Joshua 14:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin ihwo ri Juda de bru Joshua rhe vwi Gilgal, Kalẹb rẹ ọmọ ri Jefunneh ohwo ri Keniz da ta kẹ, Wọ riẹn obo rẹ Ọrovwohwo ta kẹ Mosis ohwo rẹ Ọghẹnẹ na vwi Kadesh-barnea kpahe owẹ vẹ ovwẹ.

Joshua 14:6 ပူးပေါင်းရင်းမြစ်များ

1 Ivie 13:1

Nighere, ohwo rọ Ọghẹnẹ de nẹ Juda rhe ọ vẹ ota rẹ Ọrovwohwo rọ cha ta kẹ Bẹtẹl. Yi Jeroboam mudia vwẹ asan agbada ra da torhẹ insẹns.

1 Ivie 13:14

Ọ da vwọ kpahọ ohwo rẹ ọfuanfon na, ọ da vwa ro tidia otọ rẹ ọhahe ọ da ta kẹ, Wẹ ohwo rẹ ọfuanfon ro nẹ Juda rhe na? ọ da ta, mẹvwẹ.

Ivie rẹ Ivẹ 4:16

Ọ da ta, Ọke ọtiọna ke rhoma te, ku wọ cha gbanẹ ọmọ. Ọ da ta, Ẹjo, ọrovwovwe, E ohwo rẹ Ọghẹnẹ, wọ vwọrọ efian kẹ odibo wẹn rẹ ọmọtẹ-ẹ.

Ivie rẹ Ivẹ 4:42

Ọshare ọvo de nẹ Baal-shalishah rhe, ọda ghwa ikara rẹ emamọ rẹ ẹsosuọ vwo rhe ohwo rẹ Ọghẹnẹ na, ọkon rẹ ikara ri bali uje, kugbe eka eboba vwẹ evun rẹ esiso. Ilaesha da ta, Vwọ kẹ eshare na, rere ayen rẹ.

Ivie rẹ Ivẹ 4:9

Aye na da ta kẹ ọshare rọye, Nighe asakiephana, me mrẹ vughe nẹ ohwo nana ohwo ọfuanfon rẹ Ọghẹnẹ, ọ rọ wan asan rẹ avwanre vrẹn na.

Ivie rẹ Ivẹ 8:11

Ọ da tọn ẹro vio ko di no kei, bẹsiẹ rẹ oma rhe vwọ vuọ. Ohwo rẹ Ọghẹnẹ na da viẹ.

Ivie rẹ Ivẹ 8:7

Asakiephana Ilaesha da rhe Damaskọs. Bẹnhadad ovie ri Siria kọ họvwan; ọke ra vwọ vuẹ, ohwo rẹ Ọghẹnẹ rhe etinẹ,

1 Ikun rẹ Ivie 23:14

Ẹkẹvuọvo emọ ri Mosis rẹ ohwo rẹ Ọghẹnẹ na e de phi ayen phihọ uvwiẹ rẹ Livae.

Une rẹ Ejiro 90:1

Ọrovwohwo, wọwẹ hẹ ẹdia rẹ avwanre rhabae rhe, vwẹ uvwiẹ ejobi.

Jerimaya 35:4

Me da reyọ ayen rhe uwevwi rẹ Ọrovwohwo na. Me davwẹ ayen kpo uvun rẹ emọ ri Hanan ọmọ rẹ Igdalaya, ohwo rẹ Ọghẹnẹ na, rọ kẹrẹ uvun rẹ isun na, vwẹ enu rẹ uvun ri Maeseya ọmọ ri Shalum, rọ rhẹrẹ unurhoro na.

Ukeri 13:26

Ayen de bru Mosis vẹ Erọn rhe kugbe ukoko rẹ ihwo rẹ Izrẹl vwẹ evun rẹ aton ri Paran, vwi Kadesh; ayen da rhe nẹ iyẹnrẹn kẹ ayen kugbe ukoko na ejobi, ayen da vwẹ emamọ rẹ otọ na vwọ nẹ ayen.

