Joẹl 3:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Joẹl 3:17 ပူးပေါင်းရင်းမြစ်များ

ỌBE RẸ JOB 15:19

ọye ọvo a vwẹ otọ na kẹ, ọrhorha rha sa wan ọhri rayen vrẹ-ẹn).

Une rẹ Ejiro 76:2

A bọn ẹdia rọye phihọ salẹm, asan rọ dia ki Zayọn.

Une rẹ Ejiro 9:11

So ine rẹ ejiro kẹ Ọrovwohwo rọ dia Zayọn! Gbe ikun rẹ uruemu rọye vwẹ ohri rẹ ihwo na!

Ẹyano 16:12

Mi nyo iguegun rẹ ihwo rẹ Izrẹl, ta kẹ ayen, Vwẹ ovwọnvwọn wa cha re eranvwe, vwẹ irhiọke evun rẹ ikara kọ vọn ovwan, ọke yena ko wa cha riẹn nẹ Mẹvwẹ Ọrovwohwo Ọghẹnẹ rẹ ovwan na.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 4:3

Ohwo ro che chekọ vwi Zayọn rọ da dia Jerusalẹm ke se nẹ Ọfuanfon, kohwo kohwo re keri phihọ arhọ vwi Jerusalẹm,

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Jerimaya 31:23

Enẹ Ọrovwohwo rẹ otuofovwi na tare, Ọghẹnẹ rẹ Izrẹl: Ayen cha rhoma ta eta nana vwẹ otọ ri Juda vẹ irere rọye ọke re me da vwẹ oyovwe rayen rhe nu: Ọrovwohwo bruba kẹ wẹ, E ẹdia rẹ ọvwata, E ugbenu ọfuanfọn!

Jerimaya 31:40

Iyara rẹ irivwi na ejobi vẹ iwurhie na, kugbe idju na ejobi rhiri re te uto ri Kidrọn, te akakọ rẹ Unurhoro rẹ Iyesi na ro ni obaro ọnre na, cha dia fuanfọn kẹ Ọrovwohwo. E gbi che ghwie ọfa-a e gbi ji kuo kufia bẹdẹ-ẹ.

Izikiẹl 20:40

Kidie vwe enu rẹ ugbenu ọfuanfon mẹ na, obenu rẹ ugbenu phelephele rẹ Izrẹl na, eriyin Ọrovwohwo Ọghẹnẹ tare, Etiyin uwevwi rẹ Izrẹl ejobi, ayen ejobi da cha ga vwẹ vwẹ evun rẹ otọ na; Etiyin me da reyọ ayen, etiyin me da cha reyọ arhọghọ wẹn kugbe omamọ rẹ okẹ wẹn, kugbe izobo wẹn rẹ efuanfon ejobi.

Izikiẹl 37:6

Ke me cha riẹn iriẹn nene uwe oma, uvwo kọ cha tanrhe vwẹ enu wẹ, ke me vwẹ ohọrọ rhurhu uwe, ki mi phi ẹnwẹn phihọ owẹ oma, ku wọ rhọ, ku wọ riẹn nẹ mẹvwẹ hẹ Ọrovwohwo.

Izikiẹl 43:12

Ọnana kọye urhi rẹ uwevwi rẹ ẹga na asan ejobi re riariẹ uwevwi na rọ hẹ obenu rẹ ugbenu na kọ dia asan rọ ma fon. Nighe, Ọnana urhi rẹ uwevwi rẹ ega na.

Izikiẹl 44:9

Vwẹ ọtiọye na e nẹ Ọrovwohwo Ọghẹnẹ tare. O vwo ọrhorha-a, ro jẹyavwọ vwẹ udu vẹ ugboma, vwẹ usun rẹ erhorha re hẹ ohri rẹ ihwo rẹ Izrẹl na, rọ gbe sa vwẹriẹ ẹshẹ mẹ na ọfa-a.

Izikiẹl 48:35

Okiriarie rẹ orere na kọ dia kubit uriorin ihwe gbẹ ẹrenre. Odẹ rẹ orere na kẹ etinẹ yanran kọ dia, Ọrovwohwo na hẹ etiyin.

Daniẹl 11:45

Kọ cha bọn ighẹn rẹ ovie rọye phihọ ahwa rẹ abadi rode na vẹ ugbenu ọfuanfọn rẹ urinrin na; dede na o che vwo oba, o vwo ohwo ọvuọvo rọ cha uko-o.

Daniẹl 9:16

E Ọrovwohwo, kirobo rẹ uruemu esiri wẹn ejobi epha, gbe si ophu vẹ ivuemiovwo wẹn nẹ orere wẹn Jerusalẹm, ugbenu ọfuanfon wẹn, fikiridie vwẹ ẹkuoma rẹ umwemwu rẹ avwanre vẹ orukuruku rẹ esẹ rẹ avwanre, Jerusalẹm vẹ ihwo wẹn vwo hirhe phihọ ehwẹjẹ vwẹ ohri rẹ ihwo rẹ riariẹ avwanre phihọ.

Joẹl 2:27

Ku wọ cha riẹn nẹ Me hẹ uherevie rẹ Izrẹl, nẹ Mẹvwẹ, Ọrovwohwo na, mẹvwẹ Ọghẹnẹ wẹn ọfa gbe herọ chọ vwẹ ra-a. A gbe cha vwẹ oma vo ihwo mẹ ọfa-a.

Joẹl 3:21

Ki mi reihri rẹ ọbara rayen, Me cha hworhẹ ihwo rẹ abe-e, kidie Ọrovwohwo na re dia Zayọn.

Maika 4:7

otu re ikpono na keye cha dia umuku ri chekọ; otu ra djẹ kufia jovwo, ke cha dia ẹgborho ọgangan; Ọrovwohwo kọ cha re vwẹ enu rẹ ayen vwẹ Ugbenu ri Zayọn nẹ ọke nana yanran rhiri bẹdẹ.

Nahum 1:15

Nighe, vwẹ obenu rẹ ugbenu na gbe ni awọ rẹ ihwo re ghwa ikun esiri na cha; ri ghwoghwo ufuoma! Re ore wẹn, E Juda, gbe ru ive wẹn gba, kidie ohwo umwemwu gbe cha vwo so wẹ bẹdẹ-ẹ a nyavwerọ kufia tototo.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Ẹvwọphia 21:27

Ẹkẹvuọvo obo ri jẹfuọn cha sa vwẹriẹ-ẹ, eyẹ ohwo kohwo ro gbe ẹgua eyẹ ofian, ẹkẹvuọvo jokpa rẹ ayen otu re si phihọ ọbe rẹ arhọ rẹ Omogodẹ na.