Jona 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² tanẹ, Mi kperi se Ọrovwohwo, vwẹ evun rẹ uvwerhe mẹ, o de nyo kẹ vwẹ, vwẹ evun rẹ Erivwi mi de kperi, wo de ghine nyo urhuru mẹ.

Jona 2:2 ပူးပေါင်းရင်းမြစ်များ

2 Ikun rẹ Ivie 33:12

Ọke rẹ oma vwọ djarhọ re kọ guọnọ aroesiri rẹ Ọrovwohwo Ọghẹnẹ rọye ọ da vwẹ oma rọye kpotọ gangan kẹ Ọghẹnẹ rẹ esẹ rọye.

Une rẹ Ejiro 116:3

Ugodo rẹ ughwu riariẹ ovwẹ wan, obi rẹ Erivwi shabọ phihọ ovwẹ; Me re oja rẹ ọdjarhe vẹ uvwerhe.

Une rẹ Ejiro 120:1

Vwe evun rẹ ukpokpogho mẹ mi de kperi se Ọrovwohwo, rere o nyo kẹ vwẹ,

Une rẹ Ejiro 16:10

Kidie wo se siobọ nu vwe kẹ Erivwi-i, eyẹ ohwo esiri wẹn na sa mrẹ Ọgọdọ-ọ.

Une rẹ Ejiro 22:24

Kidie o ku ẹro fia kẹ ihwo re he okpetu eye ukpokpogho-o, wo si opharo wẹn nu kẹ aye-en ẹkẹvuọvo wọ vwọ viẹ kperi se o nyori.

Une rẹ Ejiro 34:6

Ovwiogbere nana kperi se, Ọrovwohwo de nyo kẹ, o de sivwo nẹ ukpokpogho rọye ejobi.

Une rẹ Ejiro 4:1

Nyo vwe ọke mi de se, E Ọghẹnẹ rẹ ọvwata mẹ! Wẹ re kẹ vwẹ asan dia re me vwọ ukpokpogho Re ehrọre mẹ, re wo nyo ẹrhovwo mẹ.

Une rẹ Ejiro 61:2

nẹ oba rẹ akpọ na rhe mi de tu se we, vwẹ ọke rẹ oma vwọ rhọ udu mẹ. Sun vwe re te oragha ro kpenu nọ vwẹ;

Une rẹ Ejiro 65:2

E wọwẹ ro nyo ẹrhovwo mọ Wọwẹ ọye ihwo ejobi che bru rhe

Une rẹ Ejiro 86:13

Kidie ẹguọnọ wẹn ro jẹ rhẹriẹ na pha rhuarho kẹ vwẹ; wọwẹ ri sivwi ẹnwẹ mẹ nẹ obo okokodo rẹ Erivwi

Aizaya 14:9

Erivwi ejobi vrẹn mudia gharaghara re ayen cha vwọ vwa ọke wọ da rhe, irivwi ejobi ki che yere uwe; ihwo ri je sun akpọ na jovwo ro mu nẹ ekete rayen ihwo ri je dia ivie rẹ irere na vẹrhe.

Uvwerhe 3:55

Mi de se odẹ wẹn Ọrovwohwo, nẹ obotọ rẹ ukpotọ na rhe,

Izikiẹl 26:20

Etiyin ki mi che keke uwe ruotọ kugbe ayen ihwo ri kpo obo Ukpotọ, bru ihwo rẹ awanre ra, ku wọ ra dia akpọ rọ obotọ na, vwẹ ohri rẹ iwevwi rẹ awanre ri sheri, vwo kugbe ayen ihwo ri kpo obo ukpotọ, ọtiọye na a gbe cha mrẹ ihwo re dia wẹ ọfa-a eyẹ wo gbi che vwo asan vwẹ ohri rẹ ihwo ekpokpọ-ọ.

Izikiẹl 31:14

Enana ejobi ke dia ọtiọye rere urhe ọvuọvo rọ dia kẹrẹ asan ame vwo je gro kpenu phene phene eyẹ obenu rayen jẹ ikoro na eduvwo, rere urhe kurhe rọ da ame na vwo jẹ obenu phene phene e te, kidie a vwẹ ayen ejobi vwo ze kẹ ughwu, vwo kpo obo orho rẹ erivwi vwẹ ohri rẹ ihwo ighwe-ghwu, vwo kugbe ayen ihwo ri kpo obo Ukpotọ na.

Matiu 12:40

Kirobo ri Jona dia evun rẹ eri ẹdẹ erha na, ọtiọye Ọmọ rẹ ohwo cha dia ẹdẹ erha vwẹ evun rẹ otọ.

Iyẹnrẹ Esiri ri Luk 11:10

Kidie ohwo kohwo rọ nọre ko vwo, ọ rọ guọnọre kọ mrẹ, ọ ro hwori ke rhie kẹ.

Iyẹnrẹ Esiri ri Luk 22:44

Rọ vwọ hẹ evun rẹ uvwerhe na ọ da nẹ ẹrhovwo gangan; ọdja de rhi fio oma ku kporo kporo kerẹ ọbara ro suẹn te otọ prapra.

Iruo rẹ Iyinkọn na 2:27

Fikiridie wọ cha yan jẹn erhi mẹ vwo vwẹ evun rẹ ushi-i, eyẹ wo che se siobo nẹ Ọvuọvo Ọfuanfon wẹn na nẹ o gbo-o.

Hibru 5:7

Vwẹ ọke rọ vwọ herọ vwẹ ugboma na, Jesu nẹ ẹrhovwo ọ ghwa yare oyare, vẹ ekperẹ vẹ oviẹ, kẹ ohwo ro se sivwo nẹ ughwu, e de nyo kẹ fikiridie ohwo ọfuanfon rọ djẹ oshọ o ruẹ.

1 Samuẹl 1:16

Wọ vwẹ odibo rẹ ọmọtẹ wẹn roro aye fanrhiẹ fanrhiẹ-ẹ, kidie ẹnwan kugbe ivuemiovwo rọ hẹ udu mẹ ọye me ta phia na.

1 Samuẹl 30:6

Oma da ghwọrọ Devid gangan; kidie ihwo na ayen che phio, fikiridie ivun re ghwie ihwo vwẹ udu rayen, ohwo ọvuọvo fiki rẹ emọ rọ rẹ eshare vẹ emetẹ. Ẹkẹvuọvo fiki rẹ Ọrovwohwo Ọghẹnẹ rọye udu rẹ Devid da gan.