Jona 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ẹkẹvuọvo e jẹn ohwo eyẹ eranvwe vwẹ esiso rhuo re jẹn ayen viẹ hwe Ọghẹnẹ gangan; e, e jẹn ohwo kohwo siobọ nẹ uvun umwemwu rọye re o ji siobọ nẹ ozighi egbe ejobi.

Jona 3:8 ပူးပေါင်းရင်းမြစ်များ

ỌBE RẸ JOB 16:17

dede na ya mrẹ ozighi ọvuọvo vwẹ abọ mẹ-ẹ, erhovwo mẹ ọfuanfon.

ỌBE RẸ JOB 36:10

O rhiẹ erhọn rayen phihọ kẹ uyono, o de ji iji nẹ ayen rhẹriẹ nẹ orukuruku,

Aizaya 58:6

Ọ dia oghẹre rẹ ewẹvwe ọtiọna Me jẹreyọ ra vwọ rhan ifi rẹ umwemwu, re vwo vwrẹn ifi rẹ urhekpe, re siobọ nẹ ohwo re shenyẹ kpo ọphẹ, rere e vwirhi kurhekpe kurhekpe?

Aizaya 59:6

Uwevwi rayen che je vwo ru amwa-a; ihwo sa vwẹ amwa ra vwẹ ayen ru phopho-o. Iruo rayen iruo rẹ umwemwu, uruemu rẹ ozighi vọn abọ rayen.

Jerimaya 18:11

Ọtiọye na gba ta kẹ ihwo ri Juda vwẹ asakiephana re wọ je ta kẹ ihwo re dia Jerusalẹm, Enẹ Ọrovwohwo tare, Nighe, me herọ choma re umiovwo kpahe owẹ, me je jẹ iroro kpahe owẹ. Dohwo didjerhe umwemwu rọye kurhẹriẹ nu wa rhuẹrẹ idjerhe vẹ eyere rẹ ovwan phihọ.

Jerimaya 25:5

tanẹ, rhẹriẹ asakiephana ovwan na ejobi, nẹ idjerhe umwemwu vẹ iruo ebrabra rọye na, re wa dia otọ rẹ Ọrovwohwo vwọ kẹ ovwan vẹ esẹ rẹ ovwan nẹ awanre rhe rhiri bẹdẹ;

Jerimaya 26:3

Siẹvo ayen me kẹrhọn, ri dohwo dumiovwo rọye de siobọ nu, re me vwọ mrasa rhẹriẹ iroro omiomiovwi re mejẹkpahe ayen fikirẹ iruo umwemwu rayen.

Jerimaya 36:3

Siẹvo uwevwi ri Juda mi rhi nyo umiovwo mi roro kpahọ ri mi che ru ayen na, re ayen dohwo didjerhe umwemwu rọye da rhẹriẹ nu, me da vwẹ orukuruku vẹ imwemwu rayen ghovwo ayen.

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Joẹl 1:14

Bru ẹdẹ orẹ, se ọghwẹgbe ri ruru Se ekpako na kugbe ihwo re dia otọ na ejobi re koko uwevwi rẹ Ọrovwohwo Ọghẹnẹ wẹn; re wa viẹ kẹ Ọrovwohwo.

Jona 1:14

Etiyin ayen de kperi se Ọrovwohwo, Avwanre rẹ wẹ, E Ọrovwohwo, wo jẹn avwanre ghwẹ fiki rẹ ohwo nana-a, wo mu oghwa rẹ ọbara rẹ ekun nana nyẹ avwanre-e; Kidie wọwe, E Ọrovwohwo ri ru obo ri je we.

Jona 1:6

Ọtiọye na olotu rẹ okọ na da rhe ọ da ta kẹ, Die wo roro, we oghwovwerhẹ na? Vrẹn, se ọghẹnẹ wẹn, Ọkeọvo ọghẹnẹ wẹn me chọ avwanre uko, rẹ avwanre de je ghwo.

Matiu 3:8

Ovwan vwẹ uruemu ọkpokpọ rẹ ekuorhẹriẹ phia,

Iruo rẹ Iyinkọn na 26:20

ẹkẹvuọvo ki mi ke ghwoghwo vwi Damaskọs, o ki rhi te Jerusalẹm ra wan orho ri Judia ejobi, kugbe otu ri Keferi rhe, rere ayen kurhẹriẹ bru Ọghẹnẹ rhe re ayen ru uruemu ro fori kẹ ekuorhẹriẹ rayen.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Ẹvwọphia 11:3

Ke me vwẹ ogangan kẹ iseri mẹ ivẹ rere e mraro ẹdẹ uriori kugbe uri gbẹ ujorha, ye vwẹ emwa rẹ uvweri rhuo.