Jerimaya 9:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ ẹkẹvuọvo ọ rọ yoma gba vwẹ ọna yoma, nẹ ọye vughe uvwe ọye je riẹn vwẹ, nẹ mẹvwẹ Ọrovwohwo ro nẹ ẹguọnọ ro jẹrhẹriẹ, rọ guọnọ uyota kugbe ọvwata vwẹ akpọ na, kidie imu nana ri je vwe eriyin Ọrovwohwo na tare:

Jerimaya 9:24 ပူးပေါင်းရင်းမြစ်များ

Une rẹ Ejiro 20:7

Ẹvo vwẹ ekpẹre rẹ ofovwi yeyan, ẹvo ke iyesi, ẹkẹvuọvo avwanre vwẹ odẹ rẹ Ọrovwohwo rẹ Ọghẹnẹ rẹ avwanre yeyan.

Une rẹ Ejiro 34:2

Erhi mẹ vwẹ Ọrovwohwo yan eyan; jẹn ọ re kpokpo nyo re ọ ghọghọ.

Une rẹ Ejiro 34:3

E nene uvwe bru ọrho phihọ Ọrovwohwo oma, jẹn avwanre koko kpare odẹ rọye kpenu!

Une rẹ Ejiro 44:8

Ọghẹnẹ ma vwọ yan eyan kọke kọke, ke ma vwẹ ẹkpẹvwẹ kẹ odẹ wẹn bẹdẹ

Une rẹ Ejiro 44:9

Dede na wẹ re dje avwanre kufia wọ da vwẹ avwanre gbotọ, wọ rha yan nene unuofovwi rẹ avwanre-e.

Une rẹ Ejiro 51:1

Ni aruẹdọ mẹ, E Ọghẹnẹ, kerẹ ọtiobo rẹ ẹguọnọ ro jẹ rhẹriẹ wẹn bute, kerẹ ọtiobo re aruẹdọ wẹn bute, phoro ogbeku mẹ nu

Une rẹ Ejiro 91:14

Fikiridie o churu mu vwe vwẹ ẹguọnọ, ki mi sivwo, Ke me chochọ rọye, kidie ọ riẹn odẹ mẹ

Une rẹ Ejiro 99:4

Ovie ro vwo Egba, rọ guọnọ ọsoso, wọwẹ ri brorhiẹn abavo wọwẹ ri brorhiẹn ọsoso vẹ ọvwata vwi Jekọp.

Aizaya 20:5

Etiyin ofu ko dje ayen vẹ ozighi fiki rẹ Itiopia re ayen vwẹ ẹro so kugbe ljipt rẹ ayen vwọ yeyan.

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Jerimaya 22:16

O brorhiẹ rẹ igbere vẹ ọ rẹ uvwohwo, etiyin o de yovwi. O dia ọna a vwọ riẹn vwẹ-ẹ? Enẹ Ọrovwohwo tare.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Iyẹnrẹ Esiri ri Luk 10:22

Ọsẹ mẹ vwẹ emu na ejobi kẹ vwẹ; yẹ ohwo ọvuọvo riẹn ọmọ na-a jokpa rẹ Ọsẹ na, eyẹ ohwo ọvuọvo riẹn Ọsẹ na-a jokpa rẹ ọmọ na kugbe ohwo rẹ ọmọ na vwe rọ phia kẹ.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Ọbe ri Pọl si rhe Ihwo ri Rom 5:11

Ọ dia ọtiọye ọvo-o, ẹkẹvuọvo avwanre je ghọghọ rhe vwẹ oma rẹ Ọghẹnẹ fiki rẹ Ọrovwavwanre Jesu Kristi, rẹ avwanre wan oma rọye vwo arhuẹrẹ phihọ.

1 Kọrẹnt 1:31

fiki rẹ ọtiọye na, kirobo re siro, Jẹn ohwo rọ yan eyan ejobi, vwẹ Ọrovwohwo yan eyan.

2 Kọrẹnt 10:17

Jẹn ohwo rọ yan eyan, vwẹ Ọrovwohwo yan eyan.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

Galesha 6:14

Ẹkẹvuọvo me guọnọ ejiro kaka-a jokpa nẹ vwẹ evun rẹ agbagba rẹ Ọrovwavwanre Jesu Kristi na, rọ nẹrhẹ a kanre akpọ na mu agbagba kẹ vwẹ na, a da rha kanre ovwẹ mu agbagba kẹ akpọ na.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

1 Samuẹl 15:22

Samuẹl da ta, Wo rori nẹ Ọrovwohwo vwo omavwerhe vwẹ izobo rẹ ẹtorhẹ kugbe izobo re zeri, kirobo rẹ oma vwerhe Ọrovwohwo siẹ re de mu ọghọ kẹ urhuru rọye– Nighe, Ọghọ emuo o yovwi nọ izobo, ra vwọ kerhọ nọ lvwri rẹ egbo.