Joẹl 1:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Vain na re vwioro urhc ri fig na ra fa ẹbe Pomegranate, oriẹ, kugbe orhomrẹ, irhe rẹ aghwa na ejobi fa ẹbe re, omavwerhovwẹ gbe herọ kẹ emọ rẹ ihwo-o

Joẹl 1:12 ပူးပေါင်းရင်းမြစ်များ

Une rẹ Ejiro 4:7

Wọ rhoma phi aghọghọ phihọ udu mẹ nọ obo re ayen vwori vwẹ ọke rẹ ọka vẹ udi de buẹ.

Une rẹ Ejiro 92:12

Ọvwata ra rhua gbodo gbodo kerẹ oriẹn, ọ rhua kerẹ igedu vwi Lebanọn.

Solomon 2:3

Kerẹ omamọ rẹ orhomrẹ vwẹ ohri rẹ irhe, ọtiọye ọnse mẹ epha vwẹ ohri rẹ imighene Omavwerhe rode mi vwo tidia vwẹ ophie rọye, omamọ rọye kọ miẹmiẹ ovwẹ nẹghẹ nẹghẹ.

Solomon 4:13

Aghọn wẹn da họhọ ọgbọ ri pọmẹgranate e vọnre vẹ emamọ ri me yovwi ejobi, re pha rhọghọ rọghọ vẹ ivwri,

Aizaya 16:10

Ye aghọghọ te omavwerhe a reyọ ayen yanran vwo nẹ udju esiri na; vwẹ evun rẹ ogba ri vain na o rhe vwo une ra so-o, o vwo ohwo ro kuvwieri-i; o vwo ohwo ro chiyi vain vwẹ asan umi na-a; edo ra vwọ kọrọ vain fueri.

Aizaya 24:11

Unuebo ọ hẹ ẹvun rẹ irhuvwu fiki ri wain rọ kanrẹ; aghọghọ ejobi te ovwọnvwọn rọye rẹ ọmavwerhovwẹ rẹ akpọ na reri kakare

Aizaya 24:7

Wain muomahọ, irhe ri vain rọ brenu, ihwo rẹ oma vwerha ra fiunu.

Aizaya 9:3

Wo ru irere na bu phihọ wo ru aghọghọ rọye rho phihọ, ayen ra ghọghọ vwẹ obaro wẹn kerẹ aghọghọ rẹ ọke ọrhọ, kerẹsiẹ rẹ ihwo a da ghọghọ rẹ ayen da ghare emu rẹ ofovwi.

Jerimaya 48:3

Kerhọn oviẹ nẹ Horonaim cha, Ofefe vẹ ẹghwọrọ rọde na!

Jerimaya 48:33

Omavwerhovwẹ vẹ aghọghọ a reyọ ayen yanran nẹ otọ oyoyovwi ri Moab; Mẹvwẹ re da iwani ji vwẹ asan re de mio, ohwo ọvuọvo rha vwẹ aghọghọ chiyi aye-en, edo na gbe dia edo rẹ aghọghọ-ọ.

Joẹl 1:10

A ghwọrọ idju na ejobi fiotọ, otọ na muomahọ; fikiridie a ghwọrọ ọka na, udi na re fiotọ, Evwri na re beroma.

Joẹl 1:16

Ọ dianẹ a ghwọrọ emuọre na kuẹfia vwẹ irharo rẹ ovwan na, te aghọghọ te omavwerhe nẹ uwevwi rẹ Ọghẹnẹ wẹn?

Jona 4:7

Ẹkẹvuọvo ọke rẹ ọke vwo rhie vwẹ ẹdẹ rivẹ, Ọghẹnẹ da vwẹ ohori rhe, rhe riẹ okankọn na ọtiọye na o de vwioro.

Hegae 2:19

Kẹ ibi rẹ emamọ na je hẹ erhu? Ki vain, vi fig, kugbe pomegranate, kugbe urhe rẹ oliv gbe je mọ emuọvo-o? Ki nonẹ yanran ki mi bruphihọ kẹ wẹ.

Malakae 3:11

Ke me cha ghwọ ku ife vẹ eghwọghwọ re ghwọrọ emu ejobi fiki wẹ re ayen vwo je unu edje te obo rẹ ovwan kọnre ejobi, udju ri vain wẹn kọ mọ ọ gbe fa-a, eriyin Ọrovwohwo rẹ otuofovwi na tare.

Ukeri 13:23

Ayen de rhi te iyara rẹ Eshkọl, etiyin ayen da nyavwe erhẹghẹ ri otie, ayen de duvwu urhe phihọ ihwo ivẹ da viọn ayen; ayen je ghwa pomegranates, kugbe urhe rẹ owe rhe.