Joẹl 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kerẹ edo rẹ ekpẹrẹ rẹ ofovwi, kẹ ọtiọye ayen pho muẹ enu rẹ igbenu, kirobo rẹ ogiderhanre ruẹ rọ da torhẹ aton ye, kerẹ unuofovwi ọgangan rọ choma hẹrhẹ ofovwi.

Joẹl 2:5 ပူးပေါင်းရင်းမြစ်များ

ỌBE RẸ JOB 39:20

Wẹ re nẹrhẹ o pho kerẹ abaka? Ekperẹ rọye na muoshọ gangnn.

Ẹyano 5:12

Ọtiọye na ihwo da hra wan otọ rẹ Ijipti na ejobi, rere ayen ra guọnọ erhan vwọ ma ikorekpẹn.

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Jerimaya 50:42

Ayen yọnrọn umurhabọ vẹ ubiri, Ayen ihwo ọkon, inẹ aruẹdọ-ọ Edo rayen họhọ ohonre rẹ abadi, ayen gua vwẹ enu rẹ iyesi, ayen rhuẹrẹ oma phihọ kerẹ ohwo ro kpo ofovwi vwọ so owẹ. E ọmọtẹ ri Babilọn!

Matiu 3:12

Adjudju hẹ obọ rọye, kọ nabọ hwerhe utuwevwi rọye, eka re herọ ka ghwẹ ayen kpo erhu, ẹkẹvuọvo ikueku re herọ ke gbeje ayen koko, ka torhẹ ayen kufia.

Ẹvwọphia 9:9

ayen da gba ogba rọ họhọ utehru, edo rẹ ibekpe rayen da họhọ usun rẹ idjighere buebu vẹ esi re vwo kpo ofovwi;