Joẹl 2:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Otọ na re kpogho vwẹ obaro rẹ ayen, obenu na ra phariẹ. Ọnre na vẹ emeranvwe mu ebri, elo rẹ isio na de si reyọ.

Joẹl 2:10 ပူးပေါင်းရင်းမြစ်များ

Une rẹ Ejiro 114:7

Phariẹ, E otọ, vwẹ obaro rẹ Ọrovwohwo na, vwẹ obaro rẹ Ọghẹnẹ ri Jekọp,

Une rẹ Ejiro 18:7

Etiyin akpọ na de yeghe o de kpogho, ichivwo rẹ igbenu na de zie i de zie zighi zighi, kidie ophu muro.

Aizaya 13:10

Kidie isio rẹ obo odjuvwu veẹ ọghwẹgbe rayen gbe cha vwẹ orẹmrẹ rayẹn phia-a; ọnre rọ vacha na ko che bi, emeranvwe na gbi che lo-o.

Aizaya 34:4

Usun re otu re obo odjuvwu ejobi che gbo kufia, obenu na ko che kpirhi kere eni. Otu rayen ejobi ki che she, kere obo re che kpara ne vain, kere che ri fig rọ kpara she ne urhe rọye

Aizaya 5:30

Ayen guan vwi fiki rọye vwẹ ẹdẹ yena, kerẹ urhie ro do. Ohwo da kparo ni otọ na, nighere, ebri kugbe ivuemiovwo, orẹmrẹ na ko che mu ebri vwi fiki rẹ ikoro na.

Jerimaya 4:23

Mi de ni akpọ na, me vwọ mrẹ, kẹ ẹghwọrọ kugbe odiodi mi vwo ni obenu, ayen gbi vwo urhukpẹ-ẹ.

Joẹl 2:2

ẹdẹ rẹ ebri ghwi, ẹdẹ rẹ egho vẹ ebri ghwi! Biebi ghwi o de rhurhu enu rẹ igbenu na ihwo ride vẹ egba gangan, a je mrẹ ọkpọ rayen nẹ awanre rhe-e, eyẹ a je cha mrẹ ọkpọ rayen bẹdẹ-ẹ vwẹ ikpe rẹ uvwiẹ na ejobi.

Joẹl 2:31

Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te.

Joẹl 3:4

Die ovwan epha kẹ vwẹ, E Taya vi Sidọn, kugbe ubrakpọ ri Filistia ejobi? Wọ rhoma hwa osa kẹ vwẹ fiki rẹ emuọvo? Ọ da dianẹ wọ rhoma hwa osa kẹ vwẹ, ye Me cha nọ ekpẹn rẹ uruemu wẹn vwẹ uyovwi wẹn kpata kpata.

Emọs 5:8

Ohwo rọ ma Emetasa vẹ Oniọhọvikẹ rọ rhẹriẹ ebri hwi phihọ urhiọke, ọ Me rha rhẹriẹ uvo kpo ason, ro se ame rẹ abadi ejobi kpọ o mi rhe won ayen phihọ enu rẹ akpọ na, Ọrovwohwo na ọye odẹ rọye.

Nahum 1:5

Igbenu na ki kpogho vwẹ obaro rọye, igbenu rẹ itete de mu wran; otọ na ejobi kẹ ofefe vwẹ obaro rọye, akpọ na kugbe obo re dia evun rọye ejobi.

Matiu 24:29

Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho;

Matiu 27:51

Nighe amwa ra vwọ tan obaro rẹ ẹshẹ na, da bẹre ẹbẹre ivẹ nẹ otọ rhi duvwu enu; otọ de mu kpogho; eragha de mu bẹre.

Iruo rẹ Iyinkọn na 2:20

ọnre na ko che mu ebri emeranvwe na ko che hirhe phihọ ọbara, kẹsiẹye ẹdẹ rẹ Ọrovwohwo na ki rhi te, ẹdẹ rode na kọ vwẹ oma phia.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.

Ẹvwọphia 6:12

Ọke re vwo novie usiaphrẹ resan, mi vwo ni, nighe, otọ rode de rhi kpogho; ọnre de rhi bi kerẹ ubi, emeranvwe rọ vẹgbẹ da họhọ ọbara,

Ẹvwọphia 8:12

Amakashe rẹne de hworo oware rọye, a da ghwiẹ akarha rẹ ọnre, kugbe akarha rẹ emeranvwe, kugbe akarha rẹ isio, ọtiọye na akarha rẹ orẹmrẹ rayen de mu ebri; akarha rẹ ọnre gbi vwo orẹmrẹ-ẹ, ọtiọye ji te akarha rẹ emeranvwe.

Ẹvwọphia 9:2

o de rhie ẹchẹ re orho rẹ igbẹphẹre na, ivwirhi de bru nẹ evun rọye rhe kerẹ ivwirhi rẹ ẹkuerhanre rode, te ọnre te enu ejobi de rhi bi hwi vẹ ivwirhi na.