Joẹl 2:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ku wọ cha mrẹ emu re buebu evun kọ vọn wẹ, ku wo jiri odẹ rẹ Ọrovwohwo Ọghẹnẹ wẹn, ro nene uwe yeri vwẹ idjerhe rẹ igbunu. Ihwo mẹ oma gbe cha vo ayen bẹdẹ-ẹ.

Joẹl 2:26 ပူးပေါင်းရင်းမြစ်များ

Jẹnẹsis 33:11

Reyọ, Me rẹ wẹ, ọko nana re Me phare rhe we na, kidie Ọghẹnẹ ru ẹse kẹ vwẹ gangan, fikiridie ọ ri mi vwori na te kẹ vwẹ. Ọtiọna kọye ọ rẹrẹ, ọ da reyọ.

Nehemaya 9:25

Ayen de mie ayen irere ra gba ogba phihọ kugbe otọ oyoyovwi, ayen da kua ro iwevwi re vọnre vẹ emu esiri, iphrophro rẹ ame ra tọn phihọ otọ, ogba ri vain, ọgbọ rẹ oliv ve irhe re mọ emamọ buebu, otiọye ayen da re, evun da vọn ayen ayen da rhe dia tubie tubie, oma da vwerhe ayen vwẹ emu esiri wẹ rode.

Une rẹ Ejiro 103:5

rọ vwẹ emu esiri vwọ vọn wẹn evun uche ọke wọ dia akpọ na krite rere ọmoha wẹn rhoma dia ọkpokpọ kere ugọ.

Une rẹ Ejiro 116:7

Rhivwi, E ẹnwẹ mẹ, kpo omerovwo wẹn; kidie Ọrovwohwo na nene uwe yeri wurhie wurhie.

Une rẹ Ejiro 13:6

Me so ine kẹ Ọrovwohwo, fikiridie o nene uvwe yeri eyenre rẹ oburhubu.

Une rẹ Ejiro 22:26

Ohwo rọ hẹ ukpokpogho cha re, evun me vọn; otu re guọnerọ ki jiri Ọrovwohwo! E jẹn udu wẹn dia bẹdẹ!

Une rẹ Ejiro 37:19

Oma sa vọ ayen vwe ọke re ukpokpogho-o, vwẹ ọke owẹvwe evun sa vọn ayen.

Une rẹ Ejiro 67:5

Jẹn ihwo na jiri uwe, E Ọghẹnẹ, jẹn ihwo na ejobi jiri uwe!

Une rẹ Ejiro 72:18

Ebruphihọ kẹ Ọrovwohwo, Ọghẹnẹ rẹ Izrẹl, rẹ ọye ọvo ru iruo rẹ igbunu.

Isẹ 13:25

Ovwata mrẹ uche emu rọ vọn evun ria, ẹkẹvuọvo evun sa vọn oruimwemwu-u.

Solomon 5:1

Mi de rhi te ogba mẹ, oniọvo mẹ, ọpha mẹ, Me da ghwẹ egẹn mẹ vẹ ugboduma mẹ, Me da vwẹ ọnyọn mẹ rẹ evwavwa mẹ? Me da vwẹ ame rẹ ivie da udi mẹ Re E igbeyan, re wọ da; Da udi vọn oma, E ense mẹ.

Aizaya 25:1

E Ọrovwohwo, wẹ ọye Ọghẹnẹ mẹ, Me kpare owẹ kpenu, mi Jiri ode wẹn; kidie wo ru emu rẹ igbunu, iroro wọ jẹre awanre rhe, uyota gbagba.

Aizaya 29:22

Vwẹ ọtiọye na enẹ Ọrovwohwo tare, ọ rọ tan Ebraham rhivwi, kpahe uwevwi ri Jekọp: Oma gbe vọ Jekọp bẹdẹ-ẹ, opharo rọye gbe fon mune mune ọfa-a

Aizaya 45:17

Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Aizaya 54:4

Wọ djẹ oshọ-ọ, kidie oma cha vo we-e; wo jẹ iroro wẹn tighẹ-ẹ, kidie wọ sa mrẹ omaẹvuọ-ọ, kidie omaẹvuọ rẹ ọke-emọ wẹn cha chọrọ owẹ ẹro ehwẹjẹ rẹ ayeuku wẹn wọ gbe sa karo phihọ-ọ.

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Livitikọs 25:19

Otọ na ko yovwi emu, ovwan ke re evun vọn, ovwan ke dia vẹ ufuoma

Livitikọs 26:26

Mi de vwirhi ọkpọ rẹ ikara rẹ ovwan nu, eya ihwe ke cha dia enyerhanre ọvo kaka ikara, kẹ ovwan cha vwanvwe emu re; ovwan da re nu evun rha vọn ovwa-an.

Livitikọs 26:5

Ke ovwan cha kọrọ eka rhiri re te ọke re vwo vuẹ idju na, kẹ ovwan ji vun rhiri re te ọke ra vwọ rhoma kọn ekankọn, kẹ ovwan cha re evun vọn, ovwan Me rha dia vwẹ otọ na vẹ ufuoma.

