Joẹl 2:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ rere wọ bẹrẹ udu wẹn ọ dia amwa wẹ-ẹn, Re wo rhivwi bru Ọrovwohwo, Ọghẹnẹ wẹn, kidie ọ vẹ ehrọre vẹ arodọvwẹ, ọ fobọ mu ophu-u, o vwo ẹguọnọ esiri gangan ọ kpare iroro vrẹn umwemwu.

Joẹl 2:13 ပူးပေါင်းရင်းမြစ်များ

Jẹnẹsis 37:29

Ọke ri Rubẹn vwo rhivwi rhe asan ọgọdọ na rọ rha mrẹ Josẹf vwẹ etiyi-in, ọ da bẹre emwa rọye

Jẹnẹsis 37:34

Jekọp da bẹrẹ iwun rọye, ọ da vwẹ emwa rẹ uvweri rhuo, o de muomahọ kẹ ọmọ rọye ẹdẹ buebu.

2 Samuẹl 1:11

Devid da yọnrọn emwa rọye, ọ da bẹrẹ ayen, etiọye ji te ihwo ri nenire:

1 Ivie 21:27

Ọke rẹ Ehab vwo nyo eta nana ọ da bẹrẹ emwa rọye, ọ da vwẹ erharhimi rhuo chiri ewẹvwe ọ da vwẹ erharhimi phopho, kọ yan bubu.

Ivie rẹ Ivẹ 22:11

Ọke rẹ ovie na vwo nyo eta rẹ ọbe rẹ urhi na, ọ da bẹrẹ emwa dje oma.

Ivie rẹ Ivẹ 22:19

Fikiridie udu wẹn kurhẹriẹ, wọ da vwẹ oma wẹn kpotọ vwẹ obaro rẹ Ọrovwohwo na, ọke wo vwo nyo obo me ta kpahe etinẹ na, vẹ ihwo rọye, nẹ ayen cha kua fiotọ, wọ da bẹrẹ emwa djẹ oma, wọ da viẹ vwẹ obaro mẹ, Mi ji nyo wẹn rhe, ọtiọye Ọrovwohwo tare.

Ivie rẹ Ivẹ 5:7

Ọke rẹ ovie rẹ Izrẹl vwo se ọbe na nu, ọ da bẹrẹ emwa rọye ọ da ta, Mẹvwẹ Ọghẹnẹ, ro se hwe rọ je sa kẹ arhọ rẹ ohwo nana vwọ vuẹ vwẹ ni mi sivwi oti rẹ ọshare nana kpo? Gbe nighe, wọ mrẹ obo rọ guọnọ ẹghwọ mẹ.

Ivie rẹ Ivẹ 6:30

Ọke rẹ ovie na vwo nyo eta rẹ aye na ọ da bẹrẹ emwa rọye dje oma asakiephana jẹ ọ yan wan enu rẹ igbẹhẹ na vrẹn ihwo ki no, nughe, ọ vwẹ erharhemwa phopho oma rọye–

2 Ikun rẹ Ivie 6:27

Gbe nyo vwẹ odjuvwu, ru wọ vwẹ umwemwu ghovwo idibo wẹn ihwo wẹn Izrẹl, vwẹ ọke wo de yono ayen idjerhe esiri rẹ ayen yan nene; re wọ rhọ osio phihọ otọ wẹn, re wọ vwọ kẹ ihwo wẹn ne vwọ reuku.

Nehemaya 9:17

ayen sen ọghọ, ayen gbi roro iruo rẹ igbunu ru wo ru vwẹ ohri rẹ aye-en; ẹkẹvuọvo ayen da gan udu ayen da vwẹ osun mu no sun ayen rhivwi kpo ọviẹn vwẹ Ijipt. Ẹkẹvuọvo wẹ Ọghẹnẹ rọ choma ro vwo ghovwo, ro vwo ehrọre vẹ arodọvwẹ, ọ fobọ mu ophu-u rọ vọnre vẹ ẹguọnọ ro jẹrhẹriẹ, wọ gbẹ sen aye-en.

ỌBE RẸ JOB 1:20

Etiyin Job de vrẹn ọ da bẹrẹ ewu rọye, ọ da wanre uyovwi rọye, o de she teye otọ, ọ da ga Ọghẹnẹ.

Une rẹ Ejiro 103:8

Ọrovwohwo vọnre vẹ arodọvwẹ vẹ ehrọre, ọ fobọ mu ophu-u ọ vọnre vẹ ẹguọnọ ro je rhẹriẹ.

Une rẹ Ejiro 106:45

Ọ vwi fiki rayen karohọ ọphọ rọye, o de dogho obọ kirobo rẹ ẹguọnọ rọye ro jẹ rhẹriẹ epha.

Une rẹ Ejiro 34:18

Ọrovwohwo na si kẹrẹ otu rẹ udu rayen vwirhiri, o mi sivwi ayen otu rẹ udu rayen ghwọre

Une rẹ Ejiro 51:17

Izobo re Ọghẹnẹ reyọ vwonẹ ọye erhi rọ guọghọre; udu rọ guọghọre kugbe udu ọfuanfon, E Ọghẹnẹ, wo sian otu nana-a

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 58:5

Oghẹre rẹ owẹvwe ọtiọna Me guọnọre, re ohwo vwọ vwẹ oma rọye kpotọ? Rere o vwo gbe uyovwi hẹ otọ kerẹ eyareya, rere ọ vwọ vwẹ esiso kugbe iwurhie hwa otọ? wo se ọnana owẹvwe echiro, kugbe ẹdẹ rẹ Ọrovwohwo jẹreyọ?

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Jerimaya 36:7

Siẹvo ye orẹ rayen che kpo obaro rẹ Ọrovwohwo, nẹ dohwo didjerhe umwemwu rọye cha rhẹriẹ nu, kidie ophu vẹ ivuemiovwo rẹ Ọrovwohwo ro roro kpahe ihwo nana rhoro gangan.

Jerimaya 41:5

eshare ujọne de nẹ Shikẹm vẹ Shilo kugbe Samaria rhe, vẹ etuegba ra wanre kugbe emwa rẹ hẹre, vẹ oma rayen ri bru era, re ghwa izobo rẹ eka vẹ adjija cha rẹ ayen cha vwọ kẹ okẹ vwẹ obi uwevwi rẹ Ọrovwohwo na.

Jerimaya 42:10

Ọ da dianẹ we ghinẹ dia otọ nana, etiyin ke me bọn ovwan me gbe guọghọ ovwa-an, ke me kọn ovwan, me gbe kọrọ ovwa-an, kidie me rhẹriẹ nẹ umiovwo ri mi ru ovwan na re.

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Hosia 14:1

Rhivwi, E Izrẹl, bru Ọrovwohwo Ọghẹnẹ wẹn kidie wọ kprowọ fiki rẹ orukuruku wẹn.

Jona 3:9

Ono sa riẹn sẹ Ọghẹnẹ sa rhẹriẹ nẹ ophu ọgangan ro muo na, rere avwanre vwo je ghwo?

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Nahum 1:3

Ọrovwohwo na fobọ mu ophu-u yo vwo ẹgba rhuarho, Ọrovwohwo na ri brorhiẹ hwe ohwo rọ re abe. Idjerhe rọye ọ hẹ evun rẹ ogiribo vẹ urhie rọ họnra, egho rẹ obenu eye hẹ ekpẹn re tamu awọ rọye.

Ukeri 14:18

Ọrovwohwo fobọ mu ophu-u, ọ vọnre vẹ ẹguọnọ ro jẹrhẹriẹ, ọ vwẹ orukuruku kugbe ogbeku vwo ghovwo ẹkẹvuọvo o vwo obo ro ru wa-a o brorhiẹ hwe o ro re abe, ọ vwẹ orukuruku rẹ esemọ vwo nene emọ, re te uvwiẹ re erha ra ro ọrẹnẹ.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Ẹfesọs 2:4

Ẹkẹvuọvo Ọghẹnẹ, rọ vẹ arodọvwẹ buebu, vwẹ evun rẹ ẹguọnọ rode ro vwo kẹ avwanre na,

1 Timoti 4:8

kidie rẹ cha ẹha vwo vwo eme erere na, uyoyovwi kọye me vwo erere vwẹ idjerhe kidjerhe, o vwo osa vwẹ akpọ nana nu o ki ji vwo osa vwẹ akpọ rọ cha.