Joẹl 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Izobo rẹ ọka kugbe izobo rẹ udi e bru ayen kufia nẹ uwevwi rẹ Ọrovwohwo na. Irherẹn na muomahọ, otu ri gbe odibo kẹ Ọrovwohwo na.

Joẹl 1:9 ပူးပေါင်းရင်းမြစ်များ

2 Ikun rẹ Ivie 13:10

Ẹkẹvuọvo vwọ kẹ avwanre, Ọrovwohwo Ọghẹnẹ rẹ avwanre senrọ. Avwanre vwo irherẹn ri gbe odibo kẹ Ọrovwohwo re dia emọ rẹ Erọn dẹn, kugbe ihwo ri Livae re ga ẹga rayen.

Ẹyano 28:1

Wọ me reyọ Erọn rẹ oniọvo wẹn, vẹ emọ rọye, nẹ ohri rẹ ihwo rẹ Izrẹl na, vwo te oma, rere ayen ga vwẹ kerẹ irherẹn. Erọn vẹ emọ rọye, Nadab vẹ Abihu, Eleaza vẹ Itama.

Aizaya 61:6

ẹkẹvuọvo ke se we irherẹn rẹ Ọrovwohwo na, ihwo ke ta kpahe owẹ nẹ igbodibo rẹ Ọghẹnẹ rẹ avwanre, ku wọ re vwe efe re otọ na, vwẹ efe rayen wo de vwo ejiro.

Uvwerhe 1:16

Kidie fiki rẹ imu nana me vwọ viẹ, ẹro mẹ kọ djẹ ọkẹre rẹ oviẹ, kidie obruche tephe kẹ vwẹ O ro phiudu phihọ ovwẹ awọ, emọ mẹ gbi vwo ọchuko-o kidie ọvweghrẹ mẹ kparobọ nure.

Uvwerhe 1:4

Idjerhe ra wan kpo Zayọn muomaphihọ kidie ohwo ọvuọvo sa rhe ẹdorẹ re bruru na-a, inurhoro rọye ejobi kẹ ifefe, irherẹn rọye herọ guan, e kpono emete rọye yanran, vwẹ evun rẹ uvwerhe rọye.

Hosia 9:4

Ayen gbe jẹ udi ku Ọrovwohwo ọfa-a; ayen gbe sa vwẹ izobo rayen na phoro aro-o. Emuọre rayen kọ họhọ emu rẹ uvweri; ihwo re rerọ ejobi yi gbe ẹgua; emu ayen kẹ owẹvwe rayen ọvo ofue; a cha vwọ vwẹriẹ uwevwi rẹ Ọrovwohwo kakaka-a.

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Joẹl 1:16

Ọ dianẹ a ghwọrọ emuọre na kuẹfia vwẹ irharo rẹ ovwan na, te aghọghọ te omavwerhe nẹ uwevwi rẹ Ọghẹnẹ wẹn?

Joẹl 2:14

Kono sa riẹn so se rhivwi rhi kuoma rhẹriẹ rọ da yan jẹn ebruphihọ vwo, izobo rẹ ọka vẹ izobo rẹ udi vwọ kẹ Ọrovwohwo, Ọghẹnẹ wẹn?

Joẹl 2:17

Vwẹ uvwre rẹ umukpe na vẹ agbada na gbe jẹn irherẹn na, ri gbe odibo kẹ Ọrovwohwo na, viẹ re ta, Jẹn ihwo wẹn vwo, E Ọrovwohwo, wo jẹn a vwẹ ireuku wẹn jehwẹ-ẹ vwo bru ohare vwẹ ohri rẹ ẹgborho na-a. Die ayen cha vwọ ta vwẹ ohri rẹ ihwo na nẹ, Tivọ Ọghẹnẹ rayen epha?