Joshua 13:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Mosis da ghare uku kẹ ubro rẹ orua rẹ Manasse e de dje ẹkẹnkẹn kẹ abọvo rẹ orua ri Manasse kirobo rẹ ekru rayen epha

Joshua 13:29 ပူးပေါင်းရင်းမြစ်များ

1 Ikun rẹ Ivie 5:23

Ubro rẹ orua ri Manasse pha buebu ayen da dia otọ na: nẹ Bashan re te Baal-hetmọn, Senir, Ugbenu ri Hermọn.

Izikiẹl 48:4

O rọ ghwabọ kpahe ubrakpọ ri Naftali, nẹ abọ rọ hẹ obaro ọnre re te abuko ọnre, Manasse, ẹkẹn ọvo.

Ukeri 32:22

ru we de phi otọ na kua vwẹ obaro rẹ Ọrovwohwo; we de ru ọyena nu ku we rhivwi yu we sio oma rẹ ovwan nẹ abọ rẹ oghwa rẹ Ọrovwohwo kugbe Izrẹl; otọ nana kọ dia ughwẹ rẹ ovwan vwẹ obaro rẹ Ọrovwohwo.

Ukeri 32:40

Mosis da vwi Giliad ke Makaya rẹ ọmọ ri Manasse, ọ da dia evun rọye.

Urhi Rivẹ 3:13

abọ ri Giliad ro chekọ, vi Bashan rẹ uvie rẹ Ọg ejobi, Me vwọ kẹ abọvo rẹ orua ri Manasse; ubrakpọ rẹ Agọb ejobi, tobọ Bashan ejobi (Ọ re ji se otọ ri Rifem.

Joshua 13:28

Ọnana kọye uku rẹ ihwo ri Gad kirobo rẹ orua rayen epha, vẹ irere rayen vẹ ẹko rayen.

Joshua 13:30

Ubrakpọ rayen da hẹre nẹ Mahanaim, ra wan Bashan ejobi, uvie rẹ Ọg ejobi ovie ri Bashan, kugbe irho ri Ja ejobi, ri Bashan, irere ujorha,

Joshua 17:5

Kọye ẹkẹn ihwe soso ọye te Manasse, vwọ ba otọ ri Gilead kugbe Bashan, rẹ obo ovrẹn ri Jọdan;

Joshua 17:6

kidie emete ri Manasse vẹ emeshare rọye re gba riuku na. Otọ ri Gilead a da gharọ kẹ emọ ri Manasse ri cheko.

Joshua 22:7

Vwẹ ọke yena Mosis da vwẹ ughwẹ ọvo rọ hẹ Bashan vwọ kẹ abọvo rẹ orua ri Manasse; ẹkẹvuọvo abọvo ro chekọ Joshua da ghare ughwẹ kẹ ayen vwọ kẹrẹ imoni rayen vwẹ otọ rọ hẹ obuko ọnre vwi Jọdan. Ọke ri Joshua vwo siobọ nẹ ayen kpo uwevwi rayen rọ vwọ nẹ ẹrhovwo kẹ ayen nu,