Joẹl 3:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Vwẹ ẹdẹ yena udi ọvwevwerhe ko che sun nẹ igbenu na rhe, ame-ivie ki che sun nẹ igbenu itete na rhe, ukpọkẹre ri Juda ejobi ke cha djẹ ọkẹre rẹ ame, ogbugbu ọvo kọ cha djẹ nẹ uwevwi rẹ Ọrovwohwo rhe kọ cha kpọrhọ iyara ri Shitim.

Joẹl 3:18 ပူးပေါင်းရင်းမြစ်များ

ỌBE RẸ JOB 29:6

Ọke ra vwọ vwẹ ameivie hworhẹ ichiotọ mẹ, rẹ oragha na da djẹ ọkẹre rẹ evwri kẹ vwẹ!

Une rẹ Ejiro 46:4

Urhie ọvo herọ rẹ ọkẹre rọye nẹrhẹ oma vwerha orere rẹ Ọghẹnẹ, ẹdia re ọfuanfon rẹ Ọro Me Kpenu.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Aizaya 30:25

Vwi kenu kenu rẹ ugbenu rọ kpenu gangan kugbe igbenu itete na ejobi ke cha vọn ve etẹrhe re dje ve ame, vwẹ ẹdẹ rẹ ehwe rode na, re eherhe na de che she.

Aizaya 35:6

Etiyin ukpono ko pho kerẹ uzo, ẹrenvwe ro diunu kọ so ine rẹ aghọghọ. Kidie ame cha varhe vwẹ evun rẹ aghwa, ito ke cha djẹ nẹ aton rhe,

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 45:8

Eghwẹghwẹ, E idjuvwu, jo tue nẹ obenu rhe, jẹn obenu na rhọ osio rẹ ọvwata phihọ otọ na; jẹn otọ na rhie phihọ, rere esivwo va nẹ otọ na rhe, ro jẹn ọvwata va djẹ nẹ otọ na rhe, Mẹvwẹ Ọrovwohwo na re marọ

Aizaya 55:1

Ohwo kohwo rẹ urhuru rẹ ame hwe, yanrhe asan ame na, ohwo ro vwo igho-o, yanrhe, de wọ re! Yanrhe, dẹ udi vẹ ame rẹ Ivie, ọphe o vwo unu-u.

Aizaya 66:11

rere wọ viẹ rere evun vọn wẹ vwe evie rọye rẹ ofuophu na, rere wọ da vọn vẹ omavwerhe nẹ obuebu rẹ urinrin rọye na rhe.

Jerimaya 31:12

Ayen cha rhe rhe so une gangan vwẹ ugbenu ri Zayọn, kẹ ayen ghọghọ vwẹ erhuvwu rẹ Ọrovwohwo; vwẹ enu rẹ eka, tẹ wain tẹ evwri, ji te enu rẹ emọ rẹ igegede vẹ uchuru, eyere rayen cha họhọ ogba re ku ame ku, oma gbe rhọ ayen ọfa-a.

Maika 6:5

E ihwo mẹ, karohọ iroro ri Balak ovie ri Moab jẹre, kugbe obo ri Balam ọmọ ri Biọ kpahe kẹ, kugbe obo re phiare nẹ Shitim re te Gilgal, rere wọ vwọ riẹn ona rẹ esivwo rẹ Ọrovwohwo na.

Zekaraya 14:8

Ame ra arhọ cha djẹ nẹ Jerusalẹm rhe vwẹ edẹ yena, ubrọvo rayen da djẹ kpo urhie rọ he obaro ọnre ubrọvo rayen da djẹ kpo urhie rẹ obuko ọnre, ọ cha djẹ vwẹ ọkiuvo kerẹ ọke ohwahwa.

Ukeri 25:1

Ọke rẹ Izrẹl vwọ dia Shitim ihwo na vẹ emetẹ ri Moab ki koko gbe ọfanrhiẹn.