Jona 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ẹkẹvuọvo Jona de vrẹn ọ da djẹ kpo Tarshishi rere ọ djẹ nẹ obaro rẹ Ọrovwohwo. O de kpo erhuru ri Jọpa ọ da mrẹ okọ ro kpo Tarshishi, ọ da hwa igho rẹ ofan, ọ da ro okọ, rere ọ vẹ ayen vwo kpo Tarshish, rere ọ vwọ djẹ nẹ obaro rẹ Ọrovwohwo na.

Jona 1:3 ပူးပေါင်းရင်းမြစ်များ

Jẹnẹsis 3:8

Ayen de nyo urhuru rẹ Ọrovwohwo Ọghẹnẹ rọ yan vwẹ udju na vwẹ ọke rẹ ovwọnvwọn, te ọshare na te aye na de si oma nu kẹ Ọrovwohwo Ọghẹnẹ vwẹ uvwre rẹ irhe rẹ udju na.

Jẹnẹsis 4:16

Ken da yan nẹ obaro rẹ Ọrovwohwo, ọ da ra dia otọ ri Nọd, vwẹ obọrhe rẹ Idẹn

1 Ivie 19:3

Etiyin oshọ de muo, o de vrẹn ọ da djẹ kpo Beer-sheba, ri Juda, fiki rẹ arhọ rọye, ọ da yan jẹ odibo rọye vwo vwẹ etiyin.

1 Ivie 19:9

Etiyin o de rhi te ẹmwa ọvo, o de wo phihọ etiyin; nighere, ota rẹ Ọrovwohwo de bro rhe, ọ da ta kẹ, Die wo ruẹ vwẹ etinẹ, Ilaija?

2 Ikun rẹ Ivie 2:15

Asakiephana eka re wuyeri na, evwri vẹ udi, rẹ ọrovwovwe tare na, e jo ghwẹ ayen rhe idibo rọye;

2 Ikun rẹ Ivie 2:16

avwanre ki she kurhe kurhe ru wọ guọnọre vwi Lẹbanọn, rere e phorho ayen wan urhie re fi Jọpa, rere wa dia etiyin da ghwa ayen kpo Jerusalẹm.

2 Ikun rẹ Ivie 9:21

Kidie ekọ rẹ ovie kpo Tashish vẹ idibo ri Huram; ẹsiẹvo ẹgbukpọ erha ọye ekọ ri Tashish vwo duvwẹ re ghwa oro, idọnọ, akeni, okpe, kugbe pikọk.

Ezra 3:7

Ọtiọye ayen da vwẹ igho kẹ otu re ma uwevwi na vẹ otu rẹ ewena, kugbe emuọre, idi, kugbe evwri kẹ ihwo ri Sidọn kugbe ihwo ri Taya, rere ayen ghwa igedu nẹ Lẹbanọn rhe kpo obo abadi, kpo Jọpa, kirobo Sairọs ovie ri Pẹsha rhọvwe kẹ ayen.

ỌBE RẸ JOB 1:12

Ọrovwohwo ke ta kẹ Ẹdjọ, Nighe, obo ro vwori ejobi e hẹ ogangan wẹn; jokpa rẹ ekpuyovwi rọye wo je obọ wẹn e vwo te. Ọtiọye na Ẹdjọ da yanran nẹ obaro rẹ Ọrovwohwo.

ỌBE RẸ JOB 2:7

Ọtiọye na Ẹdjọ da yanran nẹ obaro rẹ Ọrovwohwo, ra vwẹ era ri gbo ọnrhe bru Job nẹ ẹhẹrhowọ re te ekrekruyovwi rọye.

Une rẹ Ejiro 107:23

Ẹvọ vwẹ ekọ kpo ọbo abadi, ri ru iruo rayen vwẹ ame rode;

Aizaya 2:16

vwọ kẹ eko ejobi ri Tarshish; ke ekọ ri yovwiri ejobi.

Aizaya 23:1

Arọẹmrẹ kpahe Taya, Berọma, E eko ri Tarshish, kidie a ghwọrọ Taya totọ, uwevwi chekọ vwo siẹvo kẹ erhuru-u! Kẹ otọ ri Saiprọs a da vwọ phia kẹ ayen.

Aizaya 23:10

Jẹn otọ wẹn ku wan reghe reghe kerẹ Nile, E Ọmọtẹ ri Tarshish, a gbe sa daji ọfa-a

Aizaya 23:6

Wan vrẹn kpo Tarshish, beroma, E ihwo rẹ obo erhuru!

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Jerimaya 10:9

Idọnọ re duvwuru a ghwẹ ayen nẹ Tashishi rhe, kugbe oro ro nẹ Ufaz rhe. Ayen iruo rẹ ọwena kugbe e rẹ odjogun, emwa rayen orhurhu kugbe ododo, ayen ejobi iruo rẹ ewena

Izikiẹl 2:8

Ẹkẹvuọvo wẹ, ọmọ rẹ ohwo, nyo obo re me ta kẹ wẹ na, wọ rha dia ohwo rẹ okpetu kerẹ uwevwi rẹ okpetu yena-a, rhie unu wẹn, rere wọ re obo re me vwọ kẹ wẹ na.

Izikiẹl 27:12

Tarshish vẹ owẹ chueki fiki rẹ efe buebu ro rhe re: idọnọ efuafon, utehru, oze, kugbe odje rẹ ayen vwo wene ekuakua wẹn.

Izikiẹl 3:14

Erhi na de mu vwe vrẹn ọ da reyọ ovwẹ yanran, mẹ da yanran vwẹ evun rẹ ophu vwẹ evun rẹ ogidi rẹ erhi mẹ, obọ rẹ Ọrovwohwo da gan kpahe ovwẹ;

Jona 1:10

Etiyin ọshọ de mu ihwo na gangan, ayen da ta kẹ, Ọnana didi emu wo ruru na! Kidie ihwo na riẹnre nẹ ọ djẹ nẹ obaro rẹ Ọrovwohwo, fikiridie ọ ta kẹ ayen jovwo.

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Iyẹnrẹ Esiri ri Luk 9:62

Jesu da ta kẹ, O vwo ohwo ọvo rọ ghwẹ abọ kpahe eghwro nu ro de ni obuko ro fo kẹ uvie rẹ Ọghẹnẹ na-a.

Iruo rẹ Iyinkọn na 15:38

Ẹkẹvuọvo Pọl da sen nẹ a vwọ ba oma-a kidie ọ djẹ jẹ ayen vwo dẹvure vwi Pamfilia, o rhe nene ayen kpo iruo na-a.

Iruo rẹ Iyinkọn na 26:19

Vwẹ ọtiọye na, E Ovie Agripa, mi rhe vwo udu kẹ emramrẹ rẹ odjuvwu na-a,

Iruo rẹ Iyinkọn na 9:36

Ọke yena odibo ọvo da herọ vwẹ obi Jọpa re se Tabita, otọ rọye Dọkas eyẹ Uzo, O ru ẹse mamọ, oki rhe vwo uruemu esiri.

Iruo rẹ Iyinkọn na 9:38

Ri Lida vẹ Jọpa vwọ kẹre oma na idibo na, vwo nyo nẹ Pita hẹ oboyi, ayen de ji eshare ive bro ra ra rẹ, nẹ, Biko kpare owọ bru avwanre rhe.

Iruo rẹ Iyinkọn na 9:42

Usi rọye da rhe hrabọ ro evun ri Jọpa ejobi, ihwo buebu de se Ọrovwohwo gbuyota.

Iruo rẹ Iyinkọn na 9:43

O de nene Saimọn, osiophiẹn na dia ẹdẹ buebu vwi Jọpa.

1 Kọrẹnt 9:16

Kidie mi de ghwoghwo iyẹnrẹ esiri na, ọyena dia obo re sorọ me vwọ yan eya-an. Kidie a gbarọ mu vwẹ. Ekan kẹ vwẹ ọ da dianẹ mi ghwoghwọ iyẹnrẹ esiri na-a!

2 Tẹsalonaika 1:9

Kẹ ayen cha reoja rẹ ehwe kugbe ẹghwọrọ ri bẹdẹ ka djẹ ayen nẹ obaro rẹ Ọrovwohwo kugbe urinrin rẹ ẹgba rọye.

Joshua 19:46

vi Mejarkọn vi Rakon vẹ ubrakpọ ri Joppa.