Joẹl 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Hworo owanre na vwi Zayọn, teye unuebo vwẹ ugbenu ọfuanfon mẹ Jẹn ihwo re dia otọ na ejobi mu phariẹ, kidie ẹdẹ rẹ Ọrovwohwo na, ọ kẹrire,

Joẹl 2:1 ပူးပေါင်းရင်းမြစ်များ

1 Ikun rẹ Ivie 15:28

Ọye Izrẹl ejobi da reyọ ekpeti rẹ ọphọ rẹ Ọrovwohwo na rhe vẹ edo rẹ owanre vẹ ekpagha une rọ ganre ra vwẹ isorogun vẹ akpata hworo.

Une rẹ Ejiro 119:120

Uvwo mẹ phariẹ fiki rẹ oshọ wẹn. oshọ re orhiebro wẹn mu vwe.

Une rẹ Ejiro 87:1

Vwẹ enu rẹ ugbenu ọfuanfon wẹn etiyin a bọn orere wẹn na phihọ;

Ẹyano 10:14

Ebaka na da rhe vọn otọ rẹ Ijipt na, ayen de rhurhu otọ rẹ Ijipt na ejobi, kpisi a je mrẹ oghẹrẹ rẹ ebaka nana dẹvo-o yẹ a gbe je cha mrẹ ọfa-a.

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 13:9

Nighere, ẹdẹ rẹ Ọrovwohwo cha, brabra vẹ ophu kugbe ivuemiovwo rode, rọ cha nẹrhẹ akpọ na ejobi kua rọ guọghọ iruimwemwu rọye no.

Aizaya 2:12

Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Aizaya 66:5

Nyo ota rẹ Ọrovwohwo na, ovwan re phariẹ kẹ ota rọye. Imoni wẹn ri tuoma wẹ re dje wẹ kufia fiki rẹ odẹ Mẹ tare nẹ, E ja vwẹ urinrin kẹ Ọrovwohwo, rere avwanre vwọ mrẹ aghọghọ wẹn, ẹkẹvuọvo ayen ihwo rẹ oma cha vo.

Jerimaya 16:10

Ọke wọ da ta eta na ejobi kẹ ihwo nana re, rẹ ayen da ta kẹ wẹ, Die nẹrhẹ Ọrovwohwo ghwoghwo umiovwo rode nana kpahe avwanre vwo? Die ọye orukuruku rẹ avwanre? Didi umwemwu me ru kpahe Ọrovwohwo rẹ Ọghẹnẹ rẹ avwanre vwo?

Jerimaya 16:7

Ohwo che bru ikara kẹ ọ rọ vweri uvweri-i, ro vwo bruche fiki rẹ ohwo rọye ro ghwuru na-a; ohwo je vwẹ uko rẹ uchebro kẹ vwi fiki rẹ ọsẹ eyẹ oni rọye-e.

Jerimaya 4:5

Do vwi Juda, wo ghwoghwo vwi Jerusalẹm, tanẹ, Hworo owanre wan otọ na duvwu, kperi gangan tanẹ, Ghwẹ oma koko, wo jẹn avwanre yanran kpo irere ra gba ogba riariẹ na.

Jerimaya 5:22

Wa djẹ oshọ me-e? eriyin Ọrovwohwo na tare ovwan rha phariẹ vwẹ obaro mẹ-ẹ? Me vwẹ ubu na jẹn ugbwru kẹ abadi ugbere ri bẹdẹ ro jẹ sa wan vrẹn; owenẹ abadi na họnre dede, ayen sa shariẹ-ẹ, owenẹ omimi na kpare ayen sa wan vrẹ-ẹn.

Izikiẹl 12:23

Vwẹ ọtiọye na gba ta kẹ ayen, Enẹ Ọrovwohwo Ọghẹnẹ tare: Mi che phi oba phihọ itẹ nana, ayen gbi che kpe itẹ nana vwẹ Izrẹl ọfa-a. Ẹkẹvuọvo ta kẹ ayen, Ẹdẹ na kẹre otọ re, emramrẹ na ejobi ki che ruẹ gba.

