Jerimaya 9:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Dohwo dọrivẹ rọye kẹnẹ oma kẹ, wọ vwẹ ẹro so oniọvo ọvuọvo-o oniọvo koniọvo riodọvwe, ọrivẹ kọrivẹ muẹ ohwo phọphọ.

Jerimaya 9:4 ပူးပေါင်းရင်းမြစ်များ

Jẹnẹsis 32:28

Etiyin ọ da ta, E gbi se odẹ wẹn Jekọp ọfaa, ẹkẹvuọvo kẹ Izrẹl, fikiridie wọ vẹ Ọghẹnẹ kugbe ihwo rẹ akpọ muabọ, yi wo sheri-i.

Une rẹ Ejiro 101:5

Ohwo rọ bẹbẹ gbe odẹ rẹ ọrivẹ rọye ku Ke me guọghọ. Ohwo rọ vẹ ẹro umwemwu vẹ udu re evwan Mi se chirako rọye-e.

Une rẹ Ejiro 15:3

rọ vwẹ unu rọye vwo miovwẹ-ẹ, ro ruẹ emu umwemwu kẹ ugbeyan rọye-e.

Isẹ 10:18

Ohwo rọ si eghrẹn nu vwẹ udu rọye ọphiẹnvwẹ o ruẹ, ohwo rọ rha jẹ ihwo fia ẹkpa ọye epha.

Isẹ 25:18

Ohwo ro se oseri rẹ efian kpahe ọrivẹ rọye ọhọhọ ukpokpo rẹ emọ, eyẹ ọlọkọ, eyẹ odada ọpiọpiọpiọ

Isẹ 4:16

Kidie ayen rhe ru umwemwu-u ovwerhẹ sun aye-en; jokpa nẹ ayen sun ohwo ọvo ghwru kẹsiẹye ovwerhẹ ki sun ayen.

Isẹ 4:17

Kidie umwemwu eruo ọye emu rẹ ayen ria, ozighi egbe ke rha udi rẹ ayen da.

Isẹ 6:16

Emu esan herọ ri tuẹ Ọrovwọhwo na oma, ighwrẹ re dia ẹgua vwọ kẹ:

Isẹ 6:19

oseri rẹ efian rọ vwọrọn efian, kugbe ohwo ro phiẹ ohra phihọ ohri rẹ iniọvo.

Aizaya 59:13

ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Aizaya 9:16

kidie ihwo ri sun ihwo nana sun ayen ghwru, ihwo rẹ ayen sunrun ejobi e mu ayen rọ.

Jerimaya 12:6

Kidie iniọvo wẹn vẹ uwevwi rẹ ọsẹ wẹn, de gbe ozighi kpahe owẹ rẹ ayen ejobi de kperẹ nene uwe tuatuatua, wo se ayen gbuyota-a, owenẹ ayen ta avwerhe kẹ wẹ.”

Jerimaya 6:28

Ayen ejobi gan udu ayen vwọ so vwẹ ayen ihwo ri miovwo ihwo ẹrovwo vẹ utehru ayen ruẹ, ayen ejobi miovwi re tototo.

Jerimaya 9:8

Ẹrẹnvwe rayen vẹ obi kerẹ odada; Ota rẹ ophiẹnvwe ọ ta; dohwo dunu rọye vwọ ta ọta rẹ ufuoma kẹ ọrivẹ rọye, yẹ iroro ro vwo hwe hẹ udu rọye.

Izikiẹl 22:9

Ihwo evo hẹ evun wẹn na ri gbe ode mẹ ku fiki rẹ ọbara esuo, ihwo evọ je hẹ evun wẹ re ria emu vwẹ obenu rẹ igbenu, ihwo gbe ọfarhiẹ ọbrabra vwẹ uherevie wẹn.

Livitikọs 19:16

Wọ rha dia oguguegu vwẹ ohri rẹ ihwo wẹ-ẹn, wo ji mudia kẹ ehwe rẹ arhọ rẹ ọrivẹ wẹ-ẹn. Mẹvwẹ Ọrovwohwo na.

Malakae 2:10

O dia ọsẹ ọvo avwanre na ejobi vwori? Ọ dia Ọghẹnẹ ọvo na ma avwanre? Kidie sorọ rẹ avwanre vwọ jẹ ohwohwo eseghuyota, rẹ avwanre vwo miovwo ọphọ rẹ esẹ rẹ avwanre?

Matiu 10:17

Ẹkẹvuọvo ovwan jomaotọ; kidie e che mu ovwan kpo ẹguare, vwẹ evun ri Sinagọg, kẹ ayen che ru ovwan oja.

Matiu 10:21

Oniọvo che hwe oniọvo, ọsẹ che hwe ọmọ, emọ che hwe i ri vwiẹ ayen, ri de ghwu.

Iyẹnrẹ Esiri ri Luk 21:16

Esẹ vẹ ini kugbe iniọvo kugbe imoni kugbe igbeyan ọvo che mu ovwan rhe, ayen che hwe otu ẹvo rẹ ovwan ghwu;

1 Tẹsalonaika 4:6

E jẹn ohwo ọvuọvo chọ urhi-i, e jo gbe oniọvo rọye kuẹ vwẹ ota nana-a, fikiridie Ọrovwohwo hẹ ọreihri rẹ imu nana ejobi, kirobo rẹ avwanre kpa okpa phihọ ovwan obọ na.