Joẹl 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² ẹdẹ rẹ ebri ghwi, ẹdẹ rẹ egho vẹ ebri ghwi! Biebi ghwi o de rhurhu enu rẹ igbenu na ihwo ride vẹ egba gangan, a je mrẹ ọkpọ rayen nẹ awanre rhe-e, eyẹ a je cha mrẹ ọkpọ rayen bẹdẹ-ẹ vwẹ ikpe rẹ uvwiẹ na ejobi.

Joẹl 2:2 ပူးပေါင်းရင်းမြစ်များ

Une rẹ Ejiro 10:6

O roro vwẹ udu rọye nẹ, E che se ghwie vwe-e; vwẹ evun rẹ uvwiẹ na ejobi me cha sa mrẹ okpetu-u.

Une rẹ Ejiro 97:2

Egho vẹ ebri mu riariẹ phihọ, ọvwata vẹ ọsoso eyẹ ichiyi otọ rẹ ekete rọye.

Ẹyano 10:14

Ebaka na da rhe vọn otọ rẹ Ijipt na, ayen de rhurhu otọ rẹ Ijipt na ejobi, kpisi a je mrẹ oghẹrẹ rẹ ebaka nana dẹvo-o yẹ a gbe je cha mrẹ ọfa-a.

Ẹyano 10:6

kẹ ayen cha vọn iwevwi wẹn, vẹ iwevwi rẹ idibo wẹn ejobi vẹ ọ rẹ ihwo rẹ Ijipt ejobi; ọtioghẹrẹ rẹ esẹ wẹn vẹ esẹ wẹn ride je mrẹ dẹvo-o, nẹ ẹdẹ re wọ vwọ rhe akpọ rhi te nonẹ na. Etiyin o de kuoma rhẹriẹ ọ da yan ji Fero vwo.

Ẹyano 20:21

Ihwo na de mudia tephe, ri Mosis vwo siẹkẹrẹ asan ro mu egho na rẹ Ọghẹnẹ epha na.

Aizaya 5:30

Ayen guan vwi fiki rọye vwẹ ẹdẹ yena, kerẹ urhie ro do. Ohwo da kparo ni otọ na, nighere, ebri kugbe ivuemiovwo, orẹmrẹ na ko che mu ebri vwi fiki rẹ ikoro na.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Jerimaya 13:6

Ẹdẹ buebu vwọ wan nu, Ọrovwohwo da ta kẹ vwẹ nẹ, Vrẹn yanran kpo Yufretis, re wọ reyọ otehun me ta kẹ wẹ nẹ wo si nu vwẹ etiyin na.

Uvwerhe 1:12

O fiẹ emuọvo kẹ ovwan ovwan ejobi re wan vrẹn na? Ni rẹ wo mrẹ sa sa mrẹ oja rọ họhọ ọmẹ ro she nyẹ vwẹ na, rẹ Ọrovwohwo ru vwe na vwẹ ẹdẹ rẹ ophu ọgagan rọye na.

Izikiẹl 32:7

Ọke ri mi de phoro uwe nẹ otọ na nu, ki nu rhurhu idjuvwu na mi mi ru isio rayen bi, ke me vwẹ egho vwo rhurhu ọnre, emeranvwe gbi che lo-o.

Izikiẹl 34:12

Kirobo rẹ osuigegede guọnọ igegede evo re hrabọ phia na, ọtiọye me cha guọnọ igegede mẹ phia, ki mi sivwi ayen nẹ asan ejobi rẹ ayen hrabọ ra rhe vwẹ ẹdẹ rẹ enu de bi hwi kugbe ẹdẹ rẹ egho de mu kpoi.

Izikiẹl 38:9

Ku wọ yan hẹ obaro, ra yancha kerẹ ogiribo, ku wọ họhọ egho ro rhurhu otọ na, wẹ vẹ usun wẹn ejobi, kugbe ihwo buebu ri nene uwe.

Daniẹl 12:1

Ọke yena Maikẹl ko che vrẹn rhe, osun rode na re vwo mu vwẹ enu rẹ ihwo wẹn. Ọke rẹ ukpokpogho ko che te, oghẹre ra je mrẹ dẹvo-o nẹ ọke rẹ ẹgborho na vwọ mama rhiri rhi te ọke na, ẹkẹvuọvo vwẹ ọke yena ihwo wẹn ke che sivwi ayen, kohwo kohwo ra mrẹ odẹ rọye vwẹ ọbe na.

Daniẹl 9:12

O ru eta rọye na gba, rọ ta kpahe avwanre vẹ isun ri suẹn avwanre, rọ vwọ reyọ ukpokpogho rode vwo rhe avwanre, kidie vwẹ otọ rẹ ọnre na ejobi obọ re ru ke Jerusalẹm na e ji ruo dẹvo-o.

Joẹl 1:6

Kidie ẹgborho ọvo rhe vwo so otọ Mẹ, gangan ọ bu basa-an; ako rọye ako rẹ okpohrokpo, ọ de vwọ ako rẹ okpohrokpo re aye.

Joẹl 2:25

Ke Me cha rhan ikpe na rhivwi ikpe re igurube na vwọ ghwọrọ na, ebaka na, eghwọghọ na, emegbọ na unuofovwi mẹ rode na, ri mi ji rhe ohri rẹ ovwan na.

Joẹl 2:31

Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te.

Joẹl 2:5

Kerẹ edo rẹ ekpẹrẹ rẹ ofovwi, kẹ ọtiọye ayen pho muẹ enu rẹ igbenu, kirobo rẹ ogiderhanre ruẹ rọ da torhẹ aton ye, kerẹ unuofovwi ọgangan rọ choma hẹrhẹ ofovwi.

Joẹl 3:4

Die ovwan epha kẹ vwẹ, E Taya vi Sidọn, kugbe ubrakpọ ri Filistia ejobi? Wọ rhoma hwa osa kẹ vwẹ fiki rẹ emuọvo? Ọ da dianẹ wọ rhoma hwa osa kẹ vwẹ, ye Me cha nọ ekpẹn rẹ uruemu wẹn vwẹ uyovwi wẹn kpata kpata.

Emọs 4:13

Gbe nighere, ohwo rọ ma igbenu na, rọ da rha ma odju, ro dje iroro rẹ ohwo rẹ akpọ kẹ, Rọ nẹrhẹ ebri muẹ vwẹ irhiọke, ro chiyi asan ro kpenu vwẹ akpọ na Ọrovwohwo na, Ọghẹnẹ rẹ ofovwi na, ọye odẹ rọye.

Zẹfanaya 1:7

Rhurhu unu vwẹ obaro rẹ Ọrovwohwo Ọghẹnẹ! Kidie ẹdẹ rẹ Ọrovwohwo na te otọ re; Ọrovwohwo rhuẹrẹ izobo kpahe Ọ nabọ ru erhorha rọye fuanfon.

Zekaraya 14:6

Vwẹ ẹdẹ yena ekpahe vẹ imicho gbe dia-a.

Matiu 24:21

Ọke yena ukpokpogho rode kọ cha phia, ra je mrẹ oghẹre rọye dẹvo-o, eyẹ ọfa ro rho te oghẹre ọtiọna gbe sa phia bẹdẹ-ẹ.

Iyẹnrẹ Esiri ri Mak 13:19

kidie ukpokpogho ra je mrẹ dẹvo-o nẹ ẹtuọhọ rẹ ẹma rẹ Ọghẹnẹ rhe rhi te ọke nana cha phia vwẹ ẹdẹ yena, a gbe je mrẹ oghẹre ọtiọye ọfa bẹdẹ-ẹ.

Urhi Rivẹ 32:7

Karohọ ẹdẹ rẹ awanre, roro ikpe rẹ edje buebu na nọ vwẹ obọ rẹ ọsẹ wẹn, ro dje kẹ wẹ; nọ ekpako wẹn, ayen ta kẹ wẹ.

Hibru 12:18

Kidie ovwan je rhe yan te obo re je obọ e vwo te-e, ẹkuerhanre ro la grigrigri, kugbe ebri, okuku hwi, kugbe ọgbogho,

Ọbe ri Jud 1:13

omimi rẹ abadi rọ họnra, ro gbe iphughe puọpuọ kẹ omaẹvuọ rayen; isio ro beghe ra vwọ hẹrhẹ ebri hwi bẹdẹ.

Ẹvwọphia 9:2

o de rhie ẹchẹ re orho rẹ igbẹphẹre na, ivwirhi de bru nẹ evun rọye rhe kerẹ ivwirhi rẹ ẹkuerhanre rode, te ọnre te enu ejobi de rhi bi hwi vẹ ivwirhi na.