Joẹl 2:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Wọ djẹ oshọ-ọ, E otọ; ghọghọ re omavwerhe owẹ, kidie Ọrovwohwo ru okpemu rode!

Joẹl 2:21 ပူးပေါင်းရင်းမြစ်များ

Jẹnẹsis 15:1

Rẹ imu nana vwọ wan nu ota rẹ Ọrovwohwo de bru Ebram rhe vwẹ evwerhẹ, Wọ djẹ oshọ-ọ, Ebram, mẹvwẹ ekpọfia wẹn, osa wẹn cha rho gangan.

Une rẹ Ejiro 71:19

Ogangan wẹn kugbe ọvwata wẹn, E Ọghẹnẹ, o te obo irharheghe rẹ odjuvwu. Wọwẹ ro ruẹ imu ride na, E Ọghẹnẹ, kono re họhọ owẹ?

Une rẹ Ejiro 98:8

Jẹn oghwe na ghwiẹ abọ rayen, jẹn igbenu na ejobi koko so ine rẹ aghọghọ

Aizaya 35:1

Aghwa na kugbe otọ ọyaya na ke cha ghọghọ, aton na cha ghọghọ rọ de di ẹbe gbidigbidi, kerẹ igbodigbo,

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 54:4

Wọ djẹ oshọ-ọ, kidie oma cha vo we-e; wo jẹ iroro wẹn tighẹ-ẹ, kidie wọ sa mrẹ omaẹvuọ-ọ, kidie omaẹvuọ rẹ ọke-emọ wẹn cha chọrọ owẹ ẹro ehwẹjẹ rẹ ayeuku wẹn wọ gbe sa karo phihọ-ọ.

Aizaya 55:12

Kidie kọ yan phia vẹ aghọghọ, ke suo phia vwẹ ufuoma, te ugbenu ride vẹ itete ke ka obaro kẹ weẹ vẹ ine ẹsuọ irhe rẹ aghwa na ke cha fabọ rayen.

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Hosia 2:21

Vwẹ ẹdẹ yena, Ọrovwohwo da ta, ke me kpahe kẹ idjuvwu ayen ke kpahe kẹ otọ,

Joẹl 2:20

Ki mi che bi ohwo rọ he obọhwẹre ọnre nẹ uwe oma, ke Me cha djẹ ra ro otọ ọyaya vẹ otọ ofefe, obaro rọye ra ro abadi rọ hẹ obaro ọnre, obuko rọye kpo abadi rọ he obuko ọnre; ọnrhe rọye ro gbo phi na ko che bru rhe kidie o ru okpemu rode.

Joẹl 2:26

Ku wọ cha mrẹ emu re buebu evun kọ vọn wẹ, ku wo jiri odẹ rẹ Ọrovwohwo Ọghẹnẹ wẹn, ro nene uwe yeri vwẹ idjerhe rẹ igbunu. Ihwo mẹ oma gbe cha vo ayen bẹdẹ-ẹ.

Zekaraya 8:15

ọtiọye rhe Me jẹ iroro vwẹ ẹdẹ nana mi vwo ru Jerusalẹm vẹ uwevwi ri Juda yoyovwi; wọ djẹ oshọ-ọ.

Urhi Rivẹ 4:32

Kidie gba nekpẹn rẹ ẹdẹ rẹ awanre na, e re hẹ obaro wẹn na, rha wẹ ọke rẹ Ọghẹnẹ vwọ ma ohwo phihọ enu rẹ akpọ na, nẹ abọvo rẹ odjuvwu re te abọ rivẹ, se oghẹre rẹ emu rode ọtiọnana ru vwọ dẹvure, gbenẹ e ji nyo ọ rọ họherọ re?

1 Samuẹl 12:16

Asakiephana we gbe mudia fọ re owa mrẹ okpemu nana, rẹ Ọrovwohwo che ru kẹ ovwan mrẹ na

1 Samuẹl 12:24

Takpe wa djẹ oshọ rẹ Ọrovwohwo wa ga vwẹ ọ rẹ uyota vwẹ udu rẹ ovwan ejobi, kidie roro okpemu ride ro ru kẹ ovwan.