Jona 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ O da te ke ayen. Mẹvwẹ ohwo ri Hibru, me djẹ oshọ rẹ Ọrovwohwo, Ọghẹnẹ re odjuvwu na, rọ ma abadi kugbe otọ ọyaya na.

Jona 1:9 ပူးပေါင်းရင်းမြစ်များ

Jẹnẹsis 1:10

Ọghẹnẹ se otọ ọyaya na Otọ, ame rọ rha ghwe koko asan ọvo na o de rhe se Urhie, Ọghẹnẹ da mrẹ ne oyoma.

Jẹnẹsis 14:13

Kọye ọvo vwẹ usun rẹ ayen re djẹ vabọ da rhe, re vuẹ Ebram ri Hibru na, rọ dia kẹrẹ ọhahe ri Mamre rẹ ohwo ri Amọr, oniọvo rẹ Eskol kugbe Aner, enana vẹ Ebraham kẹ obọ.

Jẹnẹsis 24:7

Ọrovwohwo Ọghẹnẹ rẹ odjuvwu, rọ reyọ ovwẹ nẹ uwevwi rẹ ọsẹ mẹ rhe kugbe otọ re de vwiẹ vwẹ na, ọ rọ ta ota kẹ vwẹ na nẹ, Uvwiẹ wẹn Me vwẹ otọ nana kẹ, o che ji amakashe rọye karo kẹ wẹ, kẹ oboyi wọ da reyọ aye kẹ ọmọ mẹ.

Jẹnẹsis 39:14

o de se ihwo rẹ uwevwi na rhe ọ da ta kẹ ayen, No, ọshare mẹ reyọ ohwo ri Hibru rhe ohri rẹ avwanre re ọ rhe phọphọ avwanre; o de bru vwe rhe ri sherhẹ, Mi de kperi gangan,

Ivie rẹ Ivẹ 17:25

Ọke rẹ ayen vwo tu dia etiyin na, ayen gbe djẹ oshọ rẹ Ọrovwohwo-o; Ọrovwohwo de ji ikpohrokpo phihọ ohri rayen, ikpohrokpo na de hwe evo vwẹ ihwo na.

Ivie rẹ Ivẹ 17:28

Kọye ọvo rẹ irherẹn ra kua yanran nẹ Sameria na da rhe Bẹtẹl rhe dia, o de yono ihwo na oshẹdjẹ rẹ Ọrovwohwo.

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

Ezra 5:11

Ọtiọna koye ayen kpahe kẹ avwanre. Avwanre idibo rẹ Ọghẹnẹ rẹ odjuvwu vẹ akpọ, kẹ avwanre rhoma bọn uwevwi na re a bọnre vwẹ ikpe buebu re, rẹ ovie rode ọvo vwẹ Izrẹl bọnre, ro ji re.

Nehemaya 1:4

Vwe ọke mi vwo nyo eta nana mi de tidia me da viẹ, mi de muoma phihọ vwe ẹdẹ buebu, mi de chiri owẹvwe me da nẹ ẹrhovwo vwe obaro rẹ Ọghẹnẹ rẹ Odjuvwu.

Nehemaya 2:4

Etiyin ovie na da ta kẹ vwẹ, kẹ obọ rẹ ono wọ da yare oyare na? Kẹ etiyin me da nẹ ẹrhovwo kẹ Ọghẹnẹ rọ hẹ ọbo odjuvwu.

Nehemaya 9:6

Ẹzra da ta: Wọwẹ hẹ Ọrovwohwo, wọwẹ ọvo kpogholo, wọwẹ re ma odjuvwu, odjuvwu rẹ idjuvwu na, vẹ urogho rayen ejobi, akpọ na vẹ obọ re hẹ enu rọye, ebadi na vẹ obo re hẹ evun re ayen, wọwẹ re sẹro rẹ ayen ejobi, urogho rẹ odjuvwu na ejobi ga wẹ.

ỌBE RẸ JOB 1:9

Etiyin Ẹdjọ ke kpahe kẹ Ọrovwohwo, Job de djẹ oshọ rẹ Ọghẹnẹ ghevweghe?

Une rẹ Ejiro 136:26

E vwẹ ẹkpẹvwẹ vwọ kẹ Ọghẹnẹ ro vwo odjuvwu, kidie ẹguọnọ rọye ro jẹ rhẹriẹ na dia rhiri bẹdẹ.

Ẹyano 1:15

Ovie rẹ Ijipt da ta kẹ irhere rẹ ihwo rẹ Hibru na, ọvo rọye e se Shifra, ọrivẹ Pua.

Ẹyano 2:13

Rọ vwọ ra vwẹ ẹdẹ rivẹ, nighe ihwo rẹ Hibru ivẹ e họnra; ọ da ta kẹ ohwo rẹ ọ ria abe vwẹ usun rayen na, “Die nẹrhe wo hwe ọrivẹ wẹn?”

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Iruo rẹ Iyinkọn na 14:15

Ihwo na, die ovwan vwo ruẹ ọnana? Avwanre je hẹ ihwo rhe kerẹ ovwan, re ghwẹ iyẹnre esiri rhe ovwan rere ovwan yan jẹ emu diodi nana vwo bru Ọghẹnẹ ọkpokpọ na rhe, ohwo rọ ma odjuvwu kugbe akpọ kugbe abadi kugbe obo re hẹro ejobi.

Iruo rẹ Iyinkọn na 27:23

Kidie vwẹ ason nana dẹn na amakashe rẹ Ọghẹnẹ re me ga na ro ji vwovwe na de rhi mudia kẹrẹ ovwẹ,

Filipae 3:5

Ayanvwe ovwẹ vwẹ ẹdẹ ẹrenre, kirobo ra yanvwe ihwo rẹ Izrẹl, mẹvwẹ ọ rẹ orua ri Bẹnjamin, ohwo ri Hibru rẹ ihwo ri Hibru vwiẹri, ọ da wan abọ rẹ urhi rhe mẹvwẹ Farisi,

Ẹvwọphia 11:13

Vwẹ ọke yena otọ de mu kpogho gangan, ẹkẹne rẹ orere na de ghwie she; ihwo uriori ighwrẹ de ghwu vwẹ otọ ro kpoghori na, uguegue da ro i ri chekọ oma ayen da vwẹ urinrin kẹ Ọghẹnẹ rẹ Odjuvwu.

Ẹvwọphia 15:4

Kono oshọ je muo rọ da vwẹ urinrin kẹ odẹ wẹn, E Ọrovwohwo? Kidie wẹ ọvo re fonro. Ẹgborho na ejobi cha rhe re gọ wẹ, kidie a rhe vwẹ ẹdjọeguo wẹn phiare.

Ẹvwọphia 16:11

ayen da harhe Ọghẹnẹ rẹ odjuvwu fiki rẹ odjadja rayen kugbe era rayen, yi ji kurhẹriẹ nẹ uruemu raye-en.