Joshua 23:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Asakiephana mi muegbe mi che vwo kpo idjerhe rẹ ihwo rẹ akpọ ejobi ra re, yẹ ovwan riẹnre vwẹ evun rẹ udu vẹ erhi rẹ ovwan, ovwan ejobi, nẹ egbudugbu rẹ emu esiri na ejobi rẹ Ọrovwohwo Ọghẹnẹ rẹ ovwan veri kẹ ovwan, ejobi ru gba re, ọvuọvo ro je ruo herọ-ọ.

Joshua 23:14 ပူးပေါင်းရင်းမြစ်များ

Jẹnẹsis 47:29

Rẹ ọke rẹ ughwu rẹ Izrẹl vwọ kẹrẹ otọ re, o de se ọmọ rọye Josẹf ọ da ta kẹ, Ọ da dianẹ ivun mẹ ghene vwerhe owẹ, gbe phi obọ wẹn phihọ otọ rẹ ekpoghowọ mẹ, ru wo vẹ nẹ wo nene uvwe yeri eyere rẹ ọghọ vẹ uyota. Wo shi vwe phihọ Ijipt rẹ,

1 Ivie 2:2

Mi che kpo idjerhe rẹ akpọ ejobi rare. Gba gan oma, re wo dje oma wẹn phia kerẹ ọshare,

1 Ivie 8:56

Ebruba kẹ Ọrovwohwo rọ vwẹ omaerovwo kẹ ihwo rọye Izrẹl, kirobo ro veri ejobi; o vwo ọvuọvo ro she kufa vwẹ ive esiri rọye ejobi na-a, rọ wan oma ri Mosis odibo rọye ta.

ỌBE RẸ JOB 30:23

Uyota, me riẹnre nẹ wo che hwe vwe, wọ cha vwẹ ovwẹ kpo uwevwi re ve phihọ kẹ ihwo rẹ akpọ na ejobi.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Aghwoghwo 12:5

rẹ obo ri kpenu vwo mu ayen oshọ rẹ uguegue da he idjerhe; urhe rẹ orhomrẹ da kpa ipho, rẹ abaka na de kpono yanran rẹ ẹguọnọ de re, kidie ohwo yanran kpo uwevwi rọye ri bẹdẹ, yẹ otu rẹ uvweri na re beroma vwẹ irhuvwu.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Iyẹnrẹ Esiri ri Luk 21:33

Odjuvwu vẹ akpọ cha wanvrẹn, ẹkẹvuọvo eta mẹ cha wanvrẹ-ẹn.

Hibru 9:27

Kirobo re bru ẹdẹ nẹ ohwo rẹ akpọ ẹsiẹvo o ghwẹ, ọyena da wan nu kẹ ẹdjọeguo,

1 Samuẹl 3:19

Samuẹl da rho, Ọrovwohwo vẹ ọye da herọ o gbi jẹ ota rọye ọvuọvo she kufia-a.