Joẹl 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Broma wọ rhe, ovwan ẹgborho re kẹrobọ ghwẹ oma rẹ ovwan koko vwẹ etiyin. Reyọ otu rẹ ofovwi wẹn rhe, E Ọrovwohwo

Joẹl 3:11 ပူးပေါင်းရင်းမြစ်များ

Une rẹ Ejiro 103:20

Bruphihọ kẹ Ọrovwohwo, E ovwan emakashe rọye, ovwan egba rọye ri ruẹ obọ re ota rọye tare, ri nyo urhuru rẹ ota rọye!

Aizaya 10:34

Kọ vwẹ ushurhe bẹnẹ itu rẹ eghọn na te otọ, Lebanọn vẹ ikpirhe ride na ki she.

Aizaya 13:3

Ekpuyovwi mẹ ji urhi kẹ ihwo efuanfon mẹ nure, mi se egba mẹ nẹ e ra reihri rẹ ophu mẹ, ihwo mẹ ri herẹ mu oma kpenu na.

Aizaya 37:36

Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Joẹl 3:2

ke me ghwẹ ẹgborho na ejobi koko ke me vwẹ ayen rhe iyara ri Jehoshafat, kẹ etiyin me da vwẹ ayen gu ẹdjọ, fiki rẹ ihwo mẹ kugbe ireuku mẹ Izrẹl, fikiridie ayen hra ayen nene ẹgborho na ejobi. Ayen da ghare otọ mẹ reyọ.

Maika 4:12

Ẹkẹvuọvo ayen rha riẹn iroro rẹ Ọrovwohwo-o, ayen je riẹn obo ro roro vwẹ evun rọye-e, ne ọ ghwẹ ayen koko kerẹ eka ra kọnre vwẹ utuwevwi re de wuye.

Zẹfanaya 3:8

Fiki rẹ ọtiọye na gba hẹrhẹ ovwẹ, eriyin Ọrovwohwo na tare, vwẹ ẹdẹ ri mi de che vrẹn rhe kerẹ oseri. Kidie orhiẹbro mẹ na mi se ẹgborho na koko, me me ghwẹ uvie na koko, ki mi che ku ivuemiovwo mẹ ku ayen, ọrhorho rẹ ophu mẹ na, kidie vwẹ evun rẹ erhanre rẹ omeriọ rẹ ophu mẹ na akpọ na ejobi kọ cha tọrhe re.

2 Tẹsalonaika 1:7

rere ọ rha vwẹ omaerovwo kẹ avwanre vẹ ovwan re hẹ ukpokpogho na, vwẹ ọke ra da cha vwẹ Ọrovwohwo Jesu vẹ emakashe rọye ride na re la kerẹ ẹkuerhanre phia nẹ odjuvwu rhe,

Ẹvwọphia 19:14

Otuofovwi rẹ odjuvwu, re vwẹ esada iyoyovwi rhuo, fuanfon yoyovwi, re gua esi efuanfon de tue nene.