Joẹl 1:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Joẹl 1:13 ပူးပေါင်းရင်းမြစ်များ

2 Samuẹl 12:16

Devid da rẹ Ọghẹnẹ vwọ kẹ ọmọ na; Devid de chiri owẹvwe, ọ da ro uwevwi o de sherhẹ otọ diodi vwẹ ason ejobi.

1 Ivie 21:27

Ọke rẹ Ehab vwo nyo eta nana ọ da bẹrẹ emwa rọye, ọ da vwẹ erharhimi rhuo chiri ewẹvwe ọ da vwẹ erharhimi phopho, kọ yan bubu.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

Aizaya 61:6

ẹkẹvuọvo ke se we irherẹn rẹ Ọrovwohwo na, ihwo ke ta kpahe owẹ nẹ igbodibo rẹ Ọghẹnẹ rẹ avwanre, ku wọ re vwe efe re otọ na, vwẹ efe rayen wo de vwo ejiro.

Jerimaya 4:8

Fiki rẹ ọnana, gba vwẹ esiso rhuo, viẹ beroma; kidie ophu ọtuatua rẹ Ọrovwohwo na ji kurhẹriẹ jẹn avwanre vwo-o.

Jerimaya 9:10

Viẹ wo beroma kẹ igbenu na, je viẹ ovie kẹ odi rẹ aghwa na, kidie aguọghọ ayen ohwo ọvuọvo gbe wan vrẹ-ẹn e gbi nyo oviẹ rẹ uchuru vwọ-ọ, te emephran rẹ obenu kugbe e eravwe rẹ aghwa dje ghwru.

Izikiẹl 21:12

Viẹ wo beroma, ọmọ rẹ ohwo, kidie ihwo mẹ a ta kpaha na; a ta kpahe isun rẹ Izrẹl, a vwẹ ayen vẹ ihwo mẹ vwọ kẹ ọlọkọ hwe. Gba ghwiẹ ekpoghowọ wẹn.

Izikiẹl 27:31

Ayen de gbe oma rayen akpan fiki wẹ, ayen de rhuo emwa rẹ uvweri, ayen da viẹ kẹ wẹ oviẹ rọ yara korokoro, vẹ oma emuophihọ rode.

Izikiẹl 7:18

Ayen vwẹ esiso rhuo oma rayen, uguegue de rhurhu ayen; omavovwẹ vọn opharo rọye, uyovwi rayen gbe akpan.

Hosia 9:5

Kidie wo che ru vwẹ ẹdẹ rẹ orẹ re bruru na, kugbe ẹdore rẹ Ọrovwohwo na?

Joẹl 2:12

Dede vwẹ Asakiephana, eriyin Ọrovwohwo tare, vwẹ udu wẹn ejobi rhivwi bru vwẹ rhe,. vẹ owẹvwe echiro, vẹ oviẹ, kugbe omaemuohọ,

Joẹl 2:14

Kono sa riẹn so se rhivwi rhi kuoma rhẹriẹ rọ da yan jẹn ebruphihọ vwo, izobo rẹ ọka vẹ izobo rẹ udi vwọ kẹ Ọrovwohwo, Ọghẹnẹ wẹn?

Joẹl 2:17

Vwẹ uvwre rẹ umukpe na vẹ agbada na gbe jẹn irherẹn na, ri gbe odibo kẹ Ọrovwohwo na, viẹ re ta, Jẹn ihwo wẹn vwo, E Ọrovwohwo, wo jẹn a vwẹ ireuku wẹn jehwẹ-ẹ vwo bru ohare vwẹ ohri rẹ ẹgborho na-a. Die ayen cha vwọ ta vwẹ ohri rẹ ihwo na nẹ, Tivọ Ọghẹnẹ rayen epha?

Ukeri 28:14

Izobo rẹ udi rọye kọ dia ubro rẹ ukoko ri wain kẹ erhuẹn ọvuọvo, ẹkẹn erha ri ukoko kẹ egbo ọvuọvo; ẹkẹn erha re ukoko kẹ egbo ọvuọvo; ọnana kọye cha dia izobo rẹ ẹtorhẹ vwẹ emeranvwe ọvuọvo vwẹ emeranvwe na ejobi bẹsiẹ rẹ ukpe na vwo re.

Ukeri 28:4

Omogodẹ ọvo wo vwo ze izobo vwẹ irhiọke, omogodẹ ro chekọ kọye wo vwo ze vwẹ ovwọnvwọn;

Ukeri 28:7

Izobo rẹ udi rọye kọ dia ẹkẹn ẹne ri ukoko vwọ kẹ omogodẹ ọvuọvo; vwẹ asan ọfuanfon na wo de ku izobo rẹ udi ọgangan na kuẹ Ọrovwohwo.

Ukeri 29:6

vwọ ba izobo rẹ ẹtorhẹ rẹ emeranvwe ọkpokpọ, vẹ izobo rẹ ọka rọye, kugbe izobo rẹ ẹtorhẹ kọke kọke, kugbe izobo rẹ ọka rọye, kugbe izobo rẹ udi rayen, kirobo rẹ urhi rẹ ji kẹ ayen epha, izobo rẹ erhanre ro gbo ọnrhẹn ororo kẹ Ọrovwohwo.

1 Kọrẹnt 4:1

E nẹ ohwo kohwo se roro avwanre phihọ, kerẹ idibo ri Kristi kugbe imuidi rẹ igbunu rẹ Ọghẹnẹ.

1 Kọrẹnt 9:13

Ovwan rha riẹn nẹ otu ra reyọ phihọ iruo rẹ uwevwi rẹ ẹga na je vwẹ evun rẹ uwevwi na ayen da ria emu rayen, nẹ otu re gọ iye vwẹ enu rẹ agbada na je ria vwẹ emu ra vwọ gọ iye na?

2 Kọrẹnt 11:23

Ayen idibo ri Kristi? Mi yovwi nọ ayen–me ta ota kerẹ ọrhuẹ–vwẹ owian buebu, vwẹ uwodi buebu, vwẹ ehwe o vwo unu-u, edegbe ughwu vwẹ okẹ buebu.

2 Kọrẹnt 3:6

Ohwo ro ru avwanre fo vwọ dia ogbodibo rẹ ọphọ ọkpokpọ na, ọ dianẹ vwẹ ọbe re siri-i ẹkẹvuọvo vwẹ evun rẹ Erhi na, kidie ọbe re siri na hwe ghwẹ, ẹkẹvuọvo Erhi na kẹ arhọ.

2 Kọrẹnt 6:4

ẹkẹvuọvo avwanre dje oma rẹ avwanre phia kerẹ idibo rẹ Ọghẹnẹ vwẹ idjerhe kidjerhe: vwẹ oma rẹ akoechiro rode, vwẹ oma ẹlaghọ, vwẹ obẹnvwẹ, okpetu,

Ẹvwọphia 11:3

Ke me vwẹ ogangan kẹ iseri mẹ ivẹ rere e mraro ẹdẹ uriori kugbe uri gbẹ ujorha, ye vwẹ emwa rẹ uvweri rhuo.