Jerimaya 9:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ayen kpirhi ẹrẹnvwe rayen kerẹ umurhabọ; efian ọ dia uyota-a ọye ma rho vwẹ otọ na, kidie ayen nẹ umwemwu ra ro umwemwu, ye ayen riẹn vwẹ-ẹ, eriyin Ọrovwohwo na tare.

Jerimaya 9:3 ပူးပေါင်းရင်းမြစ်များ

Jẹnẹsis 39:16

O de si ewun na nu bẹsiẹ rẹ onini rọye vwọ rhe uwevwi,

Isẹ 12:5

Iroro rẹ ọvwata ọsoso ọ dia, iroro rẹ ọvwozighi ọ vẹ ọghware.

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

Aizaya 3:5

Ihwo na ki che shenyẹ ohwo ohwo ku ohwo ku otu rọye ku ohwo ku ọrivẹ rọye, omotete ko che yivwaro kpahe ọkpako, orharhe ohwo che yivwaro kpahe omiragua.

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Aizaya 9:18

Kidie umwemwu torhẹ kerẹ erhanre, kọ torhẹ ekpia vẹ idjigbẹ, etu na kugbe egbo etu na kugbe egbo na ki muẹ la, ki bru ikori rẹ ivwirhi kpenu.

Jerimaya 12:6

Kidie iniọvo wẹn vẹ uwevwi rẹ ọsẹ wẹn, de gbe ozighi kpahe owẹ rẹ ayen ejobi de kperẹ nene uwe tuatuatua, wo se ayen gbuyota-a, owenẹ ayen ta avwerhe kẹ wẹ.”

Jerimaya 22:16

O brorhiẹ rẹ igbere vẹ ọ rẹ uvwohwo, etiyin o de yovwi. O dia ọna a vwọ riẹn vwẹ-ẹ? Enẹ Ọrovwohwo tare.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Jerimaya 5:4

Etiyin me da ta, Enana wọ de mrẹ na igbere, ayen vwo iroro-o, kidie ayen riẹn idjerhe rẹ Ọrovwohwo na-a, ayen riẹn urhi rẹ Ọghẹnẹ raye-en.

Jerimaya 5:5

Mi bru ihwo ride ra, re me je ta kẹ ayen, kidie ayen riẹn idjerhe rẹ Ọrovwohwo, kugbe urhi rẹ Ọghẹnẹ rayen ẹkẹvuọvo ayen ejobi koko vwirhi urhekpe na, ayen da sanvwe ejọrọn na vwie.

Jerimaya 6:28

Ayen ejobi gan udu ayen vwọ so vwẹ ayen ihwo ri miovwo ihwo ẹrovwo vẹ utehru ayen ruẹ, ayen ejobi miovwi re tototo.

Jerimaya 7:26

dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Jerimaya 9:5

Dohwo dọrivẹ rọye phiẹnre ọ rọ ta uyota herọ-ọ; ayen yono ẹrẹnvwe rayen obo ra vwọrọn ofian, ayen ruẹ umwemwu yẹ uvwerhi jẹn ayen kurhẹriẹ-ẹ.

Jerimaya 9:8

Ẹrẹnvwe rayen vẹ obi kerẹ odada; Ota rẹ ophiẹnvwe ọ ta; dohwo dunu rọye vwọ ta ọta rẹ ufuoma kẹ ọrivẹ rọye, yẹ iroro ro vwo hwe hẹ udu rọye.

Izikiẹl 8:13

O da je ta kẹ vwẹ rhe, wọ je cha mrẹ ẹgua rọ rho nọ ọtiọna rẹ ayen ruru.

Daniẹl 11:27

Vwọ kẹ ivie ivẹ na, ẹnwẹn rẹ umwemwu ọvo kọye cha vọn ayen evun, ayen cha vwọrọn efian vwẹ enu rẹ imẹjẹ ọvuọvo na, ẹkẹvuọvo o che vwo otọ-ọ; kidie oba na che te vwẹ obọ vwẹ ọke re bruru na.

