Joẹl 2:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Wa djẹ oshọ-ọ, ovwan eranvwe rẹ aghwa, kidie egbri rẹ aghwa na pha wọnwọnwọn; urhe na ra mọ emamọ rọye, te urhe ri fig te vain nabọ mọ buebu.

Joẹl 2:22 ပူးပေါင်းရင်းမြစ်များ

Jẹnẹsis 4:12

Wo de voro otọ na, o gbi che yovwi emu kẹ wẹ-ẹ, ku wọ dia ọvwisusu kugbe osoghoro vwẹ evun rẹ akpọ na.

Une rẹ Ejiro 36:6

Ọvwata wẹn ọ họhọ igbenu rẹ Ọghẹnẹ, orhiebro wẹn ọ họhọ okokodo rode; te ohwo te eranvwe, E Ọrovwohwo ọye wo sivwe.

Une rẹ Ejiro 65:12

Odi rẹ aghwa na re suame prapra, igbenu itete na vwẹ aghọghọ rhuẹrẹ oma,

Une rẹ Ejiro 65:13

Aton na ejobi vwẹ igegede rhuẹrẹ oma, iyara na ejobi vwẹ eka rhuẹrẹ oma, ayen kperẹ ayen koko so ine rẹ aghọghọ.

Une rẹ Ejiro 67:6

Akpọ na yovwi emu buebu; Ọghẹnẹ, Ọghẹnẹ rẹ avwanre, o bruphihọ kẹ avwanre nure.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Izikiẹl 36:30

Ki mi ru emamọ rẹ irhe kugbe emamọ rẹ udju bu phihọ, rere wo vwo jẹ omẹvuọ rẹ owẹvwe ẹmrẹ vwẹ ohri rẹ ẹgborho na.

Izikiẹl 36:35

Ayen ke ta, otọ nana ra kuanu jovwo na rhe rhoma hirhe phihọ ogba rẹ Idẹn; te otọ ofefe ra kuanu ro hirhe phihọ erhurhu vwẹ evun rẹ irere na ejobi a rhoma dia ayen re a je gba ogba phihọ ayen.

Izikiẹl 36:8

Ẹkẹvuọvo wẹ. E igbenu rẹ Izrẹl, eghọn wẹn che yoro rhe, re da rhe mọ emamọ wẹn kẹ ihwo mẹ Izrẹl, kidie ayen cha rhe uwevwi nanana.

Jona 4:11

O gbi rhe fo re me re ehrọre ri Ninivẹ, orere rode yena, rẹ ihwo rọye bunọ uriori ujosan re riẹn obọrhe eyẹ obọhwẹre raye-en, kugbe uchuru buebu na?

Hegae 2:16

Mavọ eyere rẹ ovwan epha? Siẹ rẹ ohwo ọvo da yan te asan rẹ ovwanvwọn uje epha jovwo, ihwe ọvo kọye herọ; siẹ rẹ ohwo ọvo de te okọ ri vain re ọ jẹ ovwanvwọn ujuvẹ gbe ihwe reyọ, uje ọvo kọye ọ cha mrẹ.

Zekaraya 8:12

Kidie ekọn rẹ ufuoma cha dia, vain cha mọ emamọ rọye, otọ na cha ghwẹ ebuo rọye rhe, idjuvwu che rho irho ki mi che ru imihwo ri chekọ vwọ reuku rẹ emu nana ejobi

1 Kọrẹnt 3:7

Ọtiọye na te ọ rọ kọnre vẹ ọ rọ ku ame ku fi emuọvo-o, ẹkẹvuọvo Ọghẹnẹ ọvo rọ nẹrhẹ ọ djẹ na.