Joẹl 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ghwoghwo ọnana vwẹ ohri rẹ ẹgborho na: Muegbe rẹ ofovwi, Rhanriẹ udu rẹ egba na Jẹn eshare rẹ ofovwi na ejobi si te obonẹ, jẹn ayen rhe.

Joẹl 3:9 ပူးပေါင်းရင်းမြစ်များ

Une rẹ Ejiro 96:10

Ta vwe ohri re ẹgborho na neẹ, Ọrovwohwo ria uvie! E, akpọ na a tonro phihọ, e gbi se ghwie bẹvwẹdẹ-ẹ, o che guẹdjọ re ihwo na abavo.

Aizaya 34:1

Bi te ohone, E ẹgborho na, re we nyo, kerhọn, E ihwo na. Jẹn akpọ na kerhon, kugbe obo re vọnrọ ejobi; akpọ na, kugbe obo ri nuro rhe ejobi

Jerimaya 31:10

Nyo ota rẹ Ọrovwohwo, E ẹgborho na, rere wo ghwoghwo vwẹ erhuru rẹ obo ogboko na, ta nẹ, Ọ rọ hra Izrẹl na ji che koko, ọ je cha sẹro rọye kirobo rẹ osuigegede sẹro rẹ igegede rọye.

Jerimaya 50:2

Djẹ phia vwẹ ohri rẹ ẹgborho na wo ghwoghwo, vwẹ aphiana tan wo ghwoghwo, wo sionẹ-ẹ, re wo tanẹ: A reyọ Babilọn nure, oma vo Bẹl nure, ofu dje Mẹrodak nure. A vwẹ ema rọye jehwẹ, ofu dje edjọ rọye.

Jerimaya 51:11

Nọ edada na! Reyọ ekpọfia na! Ọrovwohwo kpare udu rẹ ivie rẹ Mid nure, fikiridie iroro rọye kpahe Babilọn iroro rẹ oghwọrọ, kidie ọye ihriẹriọ rẹ Ọrovwọhwo na, ihri fiki rẹ uwevwi rọye.

Jerimaya 51:27

Vwẹ aphiana vi vwẹ akpọ na, hwọrọ owanre vwẹ ohri rẹ ẹghorho na; rhuẹrẹ ẹgborho na kẹ ofovwi ra vwọ suọ, se uvie na koko vwọ suọ, Ararat, Mini, vẹ Ashkinaz, vwẹ onotu ọvo mu vwọ suọ ghwe iyesi rhe kerẹ ebaka ri do.

Jerimaya 6:4

Choma rẹ ofovwi vwọ suọ; vrẹn, we je kpo imu na vwẹ oghẹruvo. Ekan kẹ avwanre kidie ọke re kpo, Uhoho re ovwọnvwọn re gro!

Izikiẹl 38:17

E nẹ Ọrovwohwo Ọghẹnẹ tare: Wẹ ohwo rẹ me ta ota rọye vwẹ ọke rẹ awanrẹ vwẹ oma rẹ idibo mẹ emraro rẹ Izrẹl, ihwo re mraro vwẹ ọke yena vwẹ ikpe buebu tanẹ: Me cha reyọ owẹ vwọ so ayen?

Izikiẹl 38:7

Muegbe rere wọ choma, wẹ vẹ urogho na re vẹ owẹ gba ghwẹ koko na, rere wọ dia egbe kẹ ayen.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Hegae 2:7

ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

Zekaraya 14:2

Kidie Me cha ghwẹ ẹgborho na ejobi koko vwo phi Jerusalẹm ka reyọ orere na ka ghwẹ ekuakua rẹ uwevwi na reyọ ke gbe eya na ẹgua abọvo re orere na ko kpo imu, yẹ ẹkẹvuọvo e gbi si otu re ihwo ri chekọ nẹ orere na-a.

Zekaraya 14:3

Etiyin re Ọrovwohwo kọ yan phia vwọ so ẹgborho yena kirobo rọ họnre vwe ẹdẹ rẹ ofovwi na