Jona 1:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Etiyin oshọ rẹ Ọrovwohwo de mu ihwo na gangan, ayen de ze izobo kẹ Ọrovwohwo ayen de ve ive kẹ.

Jona 1:16 ပူးပေါင်းရင်းမြစ်များ

Jẹnẹsis 28:20

Etiyin Jekọp de vẹ ive tanẹ, O da dianẹ Ọghẹnẹ vẹ ovwẹ da dia, rọ da sẹro mẹ vwẹ idjerhe re Me cha wan na, rọ da kẹ vwẹ emuọre kugbe amwa vwo rhuo,

Jẹnẹsis 8:20

Noa da so agbada kẹ Ọrovwohwo, ọ da reyọ eranvwe keranvwe ro tete oma, kugbe kọphra kọphra ro tete oma, o de ze izobo rẹ ẹtorhẹ vwẹ enu rẹ agbada na.

Ivie rẹ Ivẹ 5:17

Etiyin Neman da ta, Ọ gbe dia eriyi-in, manẹ me rẹ wẹ nẹ jẹn odibo wẹn vwanvwe oghwa rẹ ekpẹn ivẹ ghwa kpo, fikiridie kẹ nonẹ yanran odibo wẹn gbẹ cha torhẹ izobo-o eyẹ ze izobo kẹ edjọ-ọ ẹkẹvuọvo Ọrovwohwo na.

ỌBE RẸ JOB 37:24

Fiki rẹ ọtioye ihwo rẹ akpo wa djẹ oshọ rọye; o se ohwo rọ ghwanre ọvuọvo gbẹ emu vwẹ evun rẹ aghwanrẹ rọye-e.

Une rẹ Ejiro 107:22

Jẹn ayen ze izobo rẹ ẹkpẹvwẹ, re gbe ikun re uruemu rọye vwẹ ine rẹ aghọghọ!

Une rẹ Ejiro 116:14

Me hwa osa rẹ ive mẹ kẹ Ọrovwohwo vwẹ irharo rẹ ihwo rọye ejobi.

Une rẹ Ejiro 50:14

Ze izobo re ẹkpẹvwẹ kẹ Ọghẹnẹ, re wọ hwa osa rẹ ive wẹn ke Ọ ro Me Kpenu na;

Aghwoghwo 5:4

Wo de ve ive kẹ Ọghẹnẹ, wo gbe eghẹrẹ wọ ke hwa-a; kidie o vwo omavwerhovwẹ kpahe ẹkpa-a. Hwa osa rẹ emu wo veri.

Aizaya 26:9

Urhuru wẹn re si ẹnwẹn mẹ vwẹ ason, ẹnwẹn mẹ nabọ vwẹ oma kpotọ guọnọ owẹ Kidie ọke rẹ ọrhiebro da hẹ evun rẹ akpọ na re, ihwo rẹ akpọ na ki yono ọvwata.

Jerimaya 5:22

Wa djẹ oshọ me-e? eriyin Ọrovwohwo na tare ovwan rha phariẹ vwẹ obaro mẹ-ẹ? Me vwẹ ubu na jẹn ugbwru kẹ abadi ugbere ri bẹdẹ ro jẹ sa wan vrẹn; owenẹ abadi na họnre dede, ayen sa shariẹ-ẹ, owenẹ omimi na kpare ayen sa wan vrẹ-ẹn.

Daniẹl 6:26

Mi ji urhi, nẹ asan rẹ uvie mẹ na teri ejobi, e jẹn ihwo phariẹ re ayen rha djẹ oshọ vwẹ obaro rẹ Ọghẹnẹ ri Daniẹl, kidie ọye Ọghẹnẹ ro jeghwo, Ọ rọ herọ bẹdẹ; uvie rọye a sa guọghọ-ọ, isuesun rọye dia re te oba.

Jona 1:10

Etiyin ọshọ de mu ihwo na gangan, ayen da ta kẹ, Ọnana didi emu wo ruru na! Kidie ihwo na riẹnre nẹ ọ djẹ nẹ obaro rẹ Ọrovwohwo, fikiridie ọ ta kẹ ayen jovwo.

Jona 1:14

Etiyin ayen de kperi se Ọrovwohwo, Avwanre rẹ wẹ, E Ọrovwohwo, wo jẹn avwanre ghwẹ fiki rẹ ohwo nana-a, wo mu oghwa rẹ ọbara rẹ ekun nana nyẹ avwanre-e; Kidie wọwe, E Ọrovwohwo ri ru obo ri je we.

Iyẹnrẹ Esiri ri Mak 4:31

Ọ họhọ ubi rẹ uyerhie ọke ra vwọ kọn phihọ otọ; ọ havwe nọ emamọ na ejobi ra kọn hẹ otọ na,

Iruo rẹ Iyinkọn na 5:11

Oshọ rode na de mu ishọshi na ejobi kugbe ihwo ri nyo emu nana ejobi.

Iguẹdjọ 13:16

Amakashe rẹ Ọrovwohwo na da ta kẹ Manoa nẹ, Ovwan da da vwẹ ji, Me cha re vwẹ emu rẹ ovwan na-a; ẹkẹvuọvo ovwan da choma rẹ izobo ra torhẹre nure, ovwan gba reyọ vwo ze kẹ Ọrovwohwo. (Fikiridie Manoa riẹnre nẹ amakashe rẹ Ọrovwohwo o ruẹ-ẹ)