Maika 6:14

Wọ cha re emu, ẹkẹvuọvo yẹ evun cha vọn wẹ-ẹ, yẹ owẹvwe re hwe obo evun wẹn. wo che si nẹ obọ, ẹkẹvuọvo wo che koko-o, obo wo rhe koko ke Me vwẹ ayen kẹ ọlọkọ ghwọrọ.

Zẹfanaya 3:11

Vwẹ ẹdẹ yena oma gbe cha vo vwẹ-ẹ fiki re uruemu ru we vwo mukpahe ovwẹ; kidie vwẹ ọke yena ki mi che kpono nẹ ohri rẹ ovwan ihwo rẹ ovwan ri herẹ ri mu oma kpenu na, wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.

Zekaraya 9:15

Ọrovwohwo rẹ otuofovwi na cha sẹro rayen, ayen cha guọghọ ji chihi otu ri do ibieragha muotọ; ayen cha da ebara rayen kerẹ wain, evun Me vọn ayen kerẹ udjokpo rọ vọnre, rhuọrhuọ kerẹ orhoma rẹ agbada na.

Zekaraya 9:17

Ghine uyota, mavọ oyovwi te, mavọ o fẹro te! Emuọre cha nẹrhẹ imighene na rho, wain ọkpokpọ mi rhe ru emetẹ na rho.

Ọbe ri Pọl si rhe Ihwo ri Rom 10:11

Ọbe ọfuanfọn na tare, Kohwo kohwo ro sere gbuyota oma gbe sa vuọ-ọ.

Ọbe ri Pọl si rhe Ihwo ri Rom 5:5

iphiẹrohọ na sa phiẹn ohwo-o, fikiridie e ku ẹguọnọ rẹ Ọghẹnẹ phihọ udu rẹ avwanre vwẹ oma rẹ Erhi Ọfuanfon na ra vwọ kẹ avwanre.

Ọbe ri Pọl si rhe Ihwo ri Rom 9:33

kirobo re siro, Nighere, me ra reyọ uchivwo vwo mu vwi Zayọn rọ cha nẹrhẹ ihwo yẹnghrẹ uchivwo rọ nẹrhẹ ayen she ọ ro sere gbuyota oma gbe sa vuọ-ọ.

Urhi Rivẹ 11:15

Rẹ ọ vwẹ odi rẹ udju rẹ ovwan kẹ eranvwe rẹ ovwan re, ko wọ rẹ evun Me vọn wẹn.

Urhi Rivẹ 12:12

Wa ghọghọ vwẹ obaro rẹ Ọrovwohwo Ọghẹnẹ rẹ ovwan na, wa vẹ emeshare rẹ ovwan, te emetẹ rẹ ovwan, te idibo rẹ ovwan rẹ eshare vẹ e re eya, vi Livae re hẹ orho rẹ ovwan, ro vwo ẹkẹn eyẹ ukuẹriọ tiobo we vwori na-a na.

Urhi Rivẹ 12:18

Ẹkẹvuọvo wọ Me re ayen vwẹ obaro Ọrovwohwo Ọghẹnẹ wẹn na vwẹ asan rọ sanọre, wẹ te ọmọ wẹn rẹ ọshare, te ọmọ wẹn rẹ aye, te odibo wẹn re ọshare, te odibo wẹn rẹ aye, kugbe Livae rọ hẹ orho wẹn; wa Me ghọghọ vwẹ obaro rẹ Ọrovwohwo Ọghẹnẹ wẹn na vwẹ emu ru wo ruẹ ejobi.

Urhi Rivẹ 12:7

oboyi wa da re vwẹ obaro rẹ Ọrovwohwo Ọghẹnẹ rẹ ovwan, wa ke ghọghọ wẹ vẹ evwru uwevwi rẹ ovwan vwẹ evun rẹ emu rẹ ovwan ghwẹ obọ kpahe ejobi, vwẹ emu ejobi rẹ Ọrovwohwo Ọghẹnẹ de bruba kẹ wẹ.

Urhi Rivẹ 8:10

Wọ cha re evun Me vọn wẹ, ko wo jiri Ọrovwohwo Ọghẹnẹ wẹn rọ vwẹ otọ na kẹ wẹ na.

1 Timoti 6:17

Nabo yono ayen otu ri feri vwẹ akpọ na nẹ, ayen bru ọrho-o, eyẹ ayen vwẹ ẹro so efe rọ muẹro-o ẹkẹvnọvo ayen vwẹ ẹro so Ọghẹnẹ rọ kẹ avwanre efe ro muẹ avwanre geie na.

1 Jọn 2:28

Asakiephana, emọ na, ovwan dia evun rọye, rere vwẹ ọke rọ da cha rhe udu rẹ ovwan vwọ gan, rere ovwan vwo jẹ djẹrua vẹ omaẹvuọ vwẹ ẹcha rọye.