Ukeri 13:30

Ẹkẹvuọvo Kaleb de gbe ota phihọ ihwo na unu vwẹ irharo ri Mosis, ọ da ta, Jẹn avwanre vrẹn siẹvuọvo, rere a ra reyọ otọ na, fikiridie avwanre se phio kparobọ.

Ukeri 13:6

vwẹ orua ri Juda, Kalẹb rẹ ọmọ ri Jefuneh,

Ukeri 14:24

Ẹkẹvuọvo odibo mẹ Kalẹb, fikiridie o vwo erhi san, ọ da nabọ nene uvwe, ki mi che vwo te otọ rọ teri jovwo na, uvwiẹ rọye ki che vwo otọ na.

Ukeri 14:30

kaka ohwo ọvuọvo rọye che se te otọ ri mi ve phihọ kẹ ovwan nẹ ovwan dia na-a, jokpa ri Kalẹb ọmọ ri Jefunneh kugbe Joshua rẹ ọmọ ri Nun.

Ukeri 14:6

Etiyin Joshua rẹ ọmọ ri Nun vi Kalẹb rẹ ọmọ ri Jefunneh, rẹ ẹvo vwẹ usun rẹ ihwo ri re dọrhẹ rẹ otọ na, da bẹrẹ emwa rayen.

Ukeri 26:65

Kidie Ọrovwohwo ta kẹ ayen, Ayen che ghwu vwẹ aton na. Ohwo rẹ ayen ọvuọvo chekọ-ọ, jokpa ri Kalẹb ọmọ ri Jefunneh kugbe Joshua rẹ ọmọ ri Nọn.

Ukeri 32:12

Ọvuọvo jokpa ri Kalẹb rẹ ọmọ ri Jefunneh rẹ ohwo ri Ken kugbe Joshua rẹ ọmọ ri Nọn, kidie ayen ọvo rẹ vwẹ udu rẹ ayen ejobi nene Ọrovwohwo na.

Urhi Rivẹ 33:1

Ọnana ẹrhovwo ri Mosis rẹ ohwo rẹ Ọghẹnẹ nẹ kẹ emọ rẹ Izrẹl tavwe ro ki ghwu.

Urhi Rivẹ 34:10

Nẹ ọke yena rhe a gbe mrẹ ọmraro rọ họhọ Mosis vwẹ Izrẹl na-a, ohwo rẹ Ọrovwohwo vẹ ọye gba vwẹ opharo mrẹ ohwohwo na,

Urhi Rivẹ 34:5

Kọye rẹ Mosis rẹ odibo rẹ Ọrovwohwo de ghwu vwẹ oboyi vwẹ otọ ri Moab, kirobo rẹ ota rẹ Ọrovwohwo epha.

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

2 Timoti 3:17

rere ohwo rẹ Ọghẹnẹ vwọ gba, ra vwọ rhuẹrẹ kpahe kẹ iruo esiri.

Joshua 10:43

Etiyin Joshua de rhivwi, ọ vẹ Izrẹl ejobi, kpo obo erhọn vwi Gilgal.

Joshua 14:14

Etiyin Hebrọn da rhe dia ẹkẹ ukuẹriọ ri Kalẹb rẹ ọmọ ri Jefunneh ohwo ri Keniz rhi te nonẹ na, kidie ọ vwẹ udu rọye ejobi vwo nene Ọrovwohwo na, Ọghẹnẹ rẹ Izrẹl.

Joshua 15:17

Etiyin Otniel ọmọ ri Kenaz, oniọvo ri Kalẹb, da reyọ; ọ da vwẹ ọmọtẹ rọye Akhsah vwọ kẹ rọvwo.

Joshua 4:19

Ihwo na de wotọ nẹ Jọdan rhe vwẹ ẹdẹ rihwe rẹ emeranvwe rẹ ẹsosuọ, ayen de mu erhọn vwi Gilgal vwẹ obaro ọnre vwẹ ughwru ri Jeriko.