Joẹl 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Kidiẹ nighere, vwẹ ẹdẹ yena kugbe ọke yena, re me da cha rhoma vwẹ ughwẹ ri Juda vi Jerusalẹm rhivwi rhe na,

Joẹl 3:1 ပူးပေါင်းရင်းမြစ်များ

Une rẹ Ejiro 14:7

Mane kẹ esivwo se nẹ Zayọn rhe kẹ Izrẹl vwonẹ! Vwe ọke rẹ Ọrovwohwo da vwẹ ughwẹ re ihwo rọye rhivwi rhe, Jekọp cha ghọghọ, Izrẹl oma cha vwerhọ.

Une rẹ Ejiro 85:1

Ọrovwohwo, wo vwo evun esiri kẹ otọ wẹn; wọwẹ re vwẹ ughwẹ ri Jekọp rhivwi rhe.

Isẹ 1:23

Gba kerhọn rẹ ẹghwọ mẹ, nighe, me cha vwẹ iroro mẹ nẹ wẹ; rere wọ vwọ riẹn eta mẹ.

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Jerimaya 16:15

nẹ Obo rẹ Ọrovwohwo herọ rọ si ihwo rẹ Izrẹl nẹ ọrho rẹ obọhwẹre ọnre vẹ irho na ejobi vwẹ asan rọ dje ayen ra na. Kidie me cha vwẹ ayen rhivwi cha otọ re me vwọ kẹ esẹ rayen na.

Jerimaya 29:14

Ovwan ke mrẹ vwẹ, eriyin Ọrovwohwo tare, ke me vwẹ ughwẹ rẹ ovwan rhivwi rhe ovwan ke me ghwe ovwan nẹ ẹgborho vẹ asan re me djẹ ovwan ra ejobi rhe, eriyin Ọrovwohwo tare, me je ghwa ovwan rhivwi nẹ asan ri mi mu ovwan ra kpo ighuvwu na.

Jerimaya 30:18

Enẹ Ọrovwohwo tare: Nighe, me vwẹ erhieyovwo rhivwi rhe itughẹ ri Jekọp, Ke me re ehrọre kẹ ẹdia rọye; a cha rhoma bọn orere na phihọ ugbenu rọye, ighẹn ke dia asan rọ dia jovwo.

Jerimaya 30:3

Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.

Izikiẹl 16:53

Me vwẹ ughwẹ rayen rhivwi rhe, te ughwẹ ri Sodọm vẹ emetẹ rọye, kugbe ughwẹ ri Sameria vẹ emetẹ rọye, ke me vwẹ ughwẹ wẹn rhivwi rhe vwẹ uherevie rẹ ayen.

Izikiẹl 39:25

Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ.

Daniẹl 12:1

Ọke yena Maikẹl ko che vrẹn rhe, osun rode na re vwo mu vwẹ enu rẹ ihwo wẹn. Ọke rẹ ukpokpogho ko che te, oghẹre ra je mrẹ dẹvo-o nẹ ọke rẹ ẹgborho na vwọ mama rhiri rhi te ọke na, ẹkẹvuọvo vwẹ ọke yena ihwo wẹn ke che sivwi ayen, kohwo kohwo ra mrẹ odẹ rọye vwẹ ọbe na.

Joẹl 2:29

Vwevwe rẹ idibo re emeshare vẹ emetẹ keye mi che ku erhi mẹ ku, vwẹ ẹdẹ yena.

Emọs 9:14

Ke Me cha rhoma reyọ ughwẹ rẹ ihwo mẹ Izrẹl rhivwi rhe ayen, irere ri sheri na ka rhoma bọn ayen ka dia ayen; kẹ ayen kọn ogba ri vain, kẹ ayen da udi rọye, kẹ ayen kọn ogba ayen ke re ibi rọye.

Ukeri 11:29

Ẹkẹvuọvo Mosis da ta kẹ, Wọ rioma fiki mẹ? Manẹ kẹ ihwo rẹ Ọrovwohwo na ejobi ke emraro vwo nẹ, manẹ kẹ Ọrovwohwo se phi erhi rọye phihọ oma rayen vwenẹ!

Ukeri 12:6

Etiyin ọ da ta, We nyo eta mẹ: ọ da dianẹ ọmraro uherevie rẹ ovwan, mẹvwẹ rẹ Ọrovwohwo ọye vwẹ oma phia kẹ vwẹ emramrẹ, mi nenire ta ota vwẹ evun rẹ evwerhẹ.

Urhi Rivẹ 30:3

kẹsiẹye Ọrovwohwo rẹ Ọghẹnẹ rẹ ovwan kọ vwẹ erhuvwu rẹ ovwan rhivwi rhe o mi ni arodọvwẹ rẹ ovwan, ohri rẹ ihwo rọ hra ovwan ra jovwo na o mi rhe koko ovwan nẹ oboyi rhe.