan vrẹn re yere na; ẹdẹ rẹ ovwan gbi gro vwẹ otọ na-a, ẹkẹvuọvo kẹ wa cha ghwọrọ roro.

Hibru 10:38

ẹkẹvuọvo esegbuyota ko sivwi ọvwata mẹ rhọ o de sioma reyọ, erhi mẹ vwo omavwerhovwẹ kpahọ-ọ.

Joshua 24:21

Ihwo na da ta kẹ Joshua, A gha, ẹkẹvuọvo avwanre ga Ọrovwohwo na.

1 Samuẹl 12:15

ẹkẹvuọvo we gbi nyo ota rẹ Ọrovwohwo-o, we de miovwi urhi rẹ Ọrovwohwo na, Etiyin obọ rẹ Ọrovwohwo kọ cha tua kpahe ovwan kugbe ovie rẹ ovwan na

1 Samuẹl 12:25

Ẹkẹvuọvo we de rhe ru emu umwemwu, ke hwerhe ovwan kufia, te ovwan te ovie rẹ ovwan.