Joshua 18:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ etiyin ughwru na da rha wan re te obọhwẹre ọnre vwẹ asan eghwabọ ri Betọglah; ughwru na de rhe vwo oba vwẹ obohwẹre ọnre vwẹ obenu rẹ avware rẹ Abadi rẹ Ughweraka na, vwẹ obo oba rẹ obọrhe ọnre vwi Jọdan, ọnana kọye ughwru rọ obọrhe ọnre.

Joshua 18:19 ပူးပေါင်းရင်းမြစ်များ

Jẹnẹsis 14:3

Enana ejobi da rhe ghwẹ koko vwẹ ushekpotọ ri Sidim (kọye urhie rẹ ughweri).

Jẹnẹsis 19:25

ọ da ghwọrọ irere yena ejobi, vẹ ishekpotọ na ejobi, kugbe ẹbe re djẹ vwẹ otọ na ejobi.

Aizaya 11:15

Ọrovwohwo kọ cha guọghọ ẹrenvwe rẹ urhie rẹ Ijipt tototo; ko kpogho obọ phihọ enu rẹ Abadi rẹ Ijipt Vẹ odju ọtotorhẹ rọye o me gharọ kpo abada ighwrẹ rẹ ihwo mrasan wan otọ ọyaya vrẹn.

Ukeri 34:3

obọrhe ọnre wẹn kọ dia abọ rẹ aton ri Zin vwẹ ẹbẹre rẹ Idọm, ughwru wẹn vwẹ obọrhe ọnre ko ne oba rẹ Abadi rẹ Ughweraka rọ obaro ọnre;

Urhi Rivẹ 3:17

ji te Araba, kugbe Jọdan vẹ ughere rọye, nẹ Kinẹrẹt re te urhie rẹ Araba na, Abadi rẹ Ughweraka na, obotọ rẹ ọghwrọrọ ri Pisga, vwẹ obaro ọnre.

Joshua 12:3

nẹ obo Araba re te Abadi ri Kinnẹrọt vwẹ obaro ọnre, vwẹ ubrakpọ ri Bẹtjẹshimọt, re te abadi re Araba, Abadi rẹ Ughweraka, vwẹ obọrhe ọnre re te esiri rẹ ọghwrọrọ ri Pisgah;

Joshua 15:2

Ughwru rayen vwẹ obọrhe ọnre re te oba rẹ Abadi re Ughweraka, vwẹ asan avware ro hirhe aro ku obọrhe ọnre;

Joshua 18:18

ọ rha wan nẹ etiyin kpo obọhwẹre ọnre vwẹ asan eghwabọ ri Betaraba ọ da yanran re te obo Araba;

Joshua 18:20

Jọdan kọye rha ughwru rọ obaro ọnre. Ọnana kọye ẹkẹn uku re orua ri Benjamin kirobo rẹ ekru rọye epha, ughwru ra rhuọn ki riarie.

Joshua 3:16

ame na rọ djẹ nẹ obenu cha de yeri kpenu gogorogo, vwẹ Adam, orere na rọ hẹ orhoma ri Zaretan, ame rọ djẹ kpo obo abadi na vwẹ obo Araba, Abadi rẹ Ughweraka na, da ghwa kpo yamu otọ; ihwo na da wanvrẹn hirharo ku Jeriko.