Jona 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo me vẹ urhuru rẹ ẹkpẹvwẹ gbe che ze izobo kẹ wẹ. Obo ri mi veri dẹn me hwa osa rọye. Esivwo Ọrovwohwo o rheri!

Jona 2:9 ပူးပေါင်းရင်းမြစ်များ

Jẹnẹsis 35:3

we jẹn avwanre vrẹn re e kpo Bẹtẹl, re Me dia oboyi so agbada kẹ Ọghẹnẹ ro nyo vwe vwẹ ọke rẹ ukpokpogho, rọ vẹ ovwẹ herọ vwẹ asan kasan Me rare ejobi.

2 Samuẹl 15:7

Ikpe ẹne vwọ wan nu, Absalọm da ta kẹ ovie, biko ju vwe yanran ra hwa osa rẹ ri mi veri kẹ Ọrovwohwo vwi Hebrọn

ỌBE RẸ JOB 22:27

Ku wọ nẹ ẹrhovwo wẹn kẹ, ko nyo we, ku wọ hwa osa rẹ ive wẹn.

Une rẹ Ejiro 107:22

Jẹn ayen ze izobo rẹ ẹkpẹvwẹ, re gbe ikun re uruemu rọye vwẹ ine rẹ aghọghọ!

Une rẹ Ejiro 27:1

Ọrovwohwo ọye urhukpẹ mẹ kugbe esivwo mẹ, kono me djẹ oshọ rọye? Ọrovwohwo ọye ogba ogangan rẹ arhọ mẹ; kẹ oshọ rẹ ono ri rhe mu vwe?

Une rẹ Ejiro 3:8

Esivwo ọ rẹ Ọrovwohwo; ebruba wẹn dia enu rẹ ihwo wẹn!

Une rẹ Ejiro 50:14

Ze izobo re ẹkpẹvwẹ kẹ Ọghẹnẹ, re wọ hwa osa rẹ ive wẹn ke Ọ ro Me Kpenu na;

Une rẹ Ejiro 50:23

Ohwo rọ vwe ẹkpẹvwẹ re izobo rhe yo mu ọghọ kẹ vwẹ, ohwo rọ kpọ idjerhe rọye vi kọye me cha vwẹ esivwo rẹ Ọghẹnẹ vwọ nẹ.

Une rẹ Ejiro 68:20

Ọghẹnẹ rẹ avwanre ọye Ọghẹnẹ rẹ esivwo, Ọghẹnẹ Ọrovwohwo na, ọye abọẹva rẹ ughwu rheri.

Une rẹ Ejiro 95:2

Jẹn avwanre rhe obaro rọye vẹ ẹkpẹvwẹ; jẹn avwanre do edo re aghọghọ kẹ vẹ ine rẹ ejiro!

Aizaya 45:17

Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Jerimaya 33:11

a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.

Hosia 14:2

Gba reyọ eta rẹ uvwerhe re wo rhivwi bru Ọrovwohwo: ru wọ ta kẹ, si orukuruku mẹ nu, reyọ obọ ri yovwiri ke ma vwọ kẹ wẹ emamọ rẹ ẹbẹrunu rẹ avwanre.

Iyẹnrẹ Esiri ri Jọn 4:22

Wọ ga obo wo jẹ riẹn, avwanre ga obo rẹ avwanre riẹnre, kidie esivwo vwenẹ obọ ri Ju o nurhe.

Iruo rẹ Iyinkọn na 4:12

Esivwo rha hẹ oma rẹ ohwo ofa-a, kidie odẹ ọfa rha hẹ otọ rẹ odjuvwu re mu kẹ ihwo ro se sivwi avwanre-e.

Ọbe ri Pọl si rhe Ihwo ri Rom 12:1

Imoni mẹ, me rẹ ovwan, rere vwẹ arodọvwẹ rẹ Ọghẹnẹ, ovwan sa vwẹ oma rẹ ovwan ze izobo ọkpokpọ, rọ fọnro ro fo ẹreyọ kẹ Ọghẹnẹ, kọye hẹ ẹga rẹ erhi rẹ ovwan ga.

Urhi Rivẹ 23:18

Wọ ghwa igho rẹ igberadja, eyẹ osa rẹ eranko cha uwevwi rẹ Ọrovwohwo rẹ Ọghẹnẹ wẹn vwọ hwa osa rẹ ive ru wo veri-i; kidie imu nana ivẹ na egua kẹ Ọrovwohwo rẹ Ọghẹnẹ wẹn na.

Hibru 13:15

E gbe jẹn avwanre wan oma rọye gọ iye rẹ ejiro kẹ Ọghẹnẹ kọke kọke, kọye hẹ, ẹbẹrunu rẹ avwanre re vwo jiri odẹ rọye.

Ẹvwọphia 7:10

ri kuvwie tanẹ, Esivwo kẹ Ọghẹnẹ rẹ avwanre ro tidia phihọ enu rẹ ekete na, ji kugbe Omogodẹ na!

1 Samuẹl 12:21

we re rhivwi bru emu ifefe ri vwo erere eyẹ esivwo-o, kidie emu ifefe ayen ruẹ.