Jona 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọtiọye na olotu rẹ okọ na da rhe ọ da ta kẹ, Die wo roro, we oghwovwerhẹ na? Vrẹn, se ọghẹnẹ wẹn, Ọkeọvo ọghẹnẹ wẹn me chọ avwanre uko, rẹ avwanre de je ghwo.

Jona 1:6 ပူးပေါင်းရင်းမြစ်များ

2 Samuẹl 12:22

Ọ da ta, Ọke rẹ ọmọ na vwọ akpọ, mi chiri owẹvwe me da viẹ kidie me tare nẹ, a riẹnre-e Ọghẹnẹ me re ehrọre mẹ rẹ ọmọ mẹ na da rhọ?

Ẹsta 4:16

Yanran, re koko ihwo ri Ju ejobi ra mrẹ vwi Susa, re we chiri owẹvwe kẹ vwẹ, wa ria-a, wa je da-a vwẹ ẹdẹ erha te ason te uvo. Mẹvwẹ vẹ emetẹ mẹ ji chiri owẹvwe kirobo ri wo ruru na. Ọke yena ki mi bru ovie na, jẹ ọna vẹ urhi she phihọ-ọ, ọ da dianẹ me ghwọrọ, me ghwọrọ.

Une rẹ Ejiro 107:6

Etiyin ayen de kperi se Ọrovwohwo vwẹ ukpokpogho rayen, o de si ayen nẹ ọdjarhe rayen,

Une rẹ Ejiro 78:34

Ọke rọ vwọ ghwiẹ ayen hwe, ayen da guọnọ, ayen kurhẹriẹ ayen da vwẹ oma kpotọ guọnọ Ọghẹnẹ.

Aizaya 3:15

Die wo rori ru wọ vwọ guọghọ ihwo mẹ ru we vwo wuye opharo rẹ ovwiogbere? eriyin Ọrovwohwo rẹ ofovwi tare

Izikiẹl 18:2

Die wo vwo dje itẹ nana ekpekpe kpahe otọ rẹ Izrẹl, Esẹ na rare otiẹ ekianke, ako ke ghẹghẹ emọ na?

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Emọs 5:15

Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na.

Jona 3:8

ẹkẹvuọvo e jẹn ohwo eyẹ eranvwe vwẹ esiso rhuo re jẹn ayen viẹ hwe Ọghẹnẹ gangan; e, e jẹn ohwo kohwo siobọ nẹ uvun umwemwu rọye re o ji siobọ nẹ ozighi egbe ejobi.

Jona 3:9

Ono sa riẹn sẹ Ọghẹnẹ sa rhẹriẹ nẹ ophu ọgangan ro muo na, rere avwanre vwo je ghwo?

Iruo rẹ Iyinkọn na 21:13

Etiyin Pọl da kpahe, Die ovwan ruẹ, rẹ ovwan vwọ vwẹ oviẹ miovwẹ udu mẹ? Kidie me choma ọ dianẹ kẹ uwodi ọvo-o ẹkẹvuọvo tobọ ughwu dede vwi Jerusalẹm vwi fiki rẹ odẹ rẹ Ọrovwohwo Jesu.

Ọbe ri Pọl si rhe Ihwo ri Rom 13:11

Ovwan riẹn nẹ o te ọke rẹ ovwan vwọ rhọvwọ nẹ ovwerhẹ rẹ. Kidie ọke nana esivwo rẹ ovwan vwọ kẹre nọ ọke rẹ ovwan vwo segbuyota vwẹ obọ;

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.