Joshua 11:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kirobo rẹ Ọrovwohwo ji urhi kẹ Mosis odibo rọye, ọtiọye Mosis ji ji urhi ki Joshua, kẹ ọtiọye Joshua ruru; ọ jẹ emu ọvuọvo vwo-o vwẹ usun rẹ emu rẹ Ọrovwohwo ji urhi ki Mosis nẹ o ru na-a.

Joshua 11:15 ပူးပေါင်းရင်းမြစ်များ

2 Ikun rẹ Ivie 30:12

Ọbọ rẹ Ọrovwohwo vi Juda da herọ ọ da vwẹ iroro ọvo vwọ kẹ ayen vwo ru obo rẹ ovie vẹ isun vwẹ ota rẹ Ọrovwohwo ru.

Ukeri 33:50

Ọrovwohwo da ta kẹ Mosis vwẹ uphẹphẹ ri Moab vwẹ oma ri Jọdan vwi Jeriko,

Ukeri 33:52

ku wọ djẹ ihwo re dia otọ na jovwo na no, wọ me guọghọ eragha ra kare na ejobi no, kugbe ema ra wranre ejobi wọ guọghọ ayen, wo mi kporo imikpe rayen ri kpenu ejobi,

Matiu 23:23

Ekan kẹ ovwan otu rẹ isiẹbe kugbe Farisi, evwọrọn efian! ovwan nenesi rẹ emu fanfaurhiẹ, we mi gbobọnyẹ emu ro fori, eta re urhi, ẹdjeguo, aruẹdọn kugbe esegbuyota; enana fobo ru we ru jovwo, we de gbobọnyẹ ayen.

Iyẹnrẹ Esiri ri Luk 11:42

Ẹkẹvuọvo ekan kẹ ovwan Farisi! Kidie wa hwa ẹkẹnhwe rẹ orhọ rẹ enẹ vẹ eka kugbe ifọ, we mi gbobọnyẹ ọsoso kugbe ẹguọnọ rẹ Ọghẹnẹ; ena ri fo obo ru we ru jovwo, we rhe gbobọnyẹ efa-a.

Iruo rẹ Iyinkọn na 20:20

obo ri mi si emu ọvuọvo rọ vwẹ erere kẹ ovwan nu-u, mi yono ovwan vwẹ azagba ji nẹ uwevwi kpo uwevwi,

Iruo rẹ Iyinkọn na 20:27

Kidie mi sioma reyọ vwo jẹ iroro rẹ Ọghẹnẹ e dje kẹ ovwa-an.

Urhi Rivẹ 12:32

Kemu kemu mi ji iji kẹ wẹ wọ Me karohọ ru; wo phiẹ ba-a, wo ji siẹ no-o.

Urhi Rivẹ 31:3

Ekpuyovwi rẹ Ọrovwohwo Ọghẹnẹ rẹ ovwan na ọvo cha karọ kẹ wẹ wan vrẹn, ọ Me ghwọrọ ẹgborho nana vwẹ aro rẹ ovwan, re wọ vwọ dia ẹdia rayen; Joshua kọye sun ovwan vrẹn, kirobo rẹ Ọrovwohwo tare.

Urhi Rivẹ 31:5

Ọrovwohwo kọ cha vwẹ ayen kẹ ovwan, ku we ru ayen kirobo rẹ irhi ri mi ji kẹ wẹ na ejobi epha.

Urhi Rivẹ 31:7

Kẹsiẹye Mosis ki se Joshua, ọ da vuẹ vwẹ aro rẹ Izrẹl ejobi. Wọ Me gan oma wo vwo udu; kidie wo che nene ihwo nana kpo otọ rẹ Ọrovwohwo veri kẹ ese rayen nẹ ọye vwọ kẹ ayen; wo mi phi ayen phihọ ughwẹ rọye.

Urhi Rivẹ 4:2

We brẹ ba ota ri mi ji iji kẹ ovwan na-a we ji siẹno-o, rere wa yọnrọn irhi rẹ Ọrovwohwo Ọghẹnẹ rẹ ovwan na ri mi jiji rayen kẹ ovwan.

Urhi Rivẹ 4:5

Nighe, mi yono ovwan irhi kugbe iji nure, kirobo rẹ Ọrovwohwo Ọghẹnẹ mẹ jiji kẹ vwẹ na, rere wa mrasan ru ayen vwẹ evun rẹ otọ re wa ra dia na.

Urhi Rivẹ 7:2

kugbe ọke rẹ Ọrovwohwo Ọghẹnẹ wẹn de phi ayen phihọ obọ wẹn, ri wo de hwe ayen kua re; ke wọ guọghọ ayen roro, we nene ayen re ọphọ-ọ, wo ji nẹ arodọvwẹ rẹ aye-en;

Joshua 1:7

Wọ me goma rere wo yivwaro gangan, vwẹ ẹro te otọ dẹndẹn vwọ yọnrọn irhi na ejobi ri mi ji kẹ Mosis odibo mẹ nẹ ọ vwọ kẹ ovwan, wo kuoma rhẹriẹ kpo obọrhe eyẹ obọhwere-e, rere o vwo yovwi kẹ wẹ vwi kasan kasan re wọ cha ra.

Joshua 11:12

Irere rẹ ivie yena ejobi, kugbe ivie rayen ejobi. Joshua de mu ayen, ọ da vwẹ ọlọkọ hwe ayen, ghwọrọ ayen kakare, kirobo ri Mosis odibo rẹ Ọrovwohwo ji urhi kẹ.

Joshua 11:14

Ekuakua rẹ Irere na ejobi kugbe ichuru re ayen, ihwo rẹ Izrẹl de mu ayen reyọ kẹ oma rayen, ẹkẹvuọvo ayen da vwẹ ọlọkọ hwe ohwo kohwo, bẹsiẹ rẹ ayen vwọ ghwọrọ ayen re, ayen yan jẹ obo re nwẹn vwo-o.

Joshua 11:16

Etiyin Joshua da reyọ etọ yena ejobi, orho rọ obo ugbenu na ejobi kugbe Nẹgeb vẹ etọ ri Goshẹn ejobi kugbe obo ushekpotọ na kugbe Araba ra ro irho rẹ obo ugbenu rẹ Izrẹl kugbe ishekpotọ rọye na,

1 Samuẹl 15:11

Ọ davwẹ gangan nẹ mi vwi Sọl mu ovie; kidie ọ chuko ku vwe nure o gbi nene uvwe-e, o ru obo ri mi ji urhi rọye kẹ-ẹ. Ivun de miovwi Samuel; ọda viẹ se Ọrovwohwo vwẹ ason yena ejobi.