Joẹl 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo mẹ ra kpare ayen vrẹn nẹ asan ra she ayen ra na rhe, vwẹ uyovwi rẹ obọ wẹn Me da nọ ekpẹn rẹ uruemu wẹn na.

Joẹl 3:7 ပူးပေါင်းရင်းမြစ်များ

Ẹsta 7:10

Etiyin ovie na da ta, churo si vwẹ enu rọye. Etiyin e de churu Heman si vwẹ enu rẹ ẹtan rọ kpahe hẹrhẹ Modekai na Ivuemiovwo rẹ ovie na de kpotọ.

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 49:12

No, enana cha no ogboko rhe, nighere, enana cha nẹ obọhwẹre vẹ obuko ọnre rhe, enana ki che nẹ obọ ri Syene rhe.

Aizaya 66:6

Kerhọn, unuebo nẹ obo orere na cha! Urhuru nẹ uwevwi rẹ ẹga na cha! Urhuru rẹ Ọrovwohwo, rọ hwa osa kẹ ivwighrẹ rọye!

Jerimaya 23:8

ẹkẹvuọvo kirobo rẹ Ọrovwohwo herọ rọ reyọ uvwiẹ rẹ uwevwi rẹ Izrẹl ji sun ayen nẹ orho rẹ obọhwẹre ọnre rhe kugbe irho rọ djẹ ayen ra ejobi na. Ayen ke dia otọ rẹ obọ rayen.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Jerimaya 30:16

Ọtiọye na ihwo ri mu ovwan rọ ejobi ke ji mu ayen rọ ivwighrẹ rẹ ovwan ejobi, ọvuọvo rayen, ki kpo imu, otu re ghwa ovwan reyọ ejobi ka je ghwa ayen reyọ, iri shenyẹ ovwan ejobi ke ji shenyẹ ayen rhe.

Jerimaya 31:8

Nighe, me cha reyọ ayen nẹ orho rẹ obọhwerẹ ọnre rhe, koko ayen nẹ oboshesheri rẹ akpọ rhe, irhuẹro vẹ ikpono dia ohri rayen, aye vẹ ọmọ kugbe ọ rọ chuẹ uvwiẹ gbe koko; usun rode na, ayen che rhivwi rhe etinẹ.

Jerimaya 32:37

Nighe, Me cha ghwẹ ayen koko nẹ irere kirere re me vwẹ ophu ọgangan mẹ vẹ ivue miovwo mẹ djẹ ayen ra na rhe etinẹ, kẹ ayen dia egbẹrhẹnẹdẹ.

Izikiẹl 36:24

Kidie me cha reyọ owẹ nẹ ẹgborho na rhe, mi mi si we koko nẹ irho na rhe, ke me vwẹ owẹ rhe oto rẹ obọ wẹn.

Izikiẹl 38:8

Ẹdẹ buebu da wan nu ku wọ cha ghwẹ koko gbidi, vwẹ ikpe re cha vwẹ obaro na ku wọ ra vwẹ ofovwi vwọ so otọ na re si nẹ obọ rẹ ofovwi na, otọ rẹ ihwo da rhe ghwẹ koko nẹ ẹgborho buebu rhe rhi koko vwẹ igbenu rẹ Izrẹl, ra kua jovwo rhabae; ihwo ra ghwẹ nẹ ẹgborho na rhe. Asakiephana egbemọphẹ kọye ayen epha, ayen ejobi re kpae.

Joẹl 3:4

Die ovwan epha kẹ vwẹ, E Taya vi Sidọn, kugbe ubrakpọ ri Filistia ejobi? Wọ rhoma hwa osa kẹ vwẹ fiki rẹ emuọvo? Ọ da dianẹ wọ rhoma hwa osa kẹ vwẹ, ye Me cha nọ ekpẹn rẹ uruemu wẹn vwẹ uyovwi wẹn kpata kpata.

Zekaraya 9:13

Mi wurhu Juda kerẹ umurhabọ Mẹ; Me da vwẹ Ifrem ru edada rọye. Mi dju emọ rẹ ovwan, E Zayọn, Me vwẹ emọ rẹ ovwan họnre emọ ri Gris. mi ru uwe họhọ ọlọkọ rẹ ọgbofovwi.

Matiu 7:2

Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan.

2 Tẹsalonaika 1:6

rẹ Ọghẹnẹ vwo roro nẹ o fori rere ọ vwẹ oja re ayen otu ri gbe oja kẹ ovwan ria na,

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Ẹvwọphia 13:10

Ọ da dianẹ e mu ohwo oghuvwu, ighuvwu na kọye ọ ra; ọ da dianẹ ohwo vwẹ ọlọkọ hwe ohwo, ọlọkọ na e ji vwo hwe. Kẹ etinẹ a da mrẹ odiri kugbe esegbuyota rẹ ihwo efuanfon na vugbe.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Ẹvwọphia 19:2

Kidie orhiebro rọye uyota kugbe ọsoso; o brorhiẹ rẹ igberadja rode na rọ vwẹ ọfanrhiẹ rọye miovwi akpọ na, ọ da reihri rẹ ọbara rẹ idibo rọye vwẹ obọ rọye,

Iguẹdjọ 1:7

Etiyin Adonibẹzẹk da ta nẹ Me nyavwe irhiabọ ride kugbe irhiawọ ride rẹ ivie ujorha gbe ihwe kufia dẹvure re rhọrọ ivwuvwu rẹ emu ria vwẹ obotọ rẹ imẹjẹ mẹ, kirobo ri mi ru ihwo, ọye Ọghẹnẹ hwosa rọye ke vwẹ na. Ayen de muo rhe obi Jerusalẹm, o de ghwu phihọ oboyi.

1 Samuẹl 15:33

Samuẹl da ta, kirobo rẹ ọlọkọ wẹn nẹrhẹ eya dia ẹga na, ọtiọye oni wẹn je dia ẹga vwẹ ohri rẹ eya. Samuẹl de she Agag ibribro vwẹ obaro rẹ Ọrovwohwo vwi Gilgal.