Joẹl 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Jo gbe we unu, E otu ri voro otọ, Beroma, E otu re rhuẹrẹ vain, fiki rẹ ọka vẹ irosun, fikiridie orhọ rẹ udju na ejobi ghwọrọ kufia.

Joẹl 1:11 ပူးပေါင်းရင်းမြစ်များ

Aizaya 17:11

wo de se ru ayen djẹ vwẹ ẹdẹdẹ ru wọ kọn ayen na, re da sa kpipho vwẹ irhirhiọke ru wọ kọnrọn na; dede na orhọ rọye cha djẹ yanran vwẹ ẹdẹ rẹ ivuemiovwo na kugbe odjadja re je se sivwo na.

Jerimaya 14:2

Juda muomahọ Anurhoro rọye re brenu, ihwo rọye ra viẹ vwẹ otọ na, oviẹ ri Jerusalẹm mu kpenu

Jerimaya 50:16

Bru ọkekakon nu Babilọn, kugbe ohwo rọ yọnrọn arekpe vwẹ ọke rẹ orhọ na, fiki rẹ ọlọkọ rẹ ọroshenyẹ na, dohwo dihwo rọye che rhivwi bru ra, dohwo dotọ rọye cha djẹ ra.

Jerimaya 9:12

Ono ohwo rọ ghwanre rọ sa riẹn otọ rẹ ọnana? Ono unu rẹ Ọrovwohwo tarọ kẹ, ro ghwoghwo phia? Die jabọ rẹ otọ na vwo miovwi, vwọ dia ofefe kerẹ aghwa rẹ ohwo ọvuọvo gbe wan vrẹ-ẹn?

Izikiẹl 30:2

Ọmọ rẹ ohwo, mraro, re wọ ta, E nẹ Ọrovwohwo Ọghẹnẹ tare: Beroma, Eghwo kẹ ẹdẹ na!

Emọs 5:16

Fiki re otiọye e nẹ Ọrovwohwo tare, Ọghẹnẹ rẹ otuofovwi na; Ọrovwohwo na, omaebere kọ cha dia vwẹ evun rẹ osuere na, ejobi, ke ayen che kperi vwẹ irhuvwu na ejobi nẹ, eghwo! eghwọo! Ayen ki che se eghwẹrẹ na kpo omaemuophihọ otu re riẹn omaebere ke se ayen kpo oma evwerhe,

Ọbe ri Pọl si rhe Ihwo ri Rom 5:5

iphiẹrohọ na sa phiẹn ohwo-o, fikiridie e ku ẹguọnọ rẹ Ọghẹnẹ phihọ udu rẹ avwanre vwẹ oma rẹ Erhi Ọfuanfon na ra vwọ kẹ avwanre.