Joẹl 2:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ọrovwohwo na de nyo ọ da ta kẹ ihwo rọye, Nighe, mi che vwo rhe we Ọka, udi, kugbe evwri, evun kọ cha vọn wẹ; mi gbi che ru we vwọ dia ehwẹjẹ vwẹ ohri re ẹgborho na ọfa-a.

Joẹl 2:19 ပူးပေါင်းရင်းမြစ်များ

Jerimaya 31:12

Ayen cha rhe rhe so une gangan vwẹ ugbenu ri Zayọn, kẹ ayen ghọghọ vwẹ erhuvwu rẹ Ọrovwohwo; vwẹ enu rẹ eka, tẹ wain tẹ evwri, ji te enu rẹ emọ rẹ igegede vẹ uchuru, eyere rayen cha họhọ ogba re ku ame ku, oma gbe rhọ ayen ọfa-a.

Izikiẹl 34:29

Ke me kọn omamọ rẹ ọgbọ ro yovwi emu kẹ ayen rere owẹvwe vwo jẹ ayen ehwe ọfa vwẹ otọ na, rere ẹgborho efa na vwọ jẹ ayen ẹvwọ jehwẹ.

Izikiẹl 36:15

mi gbi ji che ju we nyo ehwẹjẹ rẹ ẹgborho na ọfa-a, wọ gbe cha mrẹ omavovwẹ rẹ ihwo na ọfa-a, ayen gbi che ru ẹgborho wẹn she ọfa-a, eriyin Ọrovwohwo Ọghẹnẹ tare.

Izikiẹl 36:29

Ki mi si we nẹ ijẹfuọn wẹn ejobi, ke me vuẹ rhe ọka ki mi ruọ ro bu phihọ owẹvwe gbi che si kẹrẹ owẹ-ẹ.

Izikiẹl 36:30

Ki mi ru emamọ rẹ irhe kugbe emamọ rẹ udju bu phihọ, rere wo vwo jẹ omẹvuọ rẹ owẹvwe ẹmrẹ vwẹ ohri rẹ ẹgborho na.

Izikiẹl 39:29

Mi gbi che si opharo mẹ nu kẹ ayen ọfa-a, vwẹ ọke ri mi de ku Erhi mẹ na ku uwevwi rẹ Izrẹl, eriyin Ọrovwohwo Ọghẹnẹ tare.

Hosia 2:15

Etiyin ke me vwẹ ogba ri vain rọye vwọ kẹ, ki mi ru iyara rẹ Akọ ẹchẹ rẹ iphiẹrohọ. Etiyin ọ de che nyo kerẹ ọke rọ vwọ hẹ emeghene, kerẹ ọke rọ vwo vrẹn nẹ otọ rẹ Ijipt rhe.

Hosia 2:21

Vwẹ ẹdẹ yena, Ọrovwohwo da ta, ke me kpahe kẹ idjuvwu ayen ke kpahe kẹ otọ,

Hosia 2:22

otọ ke rha kpahe kẹ eka, udi kugbe ọfigbo, ayen ejobi ke kpahe kẹ Jezrẹl,

Joẹl 1:10

A ghwọrọ idju na ejobi fiotọ, otọ na muomahọ; fikiridie a ghwọrọ ọka na, udi na re fiotọ, Evwri na re beroma.

Joẹl 2:24

Utuwevwi re de wuye cha vọn vẹ eka, Ukpotọ re de miẹ vain ke cha vọn mwavwe hwẹ vẹ vain kugbe evwri.

Livitikọs 26:5

Ke ovwan cha kọrọ eka rhiri re te ọke re vwo vuẹ idju na, kẹ ovwan ji vun rhiri re te ọke ra vwọ rhoma kọn ekankọn, kẹ ovwan cha re evun vọn, ovwan Me rha dia vwẹ otọ na vẹ ufuoma.

Zekaraya 8:12

Kidie ekọn rẹ ufuoma cha dia, vain cha mọ emamọ rọye, otọ na cha ghwẹ ebuo rọye rhe, idjuvwu che rho irho ki mi che ru imihwo ri chekọ vwọ reuku rẹ emu nana ejobi

Matiu 6:33

Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ.

Urhi Rivẹ 11:14

rere ọ vwọ rhọ osio ku otọ na vwẹ ọke rọye, osio rẹ ẹsosuọ vẹ osio rẹ ọkuko, rere wọ ghwẹ eka wẹn vẹ wain wẹn, kugbe evwri wẹn rhe uwevwi.

Rutu 1:6

Etiyin aye na vẹ eya rẹ emọ rọye na vrẹnri kẹ ayen rhivwi nẹ otọ ri Moab kpo, kidie o nyori vwẹ otọ ri Moab obo rẹ Ọrovwohwo ra mrẹ ihwo rọye ọ da vwẹ emuọre kẹ ayen. Etiyin o de vrẹn nẹ asan rọ hẹ epha jovwo.