Jona 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo Ọghẹnẹ da ta kẹ Jona, Ku wọ riẹn ru rẹ ivun vwo miovwo uwe fiki rẹ okankọn na? Ọ da ta, Me riẹn ru rẹ ivun vwo miovwo uvwe, ivun tobọ miovwo uvwe te ughwu dede.

Jona 4:9 ပူးပေါင်းရင်းမြစ်များ

1 Ivie 21:4

Ehab da yanran kpo uwevwi rọye vẹ ophu kugbe opharo ro muphihọ fiki rẹ obo ri Nabọt ohwo ri Jezril ta kẹ; kidie ọ tare nẹ, me sa vwẹ ẹkẹn uku rẹ esẹ mẹ kẹ wẹ-ẹ. O de shevwerhẹ ehwa rọye, ọ da bọvwọn opharo rhuotọ, ọ gbe rhọvwe re emu-u.

ỌBE RẸ JOB 18:4

Wẹ rọ wẹn omobọ wẹn oma vwẹ ophu wẹn na, a gba siẹn akpọ na fiki wẹn, eyẹ eghwiẹ oragha na nẹ ẹdia rọye.

ỌBE RẸ JOB 36:18

Ni oma te eyẹ ivuemiovwo da rhe phiẹn we ra ro ehwẹjẹ; wo jẹn ọrho rẹ ẹtanhirhe ku we rhẹriẹ-ẹ

ỌBE RẸ JOB 5:2

Ghinẹ uyota ophuemuo hwe ẹkpa, omẹriọ hwe ovwibeghe.

Jona 4:1

Ẹkẹvuọvo ophu de mu Jona gangan, ivun de miovwo.

Jona 4:10

Ọrovwohwo da ta, Wọ re ehrọre rẹ okankọn ru wọ wian phihọ-ọ, eyẹ re wọ nẹrhe ọ djẹ-ẹ, rọ dje nẹ otọ rhe vwẹ ason, ro de rhe ghwu vwẹ ason yena ọvo.

Jona 4:8

Ọke rẹ ọnre vwọ varhe, Ọghẹnẹ da vwẹ odju ọyaya rẹ obaro ọnre rhe, uvo na ko rhovwa mu Jona uyovwi ọtiọye na oma ko ron, kọ guọnọ nẹ ughwu gbe ghwe hwe ọye sievo, ọ da ta O yoma kẹ vwẹ ri mi vwo ghwu nọ ọ re me vwọ rhọ.

Matiu 26:38

Ọ da ta kẹ ayen nẹ, Erhi mẹ vọnre vẹ uvwerhe, kugbe omaẹghwọrọ kẹ ughwu; we mudia etinẹ, rere we nene uvwe rhẹrẹ.

2 Kọrẹnt 7:10

Kidie omamọ rẹ ivun emiovwo nẹrhẹ ekuẹrhẹriẹ kọye ri suẹn ohwo kpo esivwo o rhe vwo ọdavwẹ-ẹ, ẹkẹvuọvo ivun emiovwo rẹ akpọ nana ghwa ughwu cha.

Ẹvwọphia 9:6

Vwẹ ọke yena ihwo ke guọnọ ughwu yẹ ayen sa mrẹ-ẹ; urhuru rẹ ughwo kọ si ayen ughwu kọ mrẹ ayen djẹ.

Iguẹdjọ 16:16

Ọke rẹ aye na vwọ ta eta vwọ ghwọrọ oma kẹdẹkẹdẹ re, ofun de rhi dje, erhi rọye de muo ophu rẹ ughwu.