Izikiẹl 21:12

Viẹ wo beroma, ọmọ rẹ ohwo, kidie ihwo mẹ a ta kpaha na; a ta kpahe isun rẹ Izrẹl, a vwẹ ayen vẹ ihwo mẹ vwọ kẹ ọlọkọ hwe. Gba ghwiẹ ekpoghowọ wẹn.

Izikiẹl 30:3

Kidie ẹdẹ na kẹri re, ẹdẹ rẹ Ọrovwohwo na kẹri re, ẹdẹ ro che mu egho, ọke rẹ ughwu kẹ ẹghorho na.

Izikiẹl 33:3

rọ da mrẹ ọlọkọ rọ cha otọ na ro de hworo owanre rọ da vuẹ ihwo na,

Izikiẹl 33:6

Ẹkẹvuọvo ọrhẹrotọ na mrẹ ọlọkọ rọ cha ro rhe hworo owanre-e, rẹ ihwo na da kẹnẹ oma-a, rẹ ọlọkọ na da rhe, rọ da reyọ ọvo vwẹ usun rẹ ayen; a reyọ ohwo yena yanran vwẹ orukuruku rọye, ẹkẹvuọvo ọbara rọye ka nọ ekpẹn rọye vwẹ obọ rẹ ọrhẹrotọ na.

Izikiẹl 7:10

Nighe, ẹdẹ na! Nighe, ọ cha! Ughwu wẹn rhire, orhiẹn rẹ eku ghwẹ ẹbe phihọ re, eheri kpa ipho re.

Izikiẹl 7:12

Ọke na rhire, ẹdẹ na si kẹrire. E jẹn ohwo rọ de ghọghọ-ọ eyẹ ohwo rọ shẹ muomahọ-ọ, kidie ivuemiovwo ọ hẹ enu rẹ ẹgbotu rayen ejobi.

Daniẹl 6:26

Mi ji urhi, nẹ asan rẹ uvie mẹ na teri ejobi, e jẹn ihwo phariẹ re ayen rha djẹ oshọ vwẹ obaro rẹ Ọghẹnẹ ri Daniẹl, kidie ọye Ọghẹnẹ ro jeghwo, Ọ rọ herọ bẹdẹ; uvie rọye a sa guọghọ-ọ, isuesun rọye dia re te oba.

Daniẹl 9:16

E Ọrovwohwo, kirobo rẹ uruemu esiri wẹn ejobi epha, gbe si ophu vẹ ivuemiovwo wẹn nẹ orere wẹn Jerusalẹm, ugbenu ọfuanfon wẹn, fikiridie vwẹ ẹkuoma rẹ umwemwu rẹ avwanre vẹ orukuruku rẹ esẹ rẹ avwanre, Jerusalẹm vẹ ihwo wẹn vwo hirhe phihọ ehwẹjẹ vwẹ ohri rẹ ihwo rẹ riariẹ avwanre phihọ.

Daniẹl 9:20

Ọke re me vwọ ta ota re me vwọ nẹ ẹrhovwo, re me vwọ rhọvwọ umwemwu mẹ vẹ umwemwu rẹ ihwo mẹ Izrẹl, re me rha vwọ re ore mẹ vwẹ obaro rẹ Ọrovwohwo Ọghẹnẹ mẹ, vwọ kẹ ugbenu rẹ Ọghẹnẹ rọ fonro;

Hosia 5:8

Hworo owanre vwi Gibia, hworo owanre vwi Rama Bunu vwi Bẹtaven Phariẹ, E Bẹnjamin.

Hosia 8:1

Phi owanre na phihọ unu wẹn, kidie udene ọ hẹ enu rẹ uwevwi rẹ Ọrovwohwo, kidie ayen miovwo ọphọ mẹ, ayen da chọ urhi mẹ.

Joẹl 1:15

Eghwo kẹ ẹdẹ na! Kidie ẹdẹ rẹ Ọrovwohwo na kerire, kerẹ ẹghwọrọ ro nẹ obọ rẹ Ọrovwoẹgba cha– eriyin ọ cha rhe.

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Joẹl 2:15

Hworo owanre vwi Zayọn, bru ẹdẹ rẹ owẹvwe echiro, se ọghwẹgbe ri ruru;

Joẹl 2:31

Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te.

