Joẹl 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọ da guọghọ vain mẹ ejobi, ọ da dia irhe ri fig mẹ; ọ da kpẹn ehọrọ rayen kuotọ e de ru eghọn rayen fon.

Joẹl 1:7 ပူးပေါင်းရင်းမြစ်များ

Une rẹ Ejiro 105:33

O da guọghọ vain rayen kugbe irhe ri fig rayen, o de vwirhi irhe rẹ orho rayen ejobi.

Ẹyano 10:14

Ebaka na da rhe vọn otọ rẹ Ijipt na, ayen de rhurhu otọ rẹ Ijipt na ejobi, kpisi a je mrẹ oghẹrẹ rẹ ebaka nana dẹvo-o yẹ a gbe je cha mrẹ ọfa-a.

Ẹyano 10:15

Kidie ayen rhurhu otọ na ejobi, ọtiọye otọ na de rhi biku hwi, ayen da re ekakọn na ejobi rẹ otọ na vẹ emamọ ri enu rẹ irhe e rẹ osio rẹ imicho na yan jovwo; ebe ọkpokpọ ọvuọvo rhe chekọ-ọ, tẹ urhe te okakọn rẹ aghwa, vwẹ otọ rẹ Ijipt na ejobi.

Aizaya 24:7

Wain muomahọ, irhe ri vain rọ brenu, ihwo rẹ oma vwerha ra fiunu.

Aizaya 32:12

Ghwie udu wẹn fiki re udju esiri na, fiki re ihi ri vain esiri na,

Aizaya 5:6

Ki mi miovwo, e gbi che fro-o eyẹ a gbe gua-a okpia vẹ idjigbẹ ke cha djẹ rhe vwọ, ki mi ji urhi kẹ enu na nẹ osio gbe rhọ phihọ-ọ.

Jerimaya 8:13

Ọke mi vwo si ayen koko, eriyin Ọrovwohwo na tare, a gbe mrẹ otiẹ vwẹ enu ri vain na-a eye emamọ vwẹ enu rẹ urhe rẹ owe-e. Ẹbe na dede je ghwa ya yẹ obo re me vwọ kẹ ayen wan ayen vrẹn nure.

Hosia 2:12

Ke me guọghọ irhe ri vain vi figi rọyẹ, rọ ta ota kpahe nẹ, Enana osa mẹ, rẹ esen mẹ vwọ kẹ vwẹ. Mi ru ayen hirhe phihọ egbo, eranvwe rẹ aghwa ke re ayen.

Joẹl 1:12

Vain na re vwioro urhc ri fig na ra fa ẹbe Pomegranate, oriẹ, kugbe orhomrẹ, irhe rẹ aghwa na ejobi fa ẹbe re, omavwerhovwẹ gbe herọ kẹ emọ rẹ ihwo-o

Emọs 4:9

Me da vwẹ ophan vẹ akprẹn rhe idju rẹ ovwan, re idju vẹ egbo rẹ ovwan da dia ofefẹ; te irhe ri fig rẹ ovwan te irhe re oliv rẹ ovwan ebaka ghwọrọ ayen re; ji we ji rhivwi bru vwe rhe-e Ọrovwohwo na tarọ

Habakọk 3:17

Owenẹ urhe ri fig rha kpa ipho dede-e, eyẹ ibi gbe hẹ enu ri vai-in, rẹ urhe rẹ oliv gbe mọ-ọ re idju na gbi yovwi emu-u ro gbi vwo ekru rẹ eranvwe vwẹ erhu-u,

Malakae 3:11

Ke me cha ghwọ ku ife vẹ eghwọghwọ re ghwọrọ emu ejobi fiki wẹ re ayen vwo je unu edje te obo rẹ ovwan kọnre ejobi, udju ri vain wẹn kọ mọ ọ gbe fa-a, eriyin Ọrovwohwo rẹ otuofovwi na tare.