Jerimaya 9:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ẹrẹnvwe rayen vẹ obi kerẹ odada; Ota rẹ ophiẹnvwe ọ ta; dohwo dunu rọye vwọ ta ọta rẹ ufuoma kẹ ọrivẹ rọye, yẹ iroro ro vwo hwe hẹ udu rọye.

Jerimaya 9:8 ပူးပေါင်းရင်းမြစ်များ

2 Samuẹl 3:27

Abner ri vwo hirhe te Hebrọn, Joab de se phihọ akakọ kpo ughere rere ọbẹbẹ nene ta omota, etiyin o de duvwo evun o de ghwu, fiki rẹ ọbara rẹ Asahẹl rẹ oniọvo rọye.

Une rẹ Ejiro 12:2

Kohwo kohwo vwọrọn efian kẹ ọrivẹ rọye; avwavwe ebro kugbe ẹrenvwe ivivẹ udu rayen vwọ ta ota.

Une rẹ Ejiro 12:3

E jẹn Ọrovwohwo bru unu ro bru avwavwe ejobi kufia, kugbe ẹrenvwe rọ yeyan rẹ okpemu ride,

Une rẹ Ejiro 120:3

Kidie a vwọ kẹ wẹ? Kidie ọfa e rhe ru kẹ wẹ, wẹwẹ ẹrẹnvwe rọ phiẹn ohwo na?

Une rẹ Ejiro 28:3

Wọ reyọ ovwẹ vẹ iruimwemwu kuegbe-e, vwo kugbe ihwo ri ruẹ imwemwu-u re ta ota rẹ ufuoma ke ọrivẹ rayen ye umwemwu rhe ayen udu.

Une rẹ Ejiro 35:20

Kidie ayen ta ota rẹ ofuoma-a, ẹkẹvuọvo vwọ kpahe ayen re pha fuefu vwẹ otọ na eye ayen je iroro omiomiovwi kpaha.

Une rẹ Ejiro 55:21

Ota rẹ unu rọye ghwọriẹ kerẹ evwri, dede na yẹ ofovwi hẹ udu rọye; ota rọye lọhọ nọ ọfigbo, dede na yọ tọn ọlọkọ rọye mu.

Une rẹ Ejiro 57:4

Mi sherhẹ uherevie rẹ ikpohrokpo, re vwẹ urhuru furhu emọ rẹ ihwo rẹ akpọ ria, ako rayen ibiri kugbe edada, ẹrenvwe rayen elọkọ re dan.

Une rẹ Ejiro 62:5

Kidie Ọghẹnẹ ọvo ọye ẹnwẹ mẹ fọre gbiẹi hẹrhẹ, kidie iphiẹrohọ mẹ obọ rọye o nẹ cha.

Une rẹ Ejiro 64:8

Fiki re ẹrẹnvwe rayen ko che sun ayen kpo ughwru, ayen ihwo re mrẹ ayen ejobi ki kpogho uyovwi.

Isẹ 25:18

Ohwo ro se oseri rẹ efian kpahe ọrivẹ rọye ọhọhọ ukpokpo rẹ emọ, eyẹ ọlọkọ, eyẹ odada ọpiọpiọpiọ

Jerimaya 5:26

Kidie a mrẹ ihwo umwemwu vwẹ ohri rẹ ihwo mẹ; ayen rhẹrẹ pẹpẹ kerẹ ọkpaufi rẹ ọphran rọ rhẹrẹ. Ayen kpahe ufi, ayen mu Ihwo.

Jerimaya 5:9

Mi gbi hwe ayen vwi fiki rẹ imu nana-a eriyin Ọrovwohwo tare; me gbe re ihri kẹ oma mẹ kpahe orere ọtiọnana?

Jerimaya 9:3

Ayen kpirhi ẹrẹnvwe rayen kerẹ umurhabọ; efian ọ dia uyota-a ọye ma rho vwẹ otọ na, kidie ayen nẹ umwemwu ra ro umwemwu, ye ayen riẹn vwẹ-ẹ, eriyin Ọrovwohwo na tare.

Jerimaya 9:4

Dohwo dọrivẹ rọye kẹnẹ oma kẹ, wọ vwẹ ẹro so oniọvo ọvuọvo-o oniọvo koniọvo riodọvwe, ọrivẹ kọrivẹ muẹ ohwo phọphọ.

Jerimaya 9:5

Dohwo dọrivẹ rọye phiẹnre ọ rọ ta uyota herọ-ọ; ayen yono ẹrẹnvwe rayen obo ra vwọrọn ofian, ayen ruẹ umwemwu yẹ uvwerhi jẹn ayen kurhẹriẹ-ẹ.

Maika 6:12

Edafe rẹ ovwan vọnre vẹ ozighi; ihwo rẹ dia evun rẹ orere na vwọrọ efian, ẹrenvwe rẹ unu rayen vọnre vẹ ophiẹvwe.