Jona 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Jona da ro evun rẹ orere na, ọ da yan ẹdẹ ọvo kẹ ọke kpo. O de ghwoghwo, Chekọ ẹdẹ ujuvẹ, ka cha ghwọrọ Ninivẹ te otọ!

Jona 3:4 ပူးပေါင်းရင်းမြစ်များ

Ivie rẹ Ivẹ 20:1

Vwẹ ọke yena Hẹzikaya kọ họnvwan, ko muegbe rẹ ughwu. Aizaya rẹ ọmraro na ọmọ rẹ Emoz de bro rhe, ọ da ta kẹ, Enẹ Ọrovwohwo tare, Rhuẹrẹ uwevwi wẹn phihọ; kidie wo che ghwu, wo che se vrẹn nẹ ọga na-a.

Ivie rẹ Ivẹ 20:6

Ke me cha vwẹ ikpe ihwiori vwọ ba arhọ wẹn. Mi che sivwi uwe vẹ orere nana nẹ obọ rẹ ovie rẹ Asiria, Mi che sivwi orere na vwi fiki mẹ vẹ fiki ri Devid.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Jerimaya 42:10

Ọ da dianẹ we ghinẹ dia otọ nana, etiyin ke me bọn ovwan me gbe guọghọ ovwa-an, ke me kọn ovwan, me gbe kọrọ ovwa-an, kidie me rhẹriẹ nẹ umiovwo ri mi ru ovwan na re.

Jona 3:10

Ọke rẹ Ọghẹnẹ vwọ mrẹ obo rẹ ayen ruru, obo rẹ ayen siobọ nẹ idjerhe ọbrabra rayen, Ọghẹnẹ de siobọ nẹ iroro ọbrabra rọ jẹ kpahe ayen na, o rhe ruo-o.

Matiu 12:41

Ihwo ri Ninive cha vwẹ orua nana guẹdjọ rẹ ayen de bru hwe. Kidie ayen kurhẹriẹ vwẹ oma rẹ eyono ri Jona; Gbe nighe, ọ rọ rho nọ Jona hẹ etinẹ.

Iyẹnrẹ Esiri ri Luk 11:30

Kidie obo ri Jona dia oka kẹ ihwo ri Ninive, ọtiọye ọmọ rẹ ohwo je cha dia kẹ uvwiẹ nana.

Iyẹnrẹ Esiri ri Luk 11:32

Ihwo ri Ninive cha vwẹ uvwiẹ nana guẹdjọ re de bru hwe; kidie ayen kurhẹriẹ vwẹ eghwoghwo ri Jona, gbe nighe, emuọvo rọ rhonọ Jona hẹ etinẹ.

Urhi Rivẹ 18:22

Ọke rẹ ọmraro da ta ota vwẹ odẹ rẹ Ọrovwohwo, rẹ ota na gbe phia-a eyẹ ọ gbe sẹ-ẹ yẹ Ọrovwohwo ta ota yena-a; ọmraro yena bruruọ ta, wọ djẹ oshọ rọye-e.