Joẹl 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² ke me ghwẹ ẹgborho na ejobi koko ke me vwẹ ayen rhe iyara ri Jehoshafat, kẹ etiyin me da vwẹ ayen gu ẹdjọ, fiki rẹ ihwo mẹ kugbe ireuku mẹ Izrẹl, fikiridie ayen hra ayen nene ẹgborho na ejobi. Ayen da ghare otọ mẹ reyọ.

Joẹl 3:2 ပူးပေါင်းရင်းမြစ်များ

2 Ikun rẹ Ivie 20:26

Vwẹ ẹdẹ rẹne ayen da rhe ghwẹ koko vwẹ Iyara ri Beraka, kidie etiyin ayen de bruba kẹ Ọrovwohwo na; fiki rẹ ọtiọye na odẹ rẹ asan na e de se Iyara ri Beraka rhi te nonẹ na.

Aizaya 66:16

Kidie erhanre Ọrovwohwo che vwo brorhiẹn, ọlọkọ rọye, ko muo kpahe ihwo ejobi, ihwo rẹ Ọrovwohwo che hwe ki buebu.

Aizaya 66:18

Kidie Me riẹn iruo rayen kugbe iroro rayen, ye Me cha cha ghwẹ ẹgborho kugbe ẹrenvwe na kugbe, ayen ke cha rhe re mrẹ urinrin mẹ,

Jerimaya 12:14

Enẹ Ọrovwohwo tare kpahe irivẹ me imiomiovwi na re vwẹ obọ te ukuẹriọ re me vwo ke ihwo mẹ Izrẹl, nẹ vwọ reuku na: Nighe, mi che yoro ayen nẹ otọ rayẹn, ki mi yoro uwevwi ri Juda nẹ ohri rayen.

Jerimaya 25:31

Edo na rhoma do te oba rẹ akpọ na re, kidie Ọrovwohwo vwo ẹdjọ kpahe irere na, ọ vẹ ihwo na ejobi che guẹdjọ, iruimwemwu ọ cha vwẹ ọlọkọ hwe ayen, eriyin Ọrovwohwo tare.

Jerimaya 49:1

Vwọ kpahe ihwo rẹ Amọn, Enẹ Ọrovwohwo tare: Izrẹl rhe vwo emọ-ọ? O vwo ọreuku-u? Die rha suọ ri Milkọm vwọ kua ihwo ri Gad, re ihwo rọye vwo yere vwẹ irere rọye?

Jerimaya 50:17

Izrẹl kerẹ ogegede ra rhẹrẹ rẹ ikpohrokpo vwọ tua. Ẹsosuọ ovie rẹ Asiria re rerọ, vwẹ asakiephana kẹ Nebukadreza ovie ri Babilọn kẹ ọye rha gbẹrhiẹn ibeku rọye.

Izikiẹl 25:8

E nẹ Ọrovwohwo Ọghẹnẹ tare: Fikiridie Moab tare, Nighe, uwevwi ri Juda je họhọ ẹgborho ri chekọ na ejobi,

Izikiẹl 34:6

Igegede mẹ na da hra, ayen de beghe wan igbenu ride vẹ ltete, igegede mẹ na da hra nene enu rẹ otọ na ejobi, o rhe vwo ohwo ọvuọvo rọ guọnọ ayen phia-a.

Izikiẹl 35:10

Fikiridie wọ tare, Ẹgborho nana ivẹ na kugbe irho nana ivẹ na ke dia emẹ, avwanre ke kua ro ayen, –owenẹ Ọrovwohwo vwo dia etiyin–

Izikiẹl 36:1

Wẹ, ọmọ rẹ ohwo, mraro kẹ igbenu rẹ Izrẹl re wọ ta, E igbenu rẹ Izrẹl, nyo ota rẹ Ọrovwohwo na.

Izikiẹl 36:5

vwẹ ọtiọye na kẹ e nẹ Ọrovwohwo Ọghẹnẹ tare: Me ta ota vwẹ evun rẹ omẹriọ mẹ vwọ kpahe ẹgborho ri chekọ na, vwọ kpahe Idọm ejobi, re vwẹ otọ mẹ ghare ughwẹ kẹ oma rẹ ayen vẹ aghọghọ rode kugbe ehwẹjẹ, rere ayen mrasan vwọ reyọ rere ayen gborho.

Izikiẹl 38:22

Te emiavwe te ọbara mi che vwo nene guẹdjọ, ki mi che si osio hwe re usun rọye kugbe ihwo buebu re vẹ ọye gba herọ, osiọ rode vẹ osio rẹ erhanre, erhanre kugbe ibieragha rẹ rhorha.

Izikiẹl 39:11

Vwẹ ẹdẹ yena ke me vwẹ asan kẹ Gọg re sho phihọ vwẹ Izrẹl, Iyara rẹ Eyoyan vwẹ obaro ọnre rẹ abadi na; kọ kanre eyoyan na dje, kidie etiyin Gọg vẹ ihwo rọye gbidi na e che shi ayen phihọ, ke che se Iyara ri Hamọngọg.

Joẹl 3:12

Gbe jẹn ẹgborho na jẹjẹ oma rayen, rere ayen rhe iyara ri Jẹhoshafat, kidie etiyin mi de che tidia de gu ẹdjọ rẹ ẹgborho re riariẹ ovwan phihọ na.

Joẹl 3:14

Urogho, urogho, vwẹ evun rẹ iyara rẹ orhiebro! kidie ẹdẹ rẹ Ọrovwohwo na kẹrire vwẹ evun rẹ Iyara rẹ orhiebro.

Emọs 1:11

E nẹ Ọrovwohwo na tare: Fiki rẹ ogbeku erha rẹ Idọm, ji kugbe ẹne, mẹ gbe sa rhan unu rẹ ehwe na-a, fikiridie ọ vwẹ oda tua omoni rọye, ọ rha re ehrọre-e, ophu rọye rhe vwo ure-e, o de mu ophu rọye na rhiri bẹdẹ.

Maika 4:12

Ẹkẹvuọvo ayen rha riẹn iroro rẹ Ọrovwohwo-o, ayen je riẹn obo ro roro vwẹ evun rọye-e, ne ọ ghwẹ ayen koko kerẹ eka ra kọnre vwẹ utuwevwi re de wuye.

Zẹfanaya 3:8

Fiki rẹ ọtiọye na gba hẹrhẹ ovwẹ, eriyin Ọrovwohwo na tare, vwẹ ẹdẹ ri mi de che vrẹn rhe kerẹ oseri. Kidie orhiẹbro mẹ na mi se ẹgborho na koko, me me ghwẹ uvie na koko, ki mi che ku ivuemiovwo mẹ ku ayen, ọrhorho rẹ ophu mẹ na, kidie vwẹ evun rẹ erhanre rẹ omeriọ rẹ ophu mẹ na akpọ na ejobi kọ cha tọrhe re.

Ẹvwọphia 11:18

Ẹgborho na re do, ẹkẹvuọvo ophu wẹn da tua, ọke re vwo guẹdjọ rẹ irivwi te re, ra vwọ hwa osa kẹ idibo wẹn, emraro na kugbe ihwo efuanfon na, kugbe ayen otu re djẹ oshọ rẹ odẹ wẹn, te itete te iride, ra vwọ ghwọrọ oghwọrọ rẹ akpọ na.

Ẹvwọphia 16:14

kidie enana irhi rẹ idẹbono, ri ruẹ iruo rẹ eka, re hrabọ bru ivie rẹ akpọ na ejobi, ri se ayen koko ra hẹrhẹ ofovwi rẹ ẹdẹ rode rẹ Ọghẹnẹ Ọrovwoẹgba na.

Ẹvwọphia 16:16

A da ghwẹ ayen koko asan ọvo ra vwi Hibru se nẹ Amagidọn.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Ẹvwọphia 20:8

kọ cha rhe rhe phiẹn ẹgborho na re hẹ igogo ẹne rẹ akpọ na, kọye hẹ, Gọg kugbe Magọg, ka ghwẹ ayen koko kpo ofovwi; unu rayen kọ họhọ ehavwo rẹ abadi na.