Jona 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Jona 4:2 ပူးပေါင်းရင်းမြစ်များ

1 Ivie 19:4

Ẹkẹvuọvo ekpuyovwi rọye da yan oyan rẹ ẹdọke soso ro evun rẹ aghwa, ọ da rhe o de rhi tidia otọ rẹ urhe rẹ uhwerhe; ọda guọnọ nẹ ọye ghwe ghwu siẹvo, tanẹ, O teri, asakiephana, E Ọrovwohwo, reyọ arhọ mẹ, kidie mi yovwi nọ esẹ mẹ-ẹ.

Une rẹ Ejiro 103:8

Ọrovwohwo vọnre vẹ arodọvwẹ vẹ ehrọre, ọ fobọ mu ophu-u ọ vọnre vẹ ẹguọnọ ro je rhẹriẹ.

Une rẹ Ejiro 145:8

Ọrovwohwo na vẹ ehrọre vẹ arọdọvwe, ọ fobọ mu ophu-u ọ vọnre vẹ ẹguọnọ ro jẹ rhẹriẹ.

Une rẹ Ejiro 78:38

Dede na, rọ vwọ dia ọgba rẹ ehrọre na, o da vwẹ orukuruku rayen vwo rhovwe ayen, ọ gbe ghwọrọ aye-en, ọ da da ophu rọye ji ọke ejobi, o rhe jẹ ivuemiovwo rọye kparọ-ọ.

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Une rẹ Ejiro 90:13

Rhoma, E Ọrovwohwo! Mavọ okrite? Re ehrọre rẹ idibo wẹn!

Ẹyano 32:14

Etiyin Ọrovwohwo de fue ophu ọbrabra rọ guọnọ mu kpahe ihwo rọye.

Jerimaya 18:8

ọ da dianẹ orere yena, re me ta ota kpahe na, kurhẹriẹ nẹ umiovwo rọye, ki mi ji kurhẹriẹ jẹ umiovwo ri mi rori nẹ mi ruo jovwo na.

Jerimaya 20:7

E Ọrovwohwo, wọwẹ re phiẹvwẹ, ọ da ghwa phiẹ vwẹ; wọwẹ re gan nọ vwẹ, wo de phi kparobọ. Mi hirhe phihọ emu rẹ ehwẹjẹ vwẹ ọke ejobi; ihwo ejobi ke hwẹ vwẹ.

Jerimaya 26:13

Ọtiọye na ovwan gba rhẹriẹ idjerhe rẹ ovwan, wa je rhẹriẹ iruo rẹ ovwan asakiephana, re we nyo urhuru rẹ Ọrovwohwo Ọghẹnẹ rẹ ovwan, Ọrovwohwo ko kurhẹriẹ nẹ umiovwo ro ghwoghwori kpahe ovwan na.

Jerimaya 42:10

Ọ da dianẹ we ghinẹ dia otọ nana, etiyin ke me bọn ovwan me gbe guọghọ ovwa-an, ke me kọn ovwan, me gbe kọrọ ovwa-an, kidie me rhẹriẹ nẹ umiovwo ri mi ru ovwan na re.

Emọs 7:3

Ophu rẹ Ọrovwohwo na de fue vwẹ ọnana: Ọ sa dia etiọye-e, eriyin Ọrovwohwo na tare.

Emọs 7:6

Ophu rẹ Ọrovwohwo na de fue vwẹ ọnana: Ọnana cha sa phia-a, eriyin Ọrovwohwo Ọghẹnẹ na tare.

Jona 1:3

Ẹkẹvuọvo Jona de vrẹn ọ da djẹ kpo Tarshishi rere ọ djẹ nẹ obaro rẹ Ọrovwohwo. O de kpo erhuru ri Jọpa ọ da mrẹ okọ ro kpo Tarshishi, ọ da hwa igho rẹ ofan, ọ da ro okọ, rere ọ vẹ ayen vwo kpo Tarshish, rere ọ vwọ djẹ nẹ obaro rẹ Ọrovwohwo na.

Jona 3:10

Ọke rẹ Ọghẹnẹ vwọ mrẹ obo rẹ ayen ruru, obo rẹ ayen siobọ nẹ idjerhe ọbrabra rayen, Ọghẹnẹ de siobọ nẹ iroro ọbrabra rọ jẹ kpahe ayen na, o rhe ruo-o.

Jona 3:9

Ono sa riẹn sẹ Ọghẹnẹ sa rhẹriẹ nẹ ophu ọgangan ro muo na, rere avwanre vwo je ghwo?

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Iyẹnrẹ Esiri ri Luk 10:29

Ẹkẹvuọvo, rọ vwọ guọnọ brorhiẹ kẹ oma rọye, ọ da ta kẹ Jesu, Kono hẹ ọrivẹ mẹ?

Urhi Rivẹ 4:31

kidie Ọrovwohwo Ọghẹnẹ rẹ ovwan na Ọghẹnẹ rẹ aruẹdọn; ọ cha sen ovwa-an, ọ je ghwọrọ ovwan, ọphọ rọ nene esẹ wẹn re na sa chọrọ ẹro-o.