Joẹl 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Obo rẹ igurube na re chekọ, ọye igurube re rhan rere. Obo rẹ igurube rha re chekọ, ọye ebaka ri phọ rere, obo re ebaka ri pho re chekọ ọye ebaka re ghwọrọ rere

Joẹl 1:4 ပူးပေါင်းရင်းမြစ်များ

1 Ivie 8:37

Ọ da dianẹ owẹvwe firi vwẹ otọ na, ọ da dianẹ ọtiekọ eyẹ emu ghwọphe eyẹ akprẹn eyẹ ebaka eyẹ ihori; ọda dianẹ ivwighrẹ rayen kpare ofovwi rhe ọvo vwẹ usun rẹ orere rayen na; kọtiekọ kọtiekọ kemiavwe kemiavwe rọ herọ;

2 Ikun rẹ Ivie 6:28

Ọ da dianẹ owẹvwe fiẹ vwẹ otọ na, ọ da dianẹ ọtiekọ eyẹ ophan eyẹ igbidigbi eyẹ ebaka eyẹ ihori; ọ da dianẹ ivwighrẹ rayen kpo imu vwẹ ọvo vwẹ usun rẹ orere rayen; kemiavwe, kemiavwe, koga koga ro herọ;

2 Ikun rẹ Ivie 7:13

Ọke mi de huhu odjuvwu na gbe rẹ osio gbe rhọ-ọ, eyẹ mi de ji ebaka rhe nẹ e rhe ghworọ otọ na, eyẹ mi de ji ọtiekọ rhe ohri rẹ ihwo mẹ,

Une rẹ Ejiro 105:34

Ọ ta ota, ebaka da rhe, emọ rẹ ebaka ri vwo unu-u,

Une rẹ Ejiro 78:46

Ọ da vwẹ ekankọn rayen kẹ ekpihori, emamọ re owian rayen vwọ kẹ ebaka.

Ẹyano 10:4

Kidie wọ da sen nẹ ihwo mẹ kpo-o, nighe odẹ rọ cha na me cha vwẹ ebaka rhe orho wẹn na,

Ẹyano 10:5

kẹ ayen che rhurhu otọ na ejobi, ohwo ọvuọvo gbe sa mrẹ otọ na-a, kẹ ayen cha re obo ri chekọ kẹ wẹ rẹ osio rẹ lmieho hwe chekọ, ayen re urhe kurhe wẹn re djẹ vwẹ evun rẹ aghwa,

Aizaya 33:4

a ghwe emu rẹ ofovwi kere ọke rẹ ekpihọri e si oruru kerẹsiẹ re ahaka epho, re ihwo de pho muo.

Jerimaya 51:14

Ọrovwohwo rẹ otuofovwi vwẹ oma rọye ve nure; Omuẹro me cha ghwẹ we vọn vẹ ihwo, kirobo rẹ ebaka buẹ ye, ayen che do edo rẹ ephiokparobọ vwẹ enu wẹn.

Jerimaya 51:27

Vwẹ aphiana vi vwẹ akpọ na, hwọrọ owanre vwẹ ohri rẹ ẹghorho na; rhuẹrẹ ẹgborho na kẹ ofovwi ra vwọ suọ, se uvie na koko vwọ suọ, Ararat, Mini, vẹ Ashkinaz, vwẹ onotu ọvo mu vwọ suọ ghwe iyesi rhe kerẹ ebaka ri do.

Joẹl 2:25

Ke Me cha rhan ikpe na rhivwi ikpe re igurube na vwọ ghwọrọ na, ebaka na, eghwọghọ na, emegbọ na unuofovwi mẹ rode na, ri mi ji rhe ohri rẹ ovwan na.

Emọs 4:9

Me da vwẹ ophan vẹ akprẹn rhe idju rẹ ovwan, re idju vẹ egbo rẹ ovwan da dia ofefẹ; te irhe ri fig rẹ ovwan te irhe re oliv rẹ ovwan ebaka ghwọrọ ayen re; ji we ji rhivwi bru vwe rhe-e Ọrovwohwo na tarọ

Emọs 7:1

Etiọna Ọrovwohwo Ọghẹnẹ vwọ nẹ vwẹ: nighere, o de se igurube koko vwẹ etuọphihọ rẹ ẹdjẹcha rẹ ẹgon; nighe, ọye ẹdjẹcha rọ kerẹ ovie vwo fro nu.

Malakae 3:11

Ke me cha ghwọ ku ife vẹ eghwọghwọ re ghwọrọ emu ejobi fiki wẹ re ayen vwo je unu edje te obo rẹ ovwan kọnre ejobi, udju ri vain wẹn kọ mọ ọ gbe fa-a, eriyin Ọrovwohwo rẹ otuofovwi na tare.

Urhi Rivẹ 28:38

Wọ cha vwẹ ekankọn ibuebu voro udju wẹn, emerha wọ cha mrẹ vun; kidie ebaka cha ghwọro.

Urhi Rivẹ 28:42

Ebaka cha re irhe re ovwan vẹ emamọ rẹ otọ rẹ ovwan ejobi.