Jona 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Vrẹn, yanran kpo Ninivẹ, orere rode yena, rere wo ghwoghwo kẹ, kidie iyẹrẹ rẹ uvumwemwu rayen tevwe obọ re.

Jona 1:2 ပူးပေါင်းရင်းမြစ်များ

Jẹnẹsis 10:11

Otọ yena kọye o nu kpo Asiria, ọ da ra bọ Ninivẹh, Rehobọt-Ir, Kala, kugbe

Ivie rẹ Ivẹ 19:36

Etiyin Senakerib ovie rẹ Asiria de vrẹn, ọ da yanran kpo, ọ da ra dia Ninive.

2 Ikun rẹ Ivie 28:9

Ẹkẹvuọvo ọmraro rẹ Ọrovwohwo ọvo hẹ etiyin, re se odẹ rọye Ọbẹd; ọ da ra vwa unuofowi na rọ ro Sameria, ọ da ta kẹ ayen, Nighe, fiki rẹ obo rẹ Ọrovwohwo, Ọghẹnẹ rẹ esẹ rẹ ovwan, vwo mu ophu kpahe Juda, ọye o vwo phi ayen phihọ obọ rẹ ovwan, ẹkẹvuọvo wa da vwẹ ophu hwe ayen rẹ oviẹ rayen de re te odjuvwu.

Ezra 9:6

tanẹ, E Ọghẹnẹ mẹ, oma vo vwẹ opharo mẹ ke ghwọkpọ ọ gbi ju vwe kpare opharo mẹ ni we-e, Ọghẹnẹ mẹ, orukuruku rẹ avwanre kpare kpenu nọ uyovwi rẹ avwanre, abe rẹ avwanre ma kpenu re te odjuvwu,

Aizaya 37:37

Etiyin Senakerib da rhoma, ọ da yanran kpo ra dia Ninivẹh.

Aizaya 58:1

Bunu gangan, wo jovwo-o, van kperi kerẹ ekper-ẹ dje ogbeku re ihwo mẹ kẹ ayen, dje kẹ uwevwi ri Jekọp umwemwu rayen.

Jerimaya 20:9

Me da tanẹ, Mi gbi che se odẹ rọye-e, eyẹ me gbe ta ota vwẹ odẹ rọye-e, yẹ ọ hẹ udu mẹ kerẹ erhanre rọ la re rhurhu phihọ evun rẹ ibeku mẹ, oma kọ rhọvwẹ vẹ eyọnrọn rọye, mi gbi se chiro-o.

Izikiẹl 2:7

Ku wọ ta ota mẹ kẹ ayen, owenẹ ayen nyo owenẹ ayen je nyo, kidie uwevwi rẹ okpetu ayen ruẹ.

Hosia 7:2

Ẹkẹvuọvo ayen gbi rhe roro-o nẹ me karoho iruo ọbrabra raye-en. Asakiephana uruemu rayen riariẹ ayen phihọ, ayen hẹ obaro mẹ.

Jona 3:2

Vrẹn ru wọ kpo Ninivẹ, orere rode yena, rere wo re ghwoghwo aghwoghwo re me cha ta kẹ wẹ na.

Jona 3:3

Ọtiọye na Jona de vrẹn o de kpo Ninivẹ, kirobo rẹ ota rẹ Ọrovwohwo epha. Asakiephana Ninivẹ na okporere rode gangan, ẹdẹ erha ọye a yan ohẹhẹre rọye vrẹn.

Jona 4:11

O gbi rhe fo re me re ehrọre ri Ninivẹ, orere rode yena, rẹ ihwo rọye bunọ uriori ujosan re riẹn obọrhe eyẹ obọhwẹre raye-en, kugbe uchuru buebu na?

Maika 3:8

Ẹkẹvuọvo vwọ kẹ vwẹ, evun mẹ vọnre vẹ ogangan, vẹ erhi rẹ Ọrovwohwo na, vẹ ọsoso vẹ ẹgba, mi che vwo ghwoghwo ogbeku ri Jekọp kẹ kugbe umwemwu rẹ Izrẹl kẹ.

Nahum 1:1

Epha ra bọ kpahe Ninivẹ. Ọbe rẹ emramrẹ ri Nahum ohwo rẹ Ẹlkosh.

Nahum 3:19

O rhe vwo ohwo ro bruche rẹ odjadja wẹ-ẹn ora wẹn na ọrhuarho ihwo ri nyo ikun wẹn ejobi ke teyọ abọ ghwẹ phihọ owẹ. Kono ọnana je bro cha, rẹ uvumwemwu wẹn jẹ oma e te?

Matiu 10:18

Ke che mu ovwan rhe ikeferi vẹ ivie vwi fiki mẹ, kẹ ovwan dia iseri kẹ otu rẹ ikeferi na.

Matiu 12:41

Ihwo ri Ninive cha vwẹ orua nana guẹdjọ rẹ ayen de bru hwe. Kidie ayen kurhẹriẹ vwẹ oma rẹ eyono ri Jona; Gbe nighe, ọ rọ rho nọ Jona hẹ etinẹ.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.

Ẹvwọphia 18:5

kidie imwemwu rọye kpare kpenu re te odjuvwu, Ọghẹnẹ rhe karohọ orukuruku rọye.