Joẹl 2:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Vwẹ uvwre rẹ umukpe na vẹ agbada na gbe jẹn irherẹn na, ri gbe odibo kẹ Ọrovwohwo na, viẹ re ta, Jẹn ihwo wẹn vwo, E Ọrovwohwo, wo jẹn a vwẹ ireuku wẹn jehwẹ-ẹ vwo bru ohare vwẹ ohri rẹ ẹgborho na-a. Die ayen cha vwọ ta vwẹ ohri rẹ ihwo na nẹ, Tivọ Ọghẹnẹ rayen epha?

Joẹl 2:17 ပူးပေါင်းရင်းမြစ်များ

1 Ivie 6:3

Ọguan rẹ utuwevwi na rọ hẹ obaro rẹ uwevwi na da dia kubit uje vwẹ ugrogro, ọ vẹ ohẹhẹre re uwevwi na abavo, ke rha kubit ihwe o vwo kodo vwẹ obaro rẹ uwevwi na.

1 Ivie 9:7

Etiyin ke Me nyavwe Izrẹl kufia nẹ otọ re Me vwọ kẹ ayen na; kugbe uwevwi ri mi ru fon kẹ odẹ mẹ na ki mi sio nẹ obaro mẹ; ka vwẹ Izrẹl bru isẹ vẹ ohare vwẹ ohri rẹ ihwo na.

2 Ikun rẹ Ivie 7:20

etiyin ke me cha kọrọ owẹ nẹ otọ na re me vwọ kẹ wẹ na; uwevwi nana, ri mi ru fon vwọ kẹ odẹ mẹ na, ke me kparọ kufia nẹ obaro mẹ, ke che vwo brisẹ, ke vwo bru ohare vwẹ ohri rẹ ihwo na.

2 Ikun rẹ Ivie 8:12

Etiyin Solomọn de ze izobo rẹ ẹtorhẹ kẹ Ọrovwohwo vwẹ enu rẹ agbada rẹ Ọrovwohwo rọ so phihọ obaro rẹ ọguan na,

Nehemaya 9:36

Nighe, nonẹ na avwanre ke eviẹn; vwẹ evun re otọ ru wọ vwọ kẹ esẹ rẹ avwanre nẹ ayen re emamọ rọye kugbe emu esiri rọye, nighe, avwanre kẹ eviẹn.

Une rẹ Ejiro 115:2

Die nẹrhẹ ẹgborho na tanẹ, Tivọ Ọghẹnẹ rayen epha?

Une rẹ Ejiro 42:10

Kerẹsiẹ re okpora da dia oma mẹ, ukọn mẹ na ke vwẹ ovwẹ jehwẹ, ye ayen ta kẹ vwẹ kọke kọke nẹ Tivọ Ọghẹnẹ wẹn epha?

Une rẹ Ejiro 42:11

Die oma vwọ rhọ wẹ, E ẹnwẹ mẹ, kugbe die oma vwọ vwranvwran owẹ vwẹ evun mẹ? Phiẹro phihọ Ọghẹnẹ, kidie me cha rhoma jiro, ọchuko mẹ kugbe Ọghẹnẹ mẹ

Une rẹ Ejiro 42:3

Oviẹ mẹ ọye he emuọre mẹ te ason te uvo, ye ihwo ra ta kẹ vwẹ kọke ne, Tivọ Ọghẹnẹ wẹn epha?

Une rẹ Ejiro 42:4

Imu nana me karophihọ, re vwọ họrhọ ne ẹnwẹ mẹ cha, obo re me ve ogbotu na vwọ yan Me da vwe ayen tere usun kpo uwevwi rẹ Ọghẹnẹ, ve ekpere rẹ aghọghọ kugbe ine re ẹkpẹvwẹ, obibinagba re ihwo re re orẹ.

Une rẹ Ejiro 74:10

Mavọ o krite, E Ọghẹnẹ, re ivwighrẹ vwọ jehwẹ te? ọvweghre na kọ va ku odẹ wẹn bẹdẹ?

Une rẹ Ejiro 79:10

Die ẹgborho na vwọ tanẹ, Tivọ Ọghẹnẹ rayen epha? Jẹn ihri ẹriọ re ọbara rẹ idibo wẹn ri hwẹ ku otọ a mrẹ vughe vwẹ obaro rẹ ẹgborhọ na!

Une rẹ Ejiro 79:4

Avwanre rhe rhoma hirhe phihọ ehwẹjẹ kẹ irivẹ rẹ avwanre, ophọphọvwe vẹ ohare kẹ otu re riariẹ avwanre phihọ.

Une rẹ Ejiro 89:41

Ayen otu re wanvrẹn ejobi ki miovwo; o rhi hirhe phihọ ehwẹjẹ kẹ irivẹ rọye.

Une rẹ Ejiro 89:51

re ivwighrẹ wẹn vwọ bọphiẹ, E Ọrovwohwo, rẹ ayen vwọ vwẹ ichiyi rọ ra vwẹ evwri wẹn ghworo na jehwẹ.

Ẹyano 34:9

Ọ da ra, Me da mrẹ aruesiri wẹ vwẹ etinẹ na, E Ọrovwohwo, gbe jẹ Ọrovwohwo, Me rẹ wẹ, yan ro uherevie rẹ avwanre, dede nẹ ayen ihwo vẹ udu ọgangan wọ vwẹ orukuruku rẹ avwanre vẹ umwemwu rẹ avwanre ghovwo avwanre, rere wọ vwẹ avwanre ru iriuku wẹn.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

Aizaya 37:20

Eriyin Asakiephana, E Ọrovwohwo Ọghẹnẹ rẹ avwanre, sivwi avwanre nẹ obọ rọye, rere uvie rẹ akpọ na ejobi vwọ riẹn nẹ wọwẹ ọvo kpoi re hẹ Ọrovwohwo.

Izikiẹl 20:9

Ẹkẹvuọvo mi ruro fiki rẹ odẹ mẹ, rere ayen vwo jẹ ẹphọphọ vwẹ obaro rẹ ẹgborho na rẹ ayen dia ohri rẹ ayen na. Me da vwẹ oma mẹ kẹ ayen riẹn vwẹ obaro rẹ ayen re me vwọ reyọ ayen nẹ otọ rẹ Ijipt rhe.

Izikiẹl 8:16

O da reyọ ovwẹ rhe ọguan rẹ uherevie rẹ uwevwi rẹ Ọrovwohwo na, gbe nighe, vwẹ anurhoro rẹ uwevwi rẹ Ọrovwohwo na, vwẹ uvwre rẹ ọmọguan na vẹ agbada na, ihwo kerẹ uje gbẹ ẹnẹ herọ, ri chuku ku uwevwi rẹ Ọrovwohwo, ayen de chuko ku uwevwi rẹ Ọrovwohwo na ji hirhe opharo ku ọnre, re ga ọnre na.

Hosia 14:2

Gba reyọ eta rẹ uvwerhe re wo rhivwi bru Ọrovwohwo: ru wọ ta kẹ, si orukuruku mẹ nu, reyọ obọ ri yovwiri ke ma vwọ kẹ wẹ emamọ rẹ ẹbẹrunu rẹ avwanre.

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Joẹl 1:9

Izobo rẹ ọka kugbe izobo rẹ udi e bru ayen kufia nẹ uwevwi rẹ Ọrovwohwo na. Irherẹn na muomahọ, otu ri gbe odibo kẹ Ọrovwohwo na.

Emọs 7:2

Ọke rẹ ayen vwọ re odi rẹ otọ na nu, Me da ta, E Ọrovwohwo Ọghẹnẹ, vwo ghovwo, Me rẹ wẹ! Mavọ Jekọp se vwo mudia? Ọ havwe nọ.

Emọs 7:5

Etiyin me da ta, E Ọrovwohwo Ọghẹnẹ da obọ ji, me rẹ wẹ! Mavọ Jekọp se vwo mudia? Ọ havwe nọ.

Maika 7:10

Etiyin ọvweghrẹ mẹ kọ mrẹ, oma kọ vo ohwo rọ ta kẹ vwẹ Tivọ Ọrovwohwo re Ọghẹnẹ wẹn epha? Ki mi ghorie ẹro no, asakiephana ke chiyo te otọ kerẹ ibehre rẹ urhuvwu.

Malakae 1:9

Asakiephana gba guọnọ aroesiri rẹ Ọghẹnẹ, rere o ni arodọvwẹ rẹ avwanre. Wa da vwẹ emu ọtiọye na yọnrọn obọ rhe ko ni arodọvwẹ rẹ ovwan we roro? eriyin Ọrovwohwo rẹ otuofovwi na tare.

Ukeri 25:6

Nighere, ohwo rẹ Izrẹl ọvo da rhe ọ da reyọ aye rẹ ohwo ri Midian rhe ekru rọye, vwẹ irharo ri Mosis kugbe irharo rẹ ukoko rẹ ihwo rẹ Izrẹl na ejobi, vwẹ ọke rẹ ayen vwo viẹ vwẹ asan anurhoro rẹ utughẹ ra da vwa oma na.

Matiu 23:35

Rere osa rẹ evwata rẹ ovwan hweri vwẹ akpọ na vwọ dia uyovwi rẹ ovwan, nẹ ọbara rẹ Ebẹl rẹ ọvwata, re te ọbara ri Zakaraya rẹ ọmọ ri Barakaya rẹ ovwan hweri vwẹ enu rẹ agbada.

Matiu 27:43

Ọ vwẹ ẹro so Ọghẹnẹ; e gbe jo sivwo ra mrẹ, obo rọ guọnerọ te na; kidie ọ tare nẹ, Mẹvwẹ ọmọ rẹ Ọghẹnẹ.

Urhi Rivẹ 28:37

Ku wo hirhe phihọ utuoma vẹ isẹ, kugbe ehwẹjẹ, vwẹ uherevie rẹ ihwo na ejobi rẹ asan rẹ Ọrovwohwo che sun we ra na.

Urhi Rivẹ 32:27

Ọ dianẹ Me djẹ oshọ rẹ ophu ẹrhanriẹ rẹ ivwighrẹ-ẹ, manẹ otu rẹ ukọn rayen brorhiẹ chọ, ayen da rha ta nẹ, Avwanre kparobọ, ọ dia Ọrovwohwo ri ru ọnana-a.

Joshua 7:9

Ihwo ri Kenan vẹ ihwo re dia otọ na ejobi ki che nyo, ke cha gba riariẹ avwanre, ki che phoro odẹ rẹ avwanre nẹ akpọ na; kidie wo ru fiki rẹ odẹ wẹn rode na?