Jona 1:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọ da ta kẹ ayen, We mu vwẹ rere wa kpare ovwẹ phihọ abadi na, etiyin abadi na kọ fọ kẹ ovwan, kidie me riẹnre nẹ fiki mẹ ọye abadi na rhe vwọ họnre gangan na.

Jona 1:12 ပူးပေါင်းရင်းမြစ်များ

2 Samuẹl 24:17

Etiyin Devid da ta kẹ Ọrovwohwo vwẹ ọke rọ vwọ mre amakashe ro hwe ihwo na, ọ da ta, Nighe mi ru imwemwu, mi ru imwemwu, mi ru o re brare gangan, ẹkẹvuọvo igodẹ nana, die ayen ruru? hwe vwe vẹ uwevwi rẹ ọsẹ mẹ Me rẹ wẹ.

1 Ikun rẹ Ivie 21:17

Etiyin Devid da ta kẹ Ọghẹnẹ, ọ dia omẹvwẹ re tanẹ ekere ihwo na? Mẹvwẹ ri ru umwemwu mi ru obo re brare gangan. Ẹkẹvuọvo igodẹ nana, kidie ayen ruru? Jẹn obọ wẹn, me rẹ wẹ, Ọrovwohwo Ọghẹnẹ mẹ, gbe kpahe ovwẹ vẹ uwevwi rẹ ọsẹ mẹ; ẹkẹvuọvo wo jẹn emianvwe nana dia uyovwi rẹ ihwo wẹ-ẹn.

ỌBE RẸ JOB 35:8

Umwemwu wẹn kpahe ohwo kerẹ owẹwẹ na, ọvwata wẹn kerẹ ọmọ rẹ ohwo.

Aghwoghwo 9:18

Aghwanre yovwi nọ ekuakua rẹ ofovwi, ẹkẹvuọvo oruimwemwu ọvo guọghọ emu esiri buebu.

Jona 1:11

Etiyin ayen da ta kẹ, Kidie avwanre ru we rere abadi na vwọ fọ kẹ avwanre? Kidie abadi na ra họnra phihọ họnra phihọ.

Jona 1:13

Ẹkẹvuọvo ihwo da pharhe rere ayen bi okọ na ra vware otọ, ye ayen se ruo-o, Kidie ye abadi na kọ rhoma họnra gan phihọ.

Iyẹnrẹ Esiri ri Jọn 11:50

ovwan vwo ẹruọ nẹ o fori kẹ ovwan rẹ ohwo ọvo vwo ghwu kẹ ihwo na, rere ẹgborho na vwo jẹ ghwọrọ.

Iruo rẹ Iyinkọn na 27:24

ọ da ta, Pọl, wọ dje oshọ-ọ, wo che mudia dẹn vwẹ obaro ri Siza, gbe nighe, Ọghẹnẹ vwẹ ihwo re vẹ owẹ gbe bi ejobi vwọ kẹ wẹ.

Joshua 7:12

Fiki rẹ ọtiọye na ihwo rẹ Izrẹl na gbi se mudia hirhe opharo ku ivwighrẹn raye-en, kọye ayen vwo chuko ku ivwighrẹn rayen na, kidie ayen hirhe phihọ obo ra cha ghwọrọ kufia. Me vẹ ovwan gbe cha dia ọfa-a, jokpa nẹ ovwan guọghọ ekuakua rẹ izobo na nẹ ohri rẹ ovwan.