Joẹl 3:14

Urogho, urogho, vwẹ evun rẹ iyara rẹ orhiebro! kidie ẹdẹ rẹ Ọrovwohwo na kẹrire vwẹ evun rẹ Iyara rẹ orhiebro.

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?

Emọs 5:18

Ekan kẹ wẹ rọ guọnọ ẹdẹ rẹ Ọrovwohwo na! Die wọ vwọ guọnọ ẹdẹ rẹ Ọrovwohwo na? Ẹdẹ na ebri hwi, o vwo orẹmrẹ-ẹ,

Emọs 8:2

Ọ ke ta, Emọs, die wọ mrẹre? Me da ta, obere re emamọ rẹ ọkeuvo. Etiyin Ọrovwohwo da ta kẹ vwẹ, Oba na teri kẹ ihwo mẹ Izrẹl nure, Me gbe rha cha wanvrẹn aye-en.

Ọbe rẹ Ọmraro Ọbadaya Obadaya 1:15

Kidie ẹdẹ rẹ Ọrovwohwo na si kẹre ẹgborho na ejobi re. Kirobo wo ruru, ọtiọye e ji che ru kẹ wẹ, uruemu wẹn cha rhọma she hwe uyovwi wẹn.

Zẹfanaya 1:14

Ẹdẹ rode rẹ Ọrovwohwo na si kẹri re ọ kẹrire ọ cha vẹ ọkpakpa; edọ rẹ ẹdẹ rẹ Ọrovwohwo o muenu korokoro, ọgba rode na kperẹ phia vwẹ etiyin.

Zẹfanaya 1:16

Ẹdẹ rẹ owanre ehworo vẹ unuebo rẹ ofovwi vwọ so irere ra gba ogba riariẹ ogba ri kpenu ra gba hẹrhẹ ofovwi.

Zẹfanaya 1:7

Rhurhu unu vwẹ obaro rẹ Ọrovwohwo Ọghẹnẹ! Kidie ẹdẹ rẹ Ọrovwohwo na te otọ re; Ọrovwohwo rhuẹrẹ izobo kpahe Ọ nabọ ru erhorha rọye fuanfon.

Zẹfanaya 3:11

Vwẹ ẹdẹ yena oma gbe cha vo vwẹ-ẹ fiki re uruemu ru we vwo mukpahe ovwẹ; kidie vwẹ ọke yena ki mi che kpono nẹ ohri rẹ ovwan ihwo rẹ ovwan ri herẹ ri mu oma kpenu na, wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.

Zekaraya 14:1

Gbe nighe, ẹdẹ rẹ Ọrovwohwo cha re, ra cha vwọ ghare emu ra ghwẹ mie ovwan vwẹ ohri rẹ ovwan.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Ukeri 10:2

Duvwu ewanre ivẹ rẹ idọnọ ọfuanfon; owanre ra nabo vwẹ umomo duvwu ọye wo ru ayen; keye wo che vwo se erhon na koko, kọye ukoko na vwọ vrẹn.

Ukeri 10:3

Ọke re de hworo ewanre ivẹ na, ukoko na ejobi ki che bru we cha vwẹ asan unurhoro rẹ utughẹ ra da vwa oma na.

1 Kọrẹnt 14:8

Ọ da dianẹ owanre de di se bọm bọm, kono re choma hẹrhẹ ofovwi?

Filipae 2:12

Vwẹ ọtiọye na, imoni mẹ, kirobo rẹ ovwan mu ọghọ jovwo na, ọtiọye asakiephana, ọ dia irharo mẹ ọvo-o ẹkẹvuọvo ji te obuko mẹ rhe, ovwan gba vwẹ oshọ vẹ ophariẹ vwọ wian owian rẹ esivwo rẹ ovwan phia;

1 Tẹsalonaika 5:2

Kidie ekpuyovwi rẹ ovwan riẹnre gbagba nẹ ẹdẹ rẹ Ọrovwohwo cha kerẹ oji vwẹ ason.

Jems 5:8

Ovwan vwo erhiori rere wan vwẹ udu te otọ; kidie ẹcha rẹ Ọrovwohwo si kẹre re.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

Ẹvwọphia 6:17

kidie ẹdẹ rode rẹ ophu rayen na tere, kono ri se mudia hẹrhẹ?