Livitikọs 19:11

We cho uji-i, ovwan je phiẹn ohwo-o, ovwan vwọrọ efian kohwo ohwo-o

Iyẹnrẹ Esiri ri Mak 8:38

Kidie ohwo kohwo rọ vo oma mẹ kugbe oma rẹ ota mẹ vwẹ evun rẹ orua ri gbe igberadja na kugbe iruimwemwu nana, Ọmọ rẹ ohwo je vo oma rọye rhe, vwẹ ọke rọ da cha vwẹ evun rẹ urinrin rẹ Ọsẹ rọye vẹ emakashe efuanfon na.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Iruo rẹ Iyinkọn na 24:9

Ihwo ri Ju na ejobi da rhọvwe phihọ obo ro guru na nẹ ghene ọtiọye.

Ọbe ri Pọl si rhe Ihwo ri Rom 1:16

Kidie oma rẹ iyẹnrẹ esiri na sa vo ovwẹ-ẹ: kidie ọye hẹ ogangan rẹ Ọghẹnẹ ro ruẹ iruo rẹ esivwo kẹ ohwo kohwo ro segbuyota ejobi, ẹsosuọ vwọ kẹ ihwo ri Ju tavwe ro ki te ihwo ri Grik.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Ọbe ri Pọl si rhe Ihwo ri Rom 3:13

Upho rayen rhie phihọ ghwroro, ayen vwẹ ẹrenvwe rayen vwọ phiẹn ihwo. Obi rẹ ọrobiebi hẹ otọ rẹ ẹbẹrunu rayen

1 Kọrẹnt 15:34

Nabọ vwẹ udu kpotọ, wo gbi ruẹ imwemwu ọfa-a. Kidie ẹvo vwọ erianriẹn rẹ Ọghẹnẹ na-a. Me ta ọnana rere oma vwọ vo ovwan.

Filipae 1:28

Ovwan phariẹ kẹ ivwighrẹ rẹ ovwa-an. Ọnana kọ cha dia echa kẹ ayen otu re guọnọ ẹghwọrọ rayen, ẹkẹvuọvo ọye kẹ esivwo rẹ ovwan, ọyena kẹ obọ rẹ Ọghẹnẹ o nurhe.

2 Timoti 3:13

yẹ ihwo umwemwu kugbe otu ri muẹ odẹ kẹ oma re miovwẹ phihọ, e phiẹn yẹ a je ghwa phiẹn ayen.

Ọbe ri Jud 1:3

Imoni re ghare, rẹ urhuru vwo si vwe vwo siẹ ọbe nana rhe ovwan kpahe esivwo rẹ avwanre ọvuọvo na, emu ọvo da gba phihọ ovwẹ udu ni mi si rhe ovwan vwo bru ovwan uche, rere ovwan vwọ họnre chochọ rẹ esegbuyota ra vwọ kẹ ihwo efuanfon na.

Ẹvwọphia 12:11

Ayen da vwẹ ọbara rẹ Omogodẹ na phio kparobọ kugbe ota rẹ iseri rayen, ayen se ẹnwẹn rayen gbe emuọvo-o ayen je davwerhọn rẹ ughwu-u.

Iguẹdjọ 14:17

Aye na da viẹ vwẹ obaro rẹ ọshare rọye bẹsiẹ rẹ ẹdẹ ighwrẹn rẹ orẹ na vwo te; ẹdẹ rẹ ighwrẹn na vwọ gba nu ọ da fa otọ rẹ ido na kẹ ayẹ rọye, kidiẹ ayẹ na karhiẹre unu ganọ. Etiyin aye na da ra fa otọ rẹ ido na kẹ ihwo rẹ orho rọye.

Iguẹdjọ 2:10

Uvwiẹ yena ejobi de ghwu bru esẹ rayen; Etiyin uvwiẹ ọfa de rhi mu kpahe ayen, re riẹn Ọrovwohwo na-a kugbe iruo ro ruru kẹ Izrẹl na-a.

1 Samuẹl 2:12

Asakiephana emọ rẹ Eli kẹ erharhe rẹ ihwo; ayen se Ọrovwohwo gbe